ئەڤرۆ نیوز، نیوار محەمەد سەلیم:
لیستا ناڤێن قۆتابیێن هاتینە وەرگرتن، ل زانکۆیا دهۆک/کولیژا زانستێن مرۆڤایەتی/بەشێ شێوەکاری خاندنا ئێڤاران.
نووترين نووچه
- نێچیرڤان بارزانی و ئەردوگان ئاستێ هەڤپەندیێن توركیا و هەرێما كوردستانێ بلند هەلدسەنگینن
- سەرۆكاتییا هەرێما كوردستانێ سوپاسییا سەرۆككۆمارێ توركیا دكەت
- سەرۆكێ حوكمەتا هەرێمێ پێشوازی ل ئاگربەستا غەزە كر
- مەسرور بارزانی و قونسلێ هنگاریا دوپاتیێ ل بهێزكرنا هەڤبەندیێن دوقۆلی دكەن
- بارەگەهێ بارزانی ل دۆر دروستكرنا پاركەكێ ل هەلەبجە رۆهنكرنەك بەلاڤكر
- 65% ژ وی پارەیێ بۆ مووچەی دهێتە هنارتن ژ داهاتێ پەترۆلا هەرێمێ یە
- د. ئەشواق جاف: یا گرنگ سەركەڤتنا كوردستانێ و خەلكێ كوردستانێ یە
- گەنجێن رۆژهەلاتێ کوردستانێ پشتەڤانێن لیستا سەرۆک بارزانی نە
- سەرۆک بارزانی و بالیۆزێ ئیتالیا هیڤی خواستن هەلبژارتن گوهۆڕینێن ئەرێنی ل ئیراقێ دروست بکەن
- نێچیرڤان بارزانی و عەبادی كێشەیێن هەولێرێ و بەغدا گەنگەشەكرن
سه‌ره‌كى نوچێن گرنگ
400 دەلیڤێن کاری ل زاخۆ
ئەڤرۆ نیوز،عەلی حاجی :
بەرپرسێ ئاوارە و پەنابەران ل قاییمقامیا زاخۆ د داخویانیەکێ دا بۆ ئەڤرۆ نیوز دیار کر ب رێیا س رێکخراوان ل زاخۆ د چەندین دەلیڤێن کاری بو ئاوارە و خوە جهێن دەڤەرێ هێنە پەیدا کرن و بریارە دماوەیێ ڤێ حەفتیێ دا ئەو دەلیڤێن کاری دەست پێ بکەن.
زێدەتر خەلات ئوسمان گوت : سێ رێکخراو ل زاخۆ دێ رابن ب نوژەنکرنا هندەک قوتابخانە و بویاخکرنا جاددە و پاقژکرنا باغچەیان و ئەڤ کارە ب هەماهەنگی دگەل جهێن شولەژێ هێنە کرن و ب رێیا وان سێ کاران دێ دەلیڤێن کاری بۆ نێزیکی ٤٠٠ کەسێن خودان بروانامە و بێ بروانامە هێتە پەیدا کرن و ناڤ نڤێسین ژی ب رێیا لینکەکێ و ناڤ نڤیسینێ یە ل قاییمقامیا زاخۆ و ئەڤ ناڤ نڤیسینە دەست پێکری یە و هەر کەسەکێ دخازیت کاربکەت دشێت ناڤێ خوو تومار بکەت و دماوەیێ ڤێ حەفتیێ دا دێ دەست ب کارەکێ هێتە کرن و دێ هندەک دەلیڤێن کاری ژی دەست ب کار بن.
گوت ژی : بریارە پشتی قوناغا ئێکێ کارێ رێکخراوەکێ ب دوماهی دهێت هەر دو رێکخراوێن دیتر دەست ب کاری بکەن و بۆ ماوەیەکێ ئەو کار بەردەوام بیت و ئەو کەسێن ناڤێن خوە تومار دکەن ژبەریا دەست ب کاری بکەن روونشتنەک دگەل وان دا دهێتە ئەنجام دان.
کوچبەرێن کوردستانێ و عێراقێ دهێنە قەرەبو کرن
ئەڤرۆ نیوز، عەلی حاجی :
رێڤەبەرێ کوچ و کوچبەران ل پارێزگەها دهوکێ بۆ ئەڤرۆ نیوز دیار کر ژبەر وێ بریارا حکومەتا عێراقێ دەرکری ل دور ڤەگەریانا هاولاتین عێراقی بۆ عێراقێ هەتا نوکە چەندین کەس ل کوردستان و عێراقێ مفادار بوینە ژ قەرەبوکرنێ و هەتا نوکە ئەو قەرەبوکرنە بەردەوامە.
زێدەتر ئەسکەندەر محەمەد گوت : ل دووف بریارا وەزارەتا کوچ و کوچبەران یا حکومەتا عێراقێ هەر هاولاتیەکێ کوردستانێ ژ سالا ١٩٧٠ هەتا سالا ١٩٩١ قەستا ژدەرڤەیی وەلاتی کربیت و دماوەیێ ڤان چەند سالەکێن بوری دا ب ئێکجاری بریارا ڤەگەریانێ دا بیت بۆ کوردستانێ پارچە زەڤیەکێ یان ژی شوققەکێ و کوژمەیەکێ پارەیی ب چار ملیون دیناران پێ دهێتە دان و هەر دیسان هەکە ئەو کەسە فەرمانبەر ژی بیت دێ دوبارە ڤەگەریتە دەواما خوە و ئەو دەمێ ژدەرڤەیی وەلاتی ژی ژیانا خوە دەرباز کری دێ بو وی ب خزمەت هێتە هەژمارتن،بەلێ هەر هاولاتیەکێ ژدەرڤەی هەرێمێ بیت و هەر ژ سالا ١٩٧٠ هەتا نوکە چو بیتە دەرڤەیی وەلاتی دێ هەمان قەرەبویا ب هاولاتیێن هەرێمێ هاتیە دان ب وان ژی هێتە دان و هەتا نوکە ژی ئەڤ بریارە دبوارێ جێبەجێ کرنێ دایە و نەهاتیە راوەستاندن و چو بریارێن راوەستیانا وێ نینن.
گوت ژی: ژبەر وێ بریارێ هەتا نوکە رێژەیەکا باش یا هاولاتیێن کوردستانێ و عێراقێ مفادار بوینە و ب رێیا وێ بریارێ مە گەلەک فەرمانبەر ڤەگەراندینە دەواما وان یا فەرمی و نوکە بەردەوامن ل سەر دەواما خوە و هەر کەسەکێ مەرجێن پێدڤی ل دەف هەبن دێ مفادار بیت ژ ڤێ بریارا تایبەت دەربارەی کوچبەرێن دەرڤەی وەلاتی.
پتريا مووچه‌يێن مايين سوبه‌هى دێ هێنه به‌لاڤكرن
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى و ئابوورى ل حوكمه‌تا هه‌رێما كوردستانێ خشتێ سوبه‌هى يێ مووچه‌ى به‌لاڤكر و ئاشكه‌را كو سوبه‌هى پتريا وه‌زاره‌تێن مايين دێ مووچه‌ى وه‌رگرن.
ب گۆره‌ى خشته‌كى كو ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ ده‌ركه‌فتيه سوبه‌هى رۆژا ئێكشه‌مبى بڕياره چه‌ندين وه‌زاره‌ت مووچێ هه‌يڤا ته‌باخێ 8 وه‌ربگرن.
ب گۆره‌ى وى خشته‌يى سوبه‌هى هه‌ر ئێك ژ وه‌زاره‌تا ئه‌وقاف و كاروبارێن ئاينى، خواندنا بلند و ڤه‌كۆلينێن زانستى، ناڤخۆ، ره‌گه‌زنامه، ليوا په‌ترۆلێ، زێره‌ڤانى، پێشمه‌رگێ به‌ره‌ڤانى و هه‌وار هاتن، ده‌زگه‌هێ ئاسايشێ، جڤاتا ئاسايشێ، وه‌زاره‌تا باژێرڤانى و گه‌شتوگۆزار، كاره‌با، ڤه‌گۆهاستن، پلاندانان، چاندن، ديوانا چاڤدێريا دارايى، ده‌سته‌يا مافێ مرۆڤى، ده‌ڤه‌رێن ده‌رڤه‌ى ئيدارا هه‌رێما كوردستانێ، ده‌سته‌يا ژينگه‌هێ، ده‌ستپاكيێ، كۆمسيۆنا هه‌لبژارتنان و ده‌زگه‌هێ مينان دێ مووچه‌ى وه‌رگرن.
ژ به‌ر وى كۆژمێ پاره‌ى يێ ژ به‌غدا بڕيار ل سه‌ر دهێته دان، به‌لاڤكرنا مووچێ هه‌يڤا ته‌باخى وه‌كو هه‌ڤبه‌ركى ل گه‌ل يێ هه‌يڤێن به‌رى وان چه‌نده‌كێ گيرۆ بوو.
هاتيه نووكرن: شاندێ هه‌رێما كوردستانێ گه‌هشته به‌غدا
ئه‌ڤرۆ نيوز، نيوار محه‌مه‌د سه‌ليم:
شانده‌كێ حوكمه‌تا هه‌رێما كوردستانێ گه‌هشته به‌غدا و بڕياره ل سه‌ر چه‌ند پرسان و ب تايبه‌ت په‌ترۆلێ دانوستاندنێ ل گه‌ل به‌رپرسێن به‌غدا بكه‌ن.
نوونه‌رێ حوكمه‌تا هه‌رێما كوردستانێ نووترين پێزانيان ئاشكه‌را دكه‌ت.
د داخۆيانيه‌كێ دا، فارس عيسا، نوونه‌رێ حوكمه‌تا هه‌رێما كوردستانێ ل به‌غدا راگه‌هاند كو شاند بۆ ته‌مامكرنا دانوستاندنێ يه ده‌رباره‌ى بودجه‌ى و ژ ئاوات شێخ جه‌ناب، خالد شوانى، ئومێد سه‌باح و د. ئامانج ره‌حيم پێك دهێت.
بڕياره ده‌مژمێر 11:00 شاندێ هه‌رێما كوردستانێ ل گه‌ل سه‌رۆك وه‌زيرێن عيراقێ كۆم ببيت و به‌حس ل پشكا بوودجا هه‌رێما كوردستانێ بۆ سالا 2020ێ بكه‌ن.
ب ڤیدیۆ: خانیەک ل دهۆکێ ب تمامی هاتە سۆتن
ئەڤرۆ نیوز، رێوار محەمەد رەشید:
موقەدمێ مافپەروەر بێوار عەبدولعەزیز، بەرپرسێ پشکا پەیوەندی و راگەهاندنێ ل رێڤەبەریا بەرەڤانیا باژێری ل دهۆکێ بۆ ئەڤرۆ نیوز دیار کر ژ ئەگەرەکێ نەدیار ئەڤرۆ 22/11/2019 ل دەمژمێر 7:40 شەڤ خانیەک ب تمامی ل تاخێ ماسیکێ یێ د ناڤ باژێرێ دهۆکێ دا هاتە سۆتن و پشتی پەیوەندی ب تیمێن ئاگر ڤەمراندنێ هاتیەکرن ئێکسەر گەهشتنە جهێ روودانێ و شیان ڤی ئاگری کۆنترۆل بکەن و گۆت: “هێشتا ئەگەرێن دروست یێن ڤێ روودانێ نەهاتینە زانینن ، بەلێ د ڤێ روودانێ دا بتنێ زیانێن ماددی هەبوون و چو زیانێن گیانی نەبوون”.
كه‌نگى دێ ده‌ست ب به‌لاڤكرنا مووچێن مايى هێته كرن؟
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند كو هێشتا حوكمه‌تا عيراقێ ره‌زامه‌ندى بۆ به‌لاڤكرنا مووچێ فه‌رمانبه‌ران ده‌رنه‌بڕيه.
هه‌يڤانه حوكمه‌تا هه‌رێما كوردستانێ ژ پێنج بۆ حه‌فتى هه‌يڤێ ده‌ست ب به‌لاڤكرنا مووچێ فه‌رمانبه‌ران دكه‌ت و ل ده‌سپێكێ ئه‌و وه‌زاره‌ت وه‌ردگرن يێن ب پشت به‌ستن ل سه‌ر داهاتێ ناڤخۆ و پاشان ژى كۆژمه‌كێ پاره‌ى ژ به‌غدا دهێت و مووچێ وه‌زاره‌تێن مايى دهێته به‌لاڤكرن.
ژێده‌ره‌كى ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ بۆ ئه‌ڤرۆ نيوز دياركر كو هێشتا حوكمه‌تا عيراقێ بڕيارا مه‌زاختنا مووچێ هه‌يڤا هه‌شت يێ فه‌رمانبه‌ران نه‌دايه و گۆت: “هه‌ر ده‌مێ ره‌زامه‌ندى هات دێ ده‌ست ب به‌لاڤكرنا مووچه‌ى هێته كرن، بێ گيرۆ بوون”.
ده‌ستپێكا ڤێ حه‌فتيێ وه‌زيرێ دارايى و ئابوورى ل حوكمه‌تا هه‌رێما كوردستانێ د روونكرنه‌كێ دا راگه‌هاند كو مووچێ هه‌رسێ هه‌يڤێن دووماهيێ يێن ئه‌ڤ ساله نابيته پاشكه‌فت و هه‌ر 30 رۆژان جاره‌كێ مووچه دێ هێته به‌لاڤكرن.
شانده‌كێ هه‌رێما كوردستانێ دێ چيته به‌غدا
ئه‌ڤرۆ نيوز، نيوار محه‌مه‌د سه‌ليم:
شانده‌كێ حوكمه‌تا هه‌رێما كوردستانێ، حه‌فتيا بهێت دێ ب مه‌ره‌ما دانوستاندنێ ل سه‌ر پشكا هه‌رێما كوردستانێ د بوودجێ 2020ێ يێ عيراقێ دا سه‌ره‌دانا به‌غدا كه‌ن.
ژێده‌ره‌كى ژ جڤاتا نوونه‌رێن عيراقێ راگه‌هاند كو حه‌فتيا بهێت شانده‌كێ حوكمه‌تا هه‌رێما كوردستانێ ده‌رباره‌ى پرۆژێ قانوونا بوودجا 2020 و به‌هرا هه‌رێما كوردستانێ ژ بوودجێ سه‌ره‌دانا به‌غدا كه‌ن و ل گه‌ل به‌پرسێن عيراقى كۆم بن.
بوودجێ عيراقێ ب 133 ترليۆن و 107 مليار ديناران هاتيه خه‌ملاندن و پشكا هه‌رێما كوردستانێ ژى 10 ترليۆن و 800 مليار ديناره.
نها بوودجه ب مه‌ره‌ما ده‌ستكاريكرنێ ل جڤاتا وه‌زيران دهێته پێشبينكرن د حه‌فتيا بهێت دا بۆ جڤاتا نوونه‌ران بهێته ره‌وانه كرن.
رێزبه‌نديا باشترين پاسپۆرتێن جيهانێ هاته راگه‌هاندن
ئه‌ڤرۆ نيوز، نيوار محه‌مه‌د سه‌ليم:
مالپه‌رێ كيو ئێن ئاى، رێزبه‌نديه‌كا نوو يا باشترين پاسپۆرتێن وه‌لاتان به‌لاڤكر و ب گۆره‌ى رێزبه‌نديێ فره‌نسا خودان باشترين پاسپۆرتا جيهانێ يه و عيراق ژى ل پلا 149ێ دهێت.
مالپه‌رێ كيو ئێن ئاى، بۆ دياركرنا رێزبه‌نديا پاسپۆرتان پشت ب چه‌ند ئه‌گه‌ران گرێدايه و ژ وان ژى ئاستێ ئابوورى يێ وه‌لاتى، ئاستێ گه‌شه‌پێدانا مرۆڤى، ئاسايش، پێدڤيا ڤيزايێ بۆ وى وه‌لاتى و هه‌موو جور و شيانێن ڤه‌گوهاستنا گه‌شتياران د وى وه‌لاتى دا.
ب گۆره‌ى رێزبه‌نديێ بۆ جارا هه‌شتێ يه ل سه‌ر ئێك وه‌لاتێ فره‌نسا دبيته خودان باشترين پاسپۆرتا جيهانێ و ژ سه‌رجه‌مێ 100 خالان، 83.5 خال ب ده‌ست ڤه ئيناينه و پاشان ژى ئه‌لمانيا و هۆله‌ندا و دانيمارك و نه‌رويج ل پلێن دو هه‌تا چار دهێن.
ل سه‌ر ئاستێ عه‌ره‌بى ژ وه‌لاتێ ئيمارت ل رێزا ئێكێ دهێت كو دبيته يێ 42ێ ل سه‌ر ئاستێ جيهانێ و پاشان ژى كوێت ل رێزا 70ێ و يا دويێ ل سه‌ر وه‌لاتێن عه‌ره‌بى و پاشان ژى عومان و قه‌ته‌ر و سعودى دهێن و عيراق ژى ل رێزا 149ێ دهێت ب كۆمكرنا 19.4 خالان.
58 به‌رپرسێن بلند دێ هێنه هنارتن بۆ دادگه‌هێ
ئه‌ڤرۆ نيوز:
جڤاتا به‌رهنگاريا گه‌نده‌ليێ دێ 58 به‌رپرسێن پله بلند ل عيراقێ ژ ئاستێن وه‌زير و په‌رله‌مانتار و پارێزگار و سه‌رۆكێ جڤاتا پارێزگه‌هێ ده‌ته دادگه‌هێ.
جڤاتا وه‌زيرێن عيراقێ ژى راگه‌هاند كو دێ دادگه‌هه‌كا ناڤه‌ندى يا نوو هێته دامه‌زراندن بۆ دادگه‌هكرنا به‌رپرسێن گه‌نده‌ل، په‌رله‌مانتاره‌ك ژى دبێژيت حوكمه‌تا عيراقێ نيه‌تا بنبركرنا گه‌نده‌ليێ يا هه‌ى و پێدڤيه يا ده‌ست ڤه‌كرى بيت و ده‌ليڤه‌كا زێده‌تر بۆ بهێته دان.
نيشاندان
WP Facebook Auto Publish Powered By : XYZScripts.com