ئهڤرۆ نیوز:
حهیدهر عهبادى سهرۆك وهزیرێن عیراقێ و شاندێ ل گهل دا، ل گهل باراك ئوباما سهرۆكێ ئهمریكا ل كوچكا سپى كومبوو.
د بهیاننامهكێ دا نڤیسینگهها سهرۆك وهزیرێن عیراقێ ئاماژه ب وێ یهكێ كریه كو حهیدهرعهبادى و ئوباما د كومبوونێ دا رهوشا نوكه یا عیراقێ و دهڤهرێ شروڤهكریه و رژدى ل سهر بهرفرههكرنا پهیوهندیێن ههردو ئالیان هاتیه كرن و دیسا بهیاننامێ ئاماژه ب وێ یهكێ كریه كو ئوباما پشتهڤانیا خوه بۆ بۆ عیراقێ دیاركر بۆ ژناڤبرنا تیرورێ.
ئهڤرۆ نیوز:
ئهڤرۆ مهسعود بارزانى سهرۆكێ ههرێما كوردستانێ سهرپهرشتیا كومبوونهكا ههڤپشك یا ههردو مهكتهبێن سیاسى یێن پارتى دیموكراتى كوردستان و ئێكهتیا نیشتمانیا كوردستانێ كر.
د كومبوونێ دا بهحسێ رهوشا سیاسى یا عیراقێ و ههرێما كوردستانێ و شهرێ تیرورستێن داعش و سهركهفتنا هێزێن پێشمهرگهى كر.
ههروهسا د پشكهكا دى یا كومبوونێ دا بهحسێ رهوشا ناڤخویا كوردستانێ و پهیوهندیێن د ناڤبهرا هێزێن سیاسى یێن كوردستانێ كر و رژدى ل سهر پاراستنا دهستكهفتێن گهلێ كوردستانێ كر ل بن سیبهرا ئێكرێزى و تهبایى یا د ناڤبهرا لایهنێن كوردستانى دا بدهستڤه هاتى.
ئهڤرۆ نیوز:
مهسعود بارزانى سهرۆكێ ههرێما كوردستانێ ب ههلكهفتا سالڤهگهرا 27 سالیا ئهنفالكرنا وهلاتیێن ههرێما كوردستانێ پهیامهك بهلاڤكریه و د پشكهكا پهیامێ دا راگههاندیه: باشترین وهفا بۆ قوربانى و شههیدێن ئهنفالێ، پاراستنا ئێكرێزیا گهلێ مهیه و دهستگرتنه ب بهرژهوهندیێن بلند یێن مللهتێ مه، بۆ وێ یهكێ بشێن ڤێ قوناغا دژوار یا روى ب روى گهلێ مه بووى ب سهركهفتى دهرباز بكهین.
سهرۆك بارزانى دیسا راگههاندیه: ڤێ جارێ ژى، دوژمنێن گهلێ كوردستانێ ب ههمان نهفهسا دوژمنكارانه و نهمروڤانه یا ئهنفالچیان هێرشێن درندانه كرنه سهر گهلێ كوردستانێ، بهلێ خوراگریا گهلێ كوردستانێ و پێشمهرگێن قارهمان، رێ ب تیرورستان نههاتنه دان ب ئامانجێن خوه بگههن.
ئهڤرۆ نیوز، ناجی بهدهل:
عهلی بهندی بهرپرسێ سهنتهرێ ئهنفالان ل دهۆكێ بو ئهڤرۆ نیز دیاركر ههرسال و ههمو دهمێن ههلكهفتێن ئهنفالان وان داخوازكریه ژ حكومهتێ بو داگههكرنا ئهوان كهسان یێن دهست د ئهنفالان دا ههی كو ئهو لیستا ژ دادگهها بلندا عیراقێ دهركهتی ب تومهتا دهست ههبونێ بهێنهگرتن و رهوانهكرن بو داگههێ و وان گهلهك بزاڤ و پێكول كرینه جهێ داخێ یه دبن ههرناڤهكی خو ڤهشارتینه و دهێنه ڤهشارتن و و بازرگانی ب خوینا شههیدان،ئێكه ژ تاوانێن ههره مهزن .
بهرپرسێ سهنتهری ئهنفالان ئهو چهنده ژی گوت:ئهو تاوانبار و ئهنجامدهرێن پشكدارێن ئهنفالان كو دبێژنێ ئهنفالچی نها دكولانێن باژێركێن كوردستانێ خو دههژین كو لیستا ناڤێن وان ئهوا ژلایێ دادگهها بلندڤه هاتیه راگههاندن 258 كهسن و تا نها چ پێرابون بو گرتن و ڤهكولینكرنا ڤان كهسان نههاتیه كرن .
عهلی بهندی ئهو چهنده ژی دیاركر چهندین جارا ب رێكێن جودا جودا بزاڤا گرتن و داگههیكرنا ئهوان كهسان دایه ئهو ژی رێكا رێكخراوێن نیڤ دهولهتی و حكومهتا ههرێما كوردستانێ و وهزارهتا شههیدان .
ناڤبری ئهو ئیكه ژی دیاركر ب رێكا نونهرێن ههرێمێ ل بهغدا وان داخوزاكریه كار ب بریارێن داگهها بلندا عیراقی بهیتهكرن مینا قهرهبوكرنێ و بو ئهو كهسێن زهرهرو زیان ڤێكهتین ژ ئهگهری پرۆسیسا ئهنفالان تا نها ب ئهگهرێ كێم تهرخهمیا نونهرێن مه داخوازى بجه نههاتیه.
ئهڤرۆ نیوز، ناجی بهدهل:
ڤهمان فهیسهل ئهندامێ لیژنهیا كارۆبارێن یاسایی ل پهرلهمانێ كوردستانێ بو ئهڤرۆ نیوز دیاركر پێنگاڤا ئیكێ ژلایێ پهرلهمانێ گوردسانێ ڤه هاته هاڤێتن بو دیاركرنا شیوهیێ شكلی بو لیژنهیا دستوری بو پرۆژێ دستورێ ههرێما كوردستانێ و چهوا دهست بكارێن خو بكهت ،ئهڤا بهرى چهند سالا ژلایێ پهرلهمانی ڤه هاتیه پهسهندكرن و پشتی پهیاما سهرۆكێ ههرێمێ هاتیه رهوانهكرن بو پهرلهمانی كوردستانێ.
ئهندامێ لیژنهیا كارۆبارێن یاسایی ل پهرلهمانێ كوردستانێ ئهو چهنده ژی دا زانین دێ لیژنهیهكا دستوری هێته پێك ئینان كو 21 كهسان بخوڤه دگریت و ئهركێ وێ سازانه دناڤبهرا هێز و لایهنین سیاسیێن ههریما كوردستانێ بو دستورێ ههرێمێ ل دهمێ 90 رۆژان كارێن خو بهرههڤ بكهت و بدهنه پهرلهمانێ كوردستانێ .
ڤهمانی ئهو چهنده ژی گوت:ئهو لیژنهیا دستوری ب تهوافوق دناڤبهرا لایهنێن سیاسی ل پهرلهمانێ كوردستانێ دا هێته پێك ئینان كو ئهركێ وێ دانان و پیداچونه ب پرۆژێ دستورێ ههرێمێ، لێ دڤێت ل بن سیهوانا سازانێ و ب سازانێ دستور بهیته دانان.
ئهڤرۆ نيوز:
عهمار حهكيم سهرۆكێ جڤاتا بلند ئهڤرۆ رۆژا سێشهمبى 14ى نيسانا 2015ێ مهرجێن ئهمريكا رهتكرن يێن كو بهحس ل وێ چهندێ دكهن كو ئهو دێ پشتهڤانيا هێزێن عيراقى كهن بهرامبهر وێ چهندێ حهشهد شهعبى پشكداريێ د ئازادكرنا وان دهڤهران دا نهكهت.
عهمار حهكيم د بهياننامهكێ دا كو ژ نڤيسينگهها وى دهركهفتيه هاتيه: “سۆپاس ههموويان دكهين يێن هاريكاريا مه د كهن د شهرێ مه يێ چارهنڤيسى دا و ههر كهسێ ل ههمبهر مه راوهستيايى ل ڤى دهمێ مێژوويى ژ ژيانا مه و ئاخا مه، بهلێ دبێژين پشتهڤانى نابيت ب مهرج بيت و سهپاندن ل سهر مه و ههڤال مهرجان ل سهر ههڤال و ههڤپهيمانان مهرجان ناسهپينيت”.
هاتيه ژى: “ئهڤه 10 ساله عيراق يا پڕى تيرۆرا رهش و هزرا ژناڤچوويا تارى و تهكفيرى يه، ههر دهم ژى مه گوهداريا ههڤپهيمان و ههڤالێن خوه كريه”.
عهمار حهكيم ئاماژه ب وێ چهندێ ژى كريه كو ئهوان ههموو شێواز و رێ و چاره تێست كرينه و دبێژيت: “نوكه دهما هات گوهداريا مه بكهن و چارهيێن مه و ل سهر مهرجێن خوه راوهستن يێن بۆ پشتهڤانيا و شيرهتكرنا مه ددهنه بهر چاڤ، ئهم وهكو وهلات شيرهتان وهردگرين، بهلێ مهرجان قهبوول ناكهين و ب تايبهت يێن بێ بههانه”.
ئهڤرۆ نيوز:
وهزارهتا پێشمهرگهيى ل حوكمهتا ههرێما كوردستانێ دێ دو ليوايێن پێشمهرگهيى يێن رێكخراو ب رهنگێ خوبهخش دامهزينيت و رێ بۆ ههموو چين و توێژێن وهلاتيێن كوردستانێ يا ڤهكريه بێ جوداهى.
ب گۆرهيى راگههاندنهكێ ئهميندارێ گشتيێ وهزارهتا پێشمهرگهيى راگههاند كو ب تنێ مهرجێن پێشمهرگاتيێ دێ بهرچاڤ هێنه وهرگرتن و د دهمهكێ نێزيك دا دێ ل ههموو ئالاڤێن راگههاندنێ بهلاڤ كهن.
ژ گرنگترين ئهو مهرجێن هاتينه دياركرن؛ ژيى و پلا زانستى و جهێ مهشقكرن و بجهئينانا ئهركى، دڤێت ژيێ خۆبهخشى د ناڤبهرا 18 بۆ 30 سال بيت و ههكه ژمارا خۆبهخش ژ پێدڤيا ميلاكێ ههردو ليوا زێدهتر بوون، دێ رێژا تهمهنى هێته خوار و پلا زانستى ژى ژ شهشێ سهرهتايى بۆ سهرڤه يه و ب ههمان رهنگ ههكه ميلاك زێده بوو دێ پلا زانستى چيته سهرى.
دڤێت خۆبهخش د ئاماده ژى بن ل ههر جههكێ كوردستانێ بن، پشكدارى مهشق و بجهئينانا ئهركێن پێشمهرگاتيێ بن.
ئهڤرۆ نيوز:
سيناتۆرهكێ كۆماريخوازێن ئهمريكى خوه بۆ ههلبژارتنێن سهرۆكاتيا ئهمريكا كانديد كر و دێ بيته ههڤركێ هيلارى كلينتۆن وهكو كانديد بۆ ديموكراتخوازان.
ماركۆ رۆبيۆ سناتۆرێ كۆماريخوازێن ئهمريكى خوه بۆ ههلبژارتنێن سهرۆكاتيا ئهمريكا كو دێ ل سالا 2016ێ ب رێڤهچن كانديد كر و ئاماژه ب وێ چهندێ كر كو ئهو يێ ژ ههژى يه ل سهر ليستا كۆماريخوازان ببيته نوونهرا بۆ پۆستێ سهرۆكاتيا ئهمريكا. گۆتژى: “دێ ب باشى كار كهم دێ خهونێن ئهمريكيان ب جهـ بينم”
پێشتر د گرتهيهكا ڤيديۆيى دا، هيلارى كلينتۆن وهزيرا دهرڤه يا بهرێ يا ئهمريكا ل سهر ليستا ديموكراتخوازان كانديدكرنا خوه بۆ ڤى پۆستى راگههاند.
ئەڤرۆ نیۆز، سالار دۆسکی:
سەرۆکێ لقێ دھۆکێ، سەندیکایێن کرێکارێن کوردستانێ، دیارکر کو ئەڤ سالە ساخکرنا بیرەوەریا رۆژا جیھانی یا کرێکاران کو ئێکی ئەیارێ یە ژ سالێن بوری دێ جوداتر ھێتە ساخکرن.
عیسا نسری، سەرۆکێ سەندیکایێن کرێکارێن کوردستانێ لقێ دھۆکێ، بۆ ئەڤرۆ نیۆز گۆت: “ئەڤ سالە گێرانا ئاھەنگان نابیت، ب تنێ دێ سەردان بۆ پێشمەرگێ کوردستانێ ھەبن و دیسان دێ چەند سمینارەک بۆ رەوشەنبیرکرن و ھشیارکرنا کرێکان ھێنە گێران ل سە ماف و ئەرکێن کرێکاران ل کوردستانێ”.
ھەمبەر کومبوونا سەندیکایێن کرێکارێن کوردستانێ ل گەل پارێزگەرێ دھۆکێ ژی، عیسا نسری گۆت: “کرێکارا ھندەک جھان ل پارێزگەھا دھۆکێ دەوامێ وکاری پتر ژ کارێ خوە کار دکەن، بەرامبەر پارێ بۆ دھێتەدان ئانکو دەمژمێرێن زێدە بۆ ناھێنە ھەژمارتن و ئەڤە بتنێ ھندەک جھان و نەھەموویان، دیسان ل گەل چەندین کێشێن دی ھاتینە بلندکرن”.
سهنديكا كرێكارێن كوردستانێ نوكه زێدهترى 30 هزار ئهندامان ههنه ههر وهكو سهرۆكێ سهنديكايێن كرێكارێن كوردستانێ ئاماژه پێكرى.
ئهڤرۆ نيوز:
ب ههلكهفتا بيرهوهريا ئهنفالان حوكمهتا ههرێما كوردستانێ پهيامهك بهلاڤكر تێدا ئاماژه ب وێ چهندێ كريه كو بهرى 27 سالان بهرى نوكه گهلێ كوردستانێ روو ب روويێ مهزنترين ههوا جينوسايدێ “ههوا ئهنفالان” بوويه، ئامانج ژێ نههێلانا مللهتێ كورد و ناسناما وێ بوو كو تێدا ژبلى ژناڤبرنا ب هزاران گۆند و دهڤهرێن كوردستانێ 182 هزار وهلاتيێن بێ تاوانێن كوردستانێ بوونه قوربان و شههيد بوون.
ئاماژه ب وێ چهندێ ژى كريه كا چاوان حوكمهتا عيراقێ ئهڤ تاوانه ب جينوسايد هاتيه هژمارتن وهسان ژى كهسوكارێن وان بهێنه قهرهبووكرن.
سهرهرايى ههڤخهميا خوه ژى راگههانديه كو ئهو بهردهوام ل دووڤ وێ چهندێ دگهريێن رووفاتێن كهسوكارێن ئهنفالكريان ڤهگهرينن و دايه زانين كو بهردهوام كار ژ بوو نێڤدهولهتيكرنا ڤێ كهيسێ دكهن.
ههر د ڤێ پهيامێ دا ئاماژه ب وێ چهندێ ژى كريه كو ئهڤرۆ ژى گهلێ كورد يێ روو ب روويێ ههمان چارهنڤيس بوويى دژى ههوهكا وهكو يا ئهنفالان ژ لايێ تيرۆرستێن داعش ڤه ژ بهر هندێ ژى گهلێ كوردستانێ ب ههموو پێكهات و لايهنێن سياسى ڤه ژ ههموو دهمێن دى زێدهتر پێدڤى ب ئێكدهنگى و ئێكرێزى و خۆراگريێ يه بۆ بهرسنگگرتنا خهونا تيرۆرستان و ئهنفالچيان و دوژمنێن ئازادى و مرۆڤاتيێ.
دهقێ پهيامێ:
بیست و حەوت ساڵ لەمەوبەر، گەلی کوردستان ڕووبەڕووی گەورەترین شاڵاوی جینۆساید “شاڵاوی ئەنفالەکان” بووه، كه ئامانج لێی سڕینەوەی بوون و ناسنامەی نەتەوەییی میللەتەکەمان بوو و تیایدا وێڕاى خاپووركردنى بە هەزاران گوند و ناوچهى كوردستان، زیاتر لە (182000) هاووڵاتی بێ تاوانی کوردستانیش، بوونە قوربانی و شههید كران.
ئێستا کە یادی ئەم ڕۆژە تاڵانە دەکەینەوە، ساڵانێک بەسەر دادگاییکردنی سەرانی ڕژێمى بهعسى تاوانكارى ئهنجامدهرى ئهنفالهكاندا تێدەپەڕێت و وەک چۆن ئەرکی یاسایی و ئەخلاقیی دادگای باڵای تاوانەکانی عێراق، ناسینی ئەم شاڵاوه بووە وهك شاڵاوى جینۆسایدكردنى گەلی کوردستان، بە هەمان شێوەش ئەرکی نیشتیمانی و یاسایی و ئەخلاقیی حکوومەتی عێراقه كه قەرەبووى ماددی و مەعنەویی ڕزگاربووان و کەسوکاری قوربانیانی ئەنفال بكاتهوه، لەگەڵ قەرەبووی ژینگە و زێدی ئەو هاووڵاتیانەی کە ناوچەکانیان بەر شاڵاوی ئەنفالەکان کەوتبوون.
حکوومەتی هەرێمی کوردستان وێڕای پەرۆشیی بەردەوامی بۆ دۆزینەوە و گەڕاندنەوەی ڕوفاتی ڕۆڵە ئەنفالکراوەکانی ئەم گەلە بۆ زێدی باووباپیرانیان، بەردەوامیش لە خەمی باشترکردنی گوزەرانی کەسوکارەکانیاندایە كارى بۆ دهكات، هاوکات هەوڵی بەردەوام دەدات بۆ بەنێودەوڵەتیکردنی کەیسی جینۆسایدی ئەنفال.
کوردستانیانی خۆشەویست..
ئهمڕۆ گەلەکەمان لە ڕووبەڕووبوونەوەیەکی چارەنوسسازدایە دژ بە شاڵاوێکی هاوشێوەی ئەنفال کە لە لایەن تیرۆریستانی داعشەوە ئاراستە دەکرێت، بۆیه گەلی کوردستان بە سەرجەم پێکهاتە و لایەنە سیاسییەکانیەوە، لە هەموو کاتێك زیاتر پێویستی بە یەکدەنگی و یەکڕیزی و خۆڕاگرییە، بۆ بەرەنگاربوونەوە و لەگۆڕنانی خەونی تیرۆریستان و ئەنفالچییان و دوژمنانی ئازادی و مرۆڤایەتی. دڵنیاین تیرۆرستانى داعشیش به ههمان چارهنووسى سهرانى بهعس و ئهنجامدهرانى ئهنفالهكان دهچن و لهگۆڕ دهنرێن.
دروود بۆ گیانی پاک و بێتاوانی ڕۆڵە ئەنفالکراوەکانی گەلەکەمان.
ئهنجومهنى وهزیرانى ههرێمى كوردستان
2015/4/13
نيشاندان