ئه‌ڤرۆ:

ماموستایێ زانکویا نەوروز د. فارس عەلی جانگیر بو ئەڤرو گوت، دقانوونا سەروکاتیا ھەرێمێ دا ژمارە (١) ل سالا ٢٠٠٥ ل پەرلەمانێ کوردستانێ دەرکەفتی تێدا ھاتیە ماوێ سەروکاتیا ھەرێمێ (٤) سالن، دماددێ (٣) دا ھاتیە ویلایەتا سەرۆکایەتیا ھەرێمێ بو (٤)سالێن دی دووبارە بێتە ھەلبژارتن، ھەروەسا دڤێ قانوونێ دا ھاتیە دڤێت سەروکێ ھەرێمێ بھێتە ھەلبژارتن بشێوەکێ ئێکسەر ژلایێ ھاوولاتیێن ھەرێما کوردستانێ ڤە ئەڤرو، باوەر مەجید:
ھەروەسا د پرۆژێ دەستورێ ھەرێمێ دا دماددێ (٦٤) ماوێ دووبارە ھەلبژارتنا سەرۆکێ ھەرێمێ دیارکریە ئەوژی (٤)سالن، ئەڤ دەستوورە دێ پەسەند بیت ئەگەر حزبێن کوردستانی بگەھنە رێککەفتنەکێ و دەست ژ ھندەک بەرژەوەندیێن خو یێن تایبەت بەردەن و کار بکەن بۆ بەرژەوەندیێن گشتی دا ئەڤ دەستورە ب دورستی پەسەند بیت و رۆلێ خو ببینیت.
ھەروەسا بو پتر رونکرن ل سەر ویلایەتا سەروکی بو پوستێ سەروک ھەرێم دیارکر، سێ رێکێن قانوونی ھەنە بو سەروکێ ھەرێمی کۆ ویلایەتەکا نوی دەست خو ڤە بینت، ئیک ب رێکا دەستوری ئەوژی پرۆژەیە و نە ھاتیە پەسەندکرن ھەتا نوکە، دڤێت بگەھیتە پەرلەمانی و گەنگەشە ل سەر بھێتەکرن چونکو ھندەک لایەنێن حزبی چەند تێبینی ل سەر ڤی دەستووری ھەنە دڤێت ھەموو بگەھنە رێککەفتنەکێ ، بەلێ ل سەر ڤێ چەندێ ژی درەنگە چونکو ئەم نێزیکی دوماھیا ویلایەتا سەرۆکێ ھەرێمیێ ینە، و رێکا دووێ ئەوژی ل دووف قانوونا سەرۆکایەتیا ھەرێمێ یە ، پەرلەمان دشێت ڤێ قانوونێ راست ڤەکەت ب رێککەفتنەکێ دناڤبەرا لایەنێن حزبی دا چونکو ئەو جھەتێ قانوونێ دەردئێخیت ماف ھەیە قانوونێ ب ھەلوەشینیت یان راست ڤەکەت ژلایێ پەرلەمانی ڤە، و رێکا سیێ ئەوە ماوێ سەروکێ ھەرێمێ بھێتە درێژ کرن بۆ ماوەکێ دیتر، وەکی بەری نوکە ماوە ھاتیە درێژکرن ل دووف قانوونا درێژکرنا ولایەیتا سەروکێ ھەرێمێ ل ٢٠/٨/٢٠١٣ ێ کو بتنێ بو ئێک جار بو بێی بھێتە نوکرن کو دێ ل ١٩/٨/٢٠١٥ێ ب دوماھیک ھێت، ل سەر ڤێ چەندێ دڤێت ھەموو حزب بگەھنە رێککەفتنەکا ئێکانە، چونکو ھەر حزبەکێ پرۆژێ خو ھەیە بۆ سەرۆکایەتیا ھەرێمێ د بەرژەوەندیا حزبێن دی دا نینە لەوما دڤێت ھەر حزبەک دەست بەرداری ھندەک بەرژەوەندیێن خو بیت دا بگەھنە رێککەفتنەکێ دبەرژەوەندیا گشتی دا بیت.
ھەکە کوردستان د بارەکێ نە ئاسایی دا بیت ، د. فارس دیارکەت: ل وی دەمی سەروکێ ھەرێمێ دەسھەلات ھەیە ل دووف قانوونا سەروکاتیا ھەرێما کوردستانێ، ماددا (١٠) برگا (٨) بارێ تەنگاڤیێ راگەھینیت، بەلێ پێتڤی یە ل دووف قانوونەکا تایبەت بیت و ل دووف چەند مەرجەکا دەمێ ھەرێم دکەڤیتە دبن بارەکێ نە ئاسایی دا بەلێ ھەتا نوکە چ قانوون نینن رێخستنا بارێ تەنگاڤیێ بکەت ل ھەرێما کوردستانێ ژبلی بریارا راگەھاندنا بارێ تەنگاڤیێ کو ئەو ژی دەسھەلاتا سەروکێ ھەرێمێ یە وەکی مە ئاماژە پێ دای .
ل دووماھیا ئاخفتنێت خوا گۆت: ھەرچەندە سەروکێ ھەرێمێ د چاڤپێکەفتنەکێ دا دیار کریە کو مانا وی ژدەرڤەی رێکا قانوونی ب ھیج رەنگەکی قەبیل ناکەت، ئەڤجا نوکە ئەڤ بارە دکەڤیتە لسەر ملێ پەرلەمانێ کوردستانێ چارەیەکا قانوونی بینیت .