ئەڤرۆ نیوز:
قائیمقامیا قەزا دھوکێ ئاگەھداریا ڤان بریکارێن ئاھێن خوارنێ دکەت ب زوترین دەم سەرەدانا قائیمقامیا دھوکێ بکەن ژبو وەرگرتنا پلێتێن گازا سپی،داکو لسەر وەلاتیان بھێنە بەلافکرن.
نووترين نووچه
- هیڤیخوازین سەردەمەكێ پڕ ژ ئاشتی و ئارامیێ ل ئیراقێ دەستپێبكەت
- پەرلەمانتارەك: بێی پشكدارییا پارتی، هیچ حوكمەتەك ل بەغدا جێگیر نابیت
- مە دەرگەهێ دانوستاندنێ دانەئێخستییە، بەلێ مەرجێن چو ئالییان قەبوول ناكەین
- شاندێ کوردی یێ رۆژئاڤایێ کوردستانێ بێ رۆل مایە
- رێباز حەملان: پارتی نهو پتر ژ هەر دەمەكێ بەرهەڤە بۆ دوبارەكرنا هەلبژارتنان
- پەیڤدارێ فراكسیۆنا پارتی: بنەمایێن هەڤپشكی و وەكهەڤیێ ل ئیراقێ نەماینە
- د. زیرەك زێباری: پترییا فراكسیۆن و حزبان دخوازن پارتی بایكۆتا پەرلەمانی بشكێنیت
- د سالڤەگەڕا بۆردۆمانكرنا قەلادزێ دا، سەرۆك بارزانی: ئەو كارەساتە زنجیرەكا دی یا تاوانێن رژێمێ بوو
- نێچیرڤان بارزانی: بوردۆمانكرنا زانكۆیا سلێمانیێ و قەلادزێ ئیرادەیا گەلێ كوردستانێ نەشكاند
- نێچیرڤان بارزانی و ئیراقچی رەوشا دەڤەرێ گەنگەشە دكەن
سهرهكى نوچێن گرنگ
131 پێشلكاری بهرامبهر رۆژنامهڤانێن هەرێمێ هاتینهكرن
ئهڤرۆنیۆز، سالار دۆسكی:
ب بهرههڤبوونا نهقیب و جێگرێن سهندیكا رۆژنامهڤانێن كوردستانێ و چهندین رۆژنامهڤانێن پارێزگهها دهۆكێ، دكونگرهكێ رۆژنامهڤانی دا سهندیكا رۆژنامهڤانێن كوردستانێ ئهڤرۆ 13/1/2019 ل ئوتێلا ژیان ل باژێرێ دهۆكێ، نووترین ئامارێن سالا 2018 ل دور پێشلكاریێن بهرامبهر ئازادی و مافێ رۆژنامهڤانان بهلاڤكر و تێدا دیاركر كو سالا بوری 131 پێشكاری بهرامبهر رۆژنامهڤانان ل هەرێما کوردستانێ هاتینه تۆماركرن.
ل قهزا سوران خودان ترۆمبێلێن تایبهت پتر ژ تهكسیان نهفهران ڤهدگوهێزن
ئهڤرۆ نیوز، نهوزاد هلۆرى:
ل ناڤهندا بازارێ سوران یێ سهر ب پارێزگهها ههولێرێ، ڤهگوهاستنا نهفهران ژلایێ ترومبێلێن تایبهت ڤە بوویه تشتهكێ نورمال و ب بهایهكێ نهدیاركرى و ئهرزانتر ژ تهكسیا نهفهران ڤهدگوهێزن، ئهڤ یهكە ژى بوویه جهێ دلگرانیا شۆفێرێن تهكسیا.
رهوان مێرگهسوورى، وهلاتیهكێ دهڤهرێ یه بۆ ئهڤرۆ نیوز گۆت: (ل سنوورێ قهزا سوران و مێرگهسوورێ ژى ڤهگوهاستنا نهفهران هێشتا نهبویه شێوازهكێ رێكخستى و ههر كهس ب كهیفا خوه نهفهران ڤهدگوهێزن، ب دیتنا من ئهڤ یهك بو دوو ئهگهرا دزڤریت، چوو پیڤهر بۆ ڤهگوهاستنا نهفهران وهكو پاره نههاتینه دیاركرن و ههر شوفێرهك ب گورهى حهزا خوه نهفهران ل جههكێ بو جههكێ دن ڤهدگوهێزیت و وهلاتى دكهڤیته مامهلهیان ل گهل شوفێرى، ل ڤێره ترومبێلێن تایبهت ئهرزانتر ژ تهكسیا نهفهران دبهن، خالا دوویێ ترومبێلێن توزوبا زوربوینه و سزادان نینن، ژبهرڤێ ئهو ڤهگوهاستنا نهفهران بخوه ب دهلیڤه دبینن).
جادر عهبدوللا وهلاتیهكێ سورانه و ب ترومبێلا خوه یا تایبهت نهفهران ڤهدگوهێزیت بۆ ئهڤرۆ نیوز گۆت: (ئهڤه چهند ساله بزاڤى َدكهم كو ترومبێلا خوه یا مودێل كهڤن بگوهرم ب تهكسیهكێ داكو بشێم باشتر نهفهران ڤهگوهێزم بهلێ رهوشا داراى بویه ئهگهر ههتانوكه نهشێم بگوهرم، ئهز ب نهچارى نهفهران ڤهدكوهێزم ژبهركو خێزاندارم و چهند زارو من ههنه و موچهیێ من تێرا مه ناكهت و گیرو دبیت).
ئێك ژ خودانێن تهكسیا بناڤێ سیروان ئهحمهد دیاركر كو ئهو روژانه وهكو شوفێرێ تهكسیێ نهفهران ل سوران ڤهدگوهێزیت و بۆ ئهڤرۆ نیوز گۆت: (ب گورهى رێنمایێن كو حوكمهت و لایهنێن شولهژێ بومه دیاركرى، ئهم نهفهران ڤهدگوهێزین، بهلێ جهى َداخێ یه ترومبێلێن تایبهت ژى ل گهل مه كار دكهن و ئهز رسوماتێن هاتنووچۆنێ ددهم و ئهو نادهن، ئهڤێ یهكێ كارتێكرن ل كارێ مهكریه).
زێدهتر گۆت: (پێدڤى یه جهێن شولهژێ ب باشى كونترولا ناڤا سهنتهرێ سوران بكهن بو ڤهگوهاستنا نهفهران، دیسان ژبلى ناڤا سهنتهرى دههمان دهم دا نهفهر ژلایێ ترومبێلێن تایبهت بو دهرڤهیێ سهنتهرى ژى ژ باژێرهكێ بو باژێرهكێ دن دهێنه ڤهگوهاستن).
دلاوهر لهتیف، ئاختنكهرێ هاتنووچۆنا سوران بۆ ئهڤرۆ نیوز گۆت: (ب گورهى قانونێن هاتنووچۆن و ڤهگوهاستنێ ژى، ترومبێلێن تایبهت نابیت نهفهران ژ جههكێ بو جههكێ دن، ل باژێرهكێ بو باژێرهكێ دن ڤهگوهێزن،تنێ ترومبێلێن تهكسى ب گورهى رێنما و قانونان دڤێت كارێ ڤهگوهاستنا نهفهران بكهن).
زێدتر گۆت: (پێدڤى یه قانون ب دروستى كارێ خوه بكهت و ههر شوفێرهكێ نهفهران ڤهگوهێزیت و نههاتبینه توماركرن دڤێت بهێته سزادان، پێدڤى یه ئێدى خهلك ژى هاریكاربن ل گهل جهێن شولهژێ داكو بشێن خزمهتهكا باشتر بو سوران بكهین و كارێ ڤهگوهاستنێ ژى بهێته رێكخستن).
ناڤبرى دیاركر ژى كو ڤهگوهاتنا نهفهران ب ترومبێلێن تایبهت ل سوران دزڤریت بو داب و نهریتێن جڤاكى و ئهڤ یهك بویه كهلتوور و خهلك بخوه پهیوهندیێ ب ترومبێلێن تایبهت دكهن و دخوازن ل گهل كهس و كارێ، خوه هاتنووچۆنێ بكهن و كێمتر ب تهكسیان هاتنووچۆنى َدكهن و زێدهتر گۆت: (ل ناڤهندا قهزا سوران و رێیێن سهرهكى یێن سوران پترى 200 تهكسیان ههنه و دشیاندایه بێ كێشه ههموو نهفهران ڤهگوهێزن).
ب وێنە: دیمەنێن بەفرێ ل دەڤەرا بەرواری بالا
نێزیکی 40 پرۆژێن ب خودانکرنا ماسیان ل ئاکرێ د بێ مۆلەتن
ئەڤرۆ نیوز، رەمەزان ھەرنی:
بەرپرسێ پشکا سامانێ ئاژەلی ل رێڤەبەریا چاندنا ئاکرێ دیار کر کو ب مەرەما دابینکرنا پێدڤیێن گۆشتێ ماسیان بۆ بازارێن ناڤخوە و پارێزگەھێن هەرێما کوردستانێ ھژمارەکا بەرچاڤ یا پرۆژێن ب خودانکرنا ماسیان ل دەڤەرا ئاکرێ ھاتینە دانان .
ئەندازیار عیماد ئەحمەد بەرپرسێ پشکا سامانێ ئاژەلی ل رێڤەبەریا چاندنا ئاکرێ بۆ ئەڤرۆ نیوز ئاشکرا کر کو ل دەڤەرا ئاکرێ ھژمارەکا پرۆژێن ب خودانکرنا ماسیان ھاتینە دانان و ھندەک ژوان مولەت ھەیە ھندەک ژی د بێ مولەتن، ئەو پرۆژێن ماسیان ب خودان دکەن ل دەڤەرێ بتنێ پرۆژەکی مولەتا فەرمی ھەیە و گۆت: “نێزیکی ٤٠ پرۆژان ژی مولەت نینە، ھندەک پروژان ژی رێنمایێ ڤەناگرن و ھندەکا ژی داخوازا مولەتێ نەکریە”.
ناڤهاتی دیار کر کو ب خودانکرنا ماسیان نەبوویە وەبەرئینان بەلکو ماسی فرۆتنە ، روژانە دروستکرنا پروژێن ب خودانکرنا ماسیان زێدە دبن بۆ فرۆتنێ”.
ناڤبری خویا کر کو پروژێن ماسیا ژلایێ کەرتێ تایبەت ڤە ھاتینە دروستکرن و ماسی ل دەرڤە دھێن نافخوەیا کوردستانێ.
بۆ هێزێن خوه ل عيراقێ ئهمريكا داخوازا بودجهكێ ژ بهغدا دكهت
ئهڤرۆنيوز:
رۆژنامهكا لوبنانى بهلاڤكر كو فهرماندهكێ لهشكرێ ئهمريكى داخوازكريه دبودجا سالا 2019 يا عيراقێ دا، برگهك بهێته دانان وخهرجيێن هێزێن ئهمريكى ل عيراقێ تێدا بهێته نڤيسين.
رۆژناما (الاخبار) يا لوبنانى دهژمارا خوه يا ئهڤرۆ شهمبيێ 12/1/2019 بهلاڤكر كو شيرهتكارهكێ سهرۆك وهزيرێن عيراقێ عادل عهبدولمههدى دياركريه كو داخوازهك ژلايێ فهرماندهكێ لهشكرێ ئهمريكى گههشتيه دهستێ وى ل دۆر دانانا برگهكێ بۆ خهرجيێن لهشكرێ ئهمريكى ل عيراقێ، چونكى ئهمريكا خزمهتهكا مهزن پێشكێشى گهلێن عيراقێ يا كرى دچارچۆڤێ ههڤپهيمانيا نێڤدهولهتى يا دژى داعشێ دا.
د راپۆرتا رۆژناما لوبنانى دا هاتيه ژى كو وى شيرهتكارێ سهرۆك وهزيرێن عيراقێ ئاماژه كريه كو ئهمريكا پلان يا ههى بۆ زێدهكرنا هێزێن خوه ل عيراقێ ودخوازيت خهرجيێن هێزێن خوه بێخيته ستوويێ حوكمهتا عيراقێ، چونكى هێزێن عيراقێ شيانێن پاراستنا وهلاتێ خوه نينن.
وى رۆژنامێ بهلاڤكر كو ئهو پلان وپێشنيازه ل گهل ستراتيژيهتا سهرۆكێ ئهمريكى دۆنالد ترامپ ههڤدگريت كو ترامپى دڤێت سنورهكى بۆ خهرجيێن هێزێن ئهمريكى ل رۆژههلاتا ناڤهراست ب دانيت.
بهلێ ههتا نوكه چو بهرپرسهكێ ئهمريكى وعيراقى ب فهرمى ههبوونا پێشنيازهكێ يان داخوازيهكا ب وى جۆرى ئاشكرا نهكريه.
تاقیگەھەکا شرۆڤەکرنا نەخۆشیا ھاتە داخستن
ئەڤرۆ نیوز:
ئەڤرو(٢٠١٩/١/١٢)لیژنا پشکنین ودوفچوونا دەرمان وکەرستێن پزیشکی ب سەرپەرشتیا (جەھوەرعەلی) قائیمقامێ قەزا دھوکێ سەرەدانا کومەلگەھا ڤەژین یا نوژداری وکلینکا روناھی یا پزیشکی ودەرمانخانا نەوروز وبلند ل ناف بازارێ دھوکێ کر.
(جەھوەر عەلی) قائیمقامێ قەزا دھوکێ ئاشکراکر لدیف فەرمانا ئەنجومەنێ وەزیران وەزارەتا ساخلەمیێ ل ھەمی قەزایان لیژنە بو دوفچوونا دەرمان وکەرستێن پزیشکی ھاتینە درستکرن وگوت ئەڤرو مە سەرەدانەکا مەیدانی بو ھژمارەکا کلینک ودەرمانخانا ل دھوکێ کر و ژنێزیک لسەر رەوشا ڤان جھا ئاگەھدار بوین.
قائیمقامێ دھوکێ دیارکر ژبەر ھەبونا کەرست ودەرمانێن ئکسپایر ل تاقیگەھا زانکو یا کلینکیا روناھی یا پزیشکی ھەر ئێکسەر ھاتە داخستن وگوتژی ل دەرمانخانا نەوروز چەندین جورێن دەرمانێن نەقانونی ھاتن دەستەسەرکرن.
پاش لیژنا نافبری سەرەدانا نەخوشخانا ئازادی کرن وژنیزیک لسەر رەوشا ڤێ نەخوشخانێ ئاگەھداربون.
بو ھەر گازندەکێ پەیوەندیێ بڤێ ژمارێ بکەن(٠٧٥٠١٦١٢٦٢٢)
ی
پێلهكا بهفر وبارانێ دێ ههرێما كوردستانێ ڤهگريت
ئهڤرۆنيوز:
مالپهرهكێ تايبهت ب پێشبينيێن سهقاى بهلاڤكر كو سوباهى ئێكشهمبى پێلهكا بهفر وبارانێ دێ باژێرێن ههرێما كوردستانێ ڤهگريت.
مالپهرێ (meteocast)يێ تايبهت ب پێشبينيێن سهقاى بهلاڤكر كو پێشبينى دهێته كرن ئهو پێلا بهفر وبارانێ ژرۆژا ئێكشهمبى 13/1/2019 ههتا رۆژا ئهينى 19/1/2019 يا بهردهوام بيت”.
ل دووڤ وى مالپهرى، پێشبينى دهێته كرن ل رۆژا پێنجشهمبيا داهاتى 18/1/2019 بهفر ل سهنتهرێ باژێرێن ههولێرێ وسلێمانيێ بباريت.
ئهمريكا دخوازيت دۆسێيا ئهمنى ل كهركووكێ ددهستێ حهشدا شهعبى دا نهبيت
ئهڤرۆنيوز:
بهرپرسهكێ پارتى ديموكراتى كوردستان ل پارێزگهها كهركووكێ راگههاند، هێزهكا نوو يا ئهمريكى يا هاتيه سهربازگهها كهيوان ل باژێرێ كهركووكێ، دياركر ژى بهرپرسێن ئهمريكى ب فهرمى ونهفهرمى ل گهل وێ چهندێ نه كو دۆسێيا ئهمنى ل كهركووكێ ب دهستێ حهشدا شهعبى نهبيت.
بەرپرسی لقی 3ی پارتی لە كەركووك دەڵی، هێزێكی نوێ ئەمەریكا هاتووەتە سەربازگەی كەیوەن لە شاری كەركووك، بەڵام ژمارە سەربازانی هێزەکە و ئەو چەكانەی كە پێیانە تا ئێستا نەزانراوە، بەرپرسانی ئەمەریكی بە فەرمی و نافەرمی لەگەڵ ئەوەن كە دەبێ دۆسیەی ئەمنیی شاری كەركووك بە دەست حەشدی شەعبیەوە نەبێت.
محهمهدخورشيد، بهرپرسێ لقێ سێ يێ پارتى ل كهركووكێ گۆت” ل دووڤ پێزانينێن گههشتينه دهستێ مه، هێزهكا نوو يا ئهمريكى يا هاتيه سهربازگهها كهيوان ل باژێرێ كهركووكێ، ههتا نوكه نههاتيه زانين كا هژمارا وان وچهكێ دگهلدا چهنده، بهرپرسێن ئهمريكى ب فهرمى ونه فهرمى ل گهل وێ چهندێ نه دۆسێيا ئهمنى ل باژێرێ كهركووكێ ب دهستێ حهشدا شهعبى نهبيت، بهلكو پێدڤيه بهێته زڤراندن دبن دهستێ دهزگههێن باژێرى”.
محهمهد خورشيد بۆ مالپهرێ فهرمى يێ پارتى گۆت” پارتى ل گهل وێ چهندێ يه كو دۆسێيا ئهمنى ل باژێرێ كهركووكێ ب دهستێ پۆليسێن ناڤخوهيى يێن باژێرێ كهركووكێ دابيت”.
گۆت ژى” دكۆمبوونان دا پارتى داخوازيێن خوه گههاندينه بهرپرسێن عيراقى ومه داخواز كريه ئهو سهنگهرێن دناڤبهرا ههرێمێ ودهڤهرێن دى گرفت ل سهر ههيه، نهمينيت وئهو دهڤهره ب ههڤپشكى بهێنه ب رێڤهبرن، باشترين چاره ژى ئهوه خهلكێ وان دهڤهران ب خوه وان دهڤهران ب رێڤه ببهن”.
د پلانا حوکمەتێ دایە چەندین تۆنێلان ل دهۆکێ چێکەت
ئەڤرۆ نیوز، قائید میرۆ:
بەرپرسەکێ وەزارەتا ئاڤاکرن و ئاکنجیکرنێ ئاشکرا کر کو حوکمەتا ھەرێما کوردستانێ چەندین پڕۆژە بەرھەڤکرینە بۆ بجە ئینانێ و ب تنێ ل سەر مەزاختنا پارەی ماینە گوت: “ژبلی تۆنێلا زاخۆ مە پلان ھەیە چەندین تۆنێلێن دی ژی ل دھۆکێ بھێنە چێکرن”.
زانا دزەیی، رێڤەبەرێ گشتیێ پلاندانانێ ل وەزارەتا ئاڤاکرنێ بۆ ئەڤرۆ نیوز دیار کر کو ژ ئەگەرێ قەیرانا دارایی زۆربەیا پڕۆژێن وەزارەتا ئاڤاکرن و ئاکنجیکرنێ ھاتینە راگرتن، بەلێ پشتی باشبوونا رەوشا دارایی حوکمەتا ھەرێما کوردستانێ بڕیارا بجە ئینانا ھژمارەک پڕۆژان دەرکریە و ٩ ژوانا دکەڤنە سنوورێ پارێزگەھا دھۆکێ، ھەروەسا وەزارەتێ پلان دانایە دگەل مەزاختنا پارەی دێ چەندین پڕۆژە د بیاڤێن رێک و پرا و ئاڤاکرنێ ھێنە بجە ئینان و گۆت: “ئەم نوکە چاڤەڕێی پەسەند کرنا بۆدجێ دکەین ھەر دەمێ پارە بھێتە مەزاختن لیستا پڕۆژان یا بەرھەڤە”.
زانا دزەیی خویا کر کو ئەو ل سالا بۆری شیابوون تۆنێلا زاخۆ ڤەکەن و ئەڤ سالە ژی دێ تۆنێلا پیرمام بتەمامی ھێتە ڤەکرن، بەلێ چەند تۆنێلەکێن دی ھەنە و پێدڤیە حوکمەتێ لەزێ بکەت بۆ بجە ئینانا وانا، چونکی یا گرنگە تۆنێلا ھەیبەت سولتان بھێتە تەمام کرن، ھەروەسا چیایێ ھەریرێ بۆ قەزا رواندز و ھەتا سنوورێ ئیرانێ ل حاجی ئومەران دێ بیتە تۆنێل، کو درێژاھیا ٢١ کیلۆمەترایە و گۆت: “ل سنوورێ پارێزگەھا دھۆکێ ژی مە پێدڤی ب تۆنێلا ھەیە و ھەر دەمێ پارە ھەبیت دێ تۆنێلێن دی مینا یا زاخۆ ل دھۆکێ کەڤنە د بیاڤێ بجە ئینانێ دا”.
نيشاندان
WP Facebook Auto Publish Powered By : XYZScripts.com