ئەڤرۆ نیوز:
بەری دەمەکی ژ یاریێن گەرا ٢١ یا خولا ئنگلیزی یانا مانچستەر ستی شیا سەرکەفتنێ ل سەر یانا لێڤەرپول تومار بکەت ب دو گۆلان بەرامبەر گۆلەکێ کو دبیتە خوسارەتیا ئێکێ یانا لێڤەرپول تووش دبیت ل ڤی وەرزێ پرێمەرلیگێ.
نووترين نووچه
- هیڤیخوازین سەردەمەكێ پڕ ژ ئاشتی و ئارامیێ ل ئیراقێ دەستپێبكەت
- پەرلەمانتارەك: بێی پشكدارییا پارتی، هیچ حوكمەتەك ل بەغدا جێگیر نابیت
- مە دەرگەهێ دانوستاندنێ دانەئێخستییە، بەلێ مەرجێن چو ئالییان قەبوول ناكەین
- شاندێ کوردی یێ رۆژئاڤایێ کوردستانێ بێ رۆل مایە
- رێباز حەملان: پارتی نهو پتر ژ هەر دەمەكێ بەرهەڤە بۆ دوبارەكرنا هەلبژارتنان
- پەیڤدارێ فراكسیۆنا پارتی: بنەمایێن هەڤپشكی و وەكهەڤیێ ل ئیراقێ نەماینە
- د. زیرەك زێباری: پترییا فراكسیۆن و حزبان دخوازن پارتی بایكۆتا پەرلەمانی بشكێنیت
- د سالڤەگەڕا بۆردۆمانكرنا قەلادزێ دا، سەرۆك بارزانی: ئەو كارەساتە زنجیرەكا دی یا تاوانێن رژێمێ بوو
- نێچیرڤان بارزانی: بوردۆمانكرنا زانكۆیا سلێمانیێ و قەلادزێ ئیرادەیا گەلێ كوردستانێ نەشكاند
- نێچیرڤان بارزانی و ئیراقچی رەوشا دەڤەرێ گەنگەشە دكەن
سهرهكى نوچێن گرنگ
عهبدولمههدى دێ 13 هزار كهيسێن گهندهليێ ڤهكهت
ئهڤرۆنيوز:
ژێدهرهكێ سياسى يێ عيراقى يێ ئاگههدار ئاشكراكر كو سهرۆك وهزيرێن عيراقێ عادل عهبدولمههدى ل بهره 13 هزار كهيسێن گهندهليێ ڤهكهت كو ئهو كهيسه ل دهستهيا دهستپاكيێ نه وفهرمانێن راكێشانا گهندهلكارێن دوان كهيسان دا بۆ بهردهم دادگههێ دهربكهت، ئاماژه كر ژى كو ب مليارا دۆلاران دوان كهيسێن گهندهليێ دا چووينه ژدهرڤهى عيراقێ.
وى ژێدهرى بۆ مالپهرێ (الغد برس) يێ عيراقى گۆت” نوكه بزاڤ دهێنه كرن بۆ ڤهگهراندنا پارێن عيراقێ ل هندهك وهلاتان وهكو لوبنان وئوردن وئيمارات وهاتينه دهستهسهركرن، ب مهرهما زڤراندنا وان بۆ عيراقێ”.
گهشتێن ئهسمانێ دناڤبهرا ههوليرێ وئامهدێ دێ دهستپێكهن
ئهڤرۆنيوز:
سهرۆكێ ژۆرا بازرگانى يا ئامهدێ، محهمهد قايا، راگههاند، ل ههيڤا داهاتى گهشتێن ئهسمانى يێن راستهوخوه دناڤبهرا ههردو فرۆكخانێن ههولێرێ وئامهدێ دهستپێكهن.
ناڤبرى بۆ كهنالێ كوردستان 24 گۆت ژى” دهستپێكرنا گهشتێن ئهسمانى دناڤبهرا ههولێرێ وئامهدێ دێ مفايهكێ مهزن بيت بۆ كهرتێ بازرگانى ل ئامهدێ، چونكى ههولێر دهرگهههكێ گرنك يێ بارزگانيێ يه ل گهل ئامهدێ”.
وهزارهتهك دێ دهرچوويێن ڤان كوليژان دامهزرينيت
ئهڤرۆنيوز:
پهيڤدارێ وهزارهتا ساخلهميێ ل ههرێما كوردستانێ بۆ ئهڤرۆنيوز دياركر كو وهزارهتا وان ل بهره دئهڤ سالهدا 720 دهرچوويێن كوليژێن نوشدارى ل ههرێما كوردستانێ ل سهر ميلاكێ خوه دامهزرينيت.
خالس قادر، پهيڤدارێ وهزارهتا ساخلهميێ ل ههرێما كوردستانێ بۆ ئهڤرۆنيوز گۆت” وهزارهتا ساخلهميێ ل بهره نێزيكى 720 دهرچوويێن كوليژێن نوشدار ودهرمانسازى ونوشداريا ددانان يێن زانكۆيێن ههرێما كوردستانێ دابمهزرينيت”.
گۆت ژى” دامهزراندنا وێ هژمارا دهرچوويێن وان كوليژان يا گرێداى پرسا پهسهندكرا بۆدجا ههرێما كوردستانێ يا سالا 2019 يه”.
فهرسهت سوفى بۆ ئهڤرۆنيوز:ل ههفتيا داهاتى دێ دهست ب كارێ خوه كهم
ئهڤرۆنيوز:
ئهندامهكێ خۆلا بۆرى يا پهرلهمانێ كوردستانێ بۆ ئهڤرۆنيوز دياركر پشتى ب دووماهى هاتنا خۆلا چارێ يا پهرلهمانێ كوردستانێ وى خانهنشينكرن وهكو پهرلهمانتار رهتكريه ودێ دهست ب كارێ خوه يا بهرێ كهت وهكو مامۆستايێ زانكۆيێ.
فهرسهت سوفى ئهندامێ خۆلا بۆرى يا پهرلهمانێ كوردستانێ ژ فراكسيۆنا پارتى ديموكراتى كوردستان بۆ ئهڤرۆنيوز گۆت” دێ ل ههفتيا داهاتى زڤرم بۆ كارێ خوه يێ بهرى پهرلهمانتاريێ ئهوژى مامۆستا ل كوليژا قانوونێ ل زانكۆيا پۆليتهكنيك ل ههولێرێ”.
فهرسهتى زێدهتر گۆت” بهرى پهرلهمانتاريێ من 9 سال خزمهت ههبوون وهكو مامۆستايێ زانكۆيێ وههر چار سالێن پهرلهمانتاريێ ژى دێ بۆ من وهكو خزمهت هێنه هژمارتن ل سهر وان 9 سالان دا”.
پهرلهمانتارهك پێشنيازا چارهكێ بۆ بودجا ههرێمێ دكهت ههكه 17% نههاته زڤرين
ئهڤرۆنيوز:
پهرلهمانتارهكێ پارتى ديموكراتى كوردستان ل پهرلهمانێ عيراقێ ئاشكراكر كو پێشنيازهك يا ههى كو دشاندايه پهنا بۆ بهێته برن دپرسا رێژا ههرێما كوردستانێ دبودجا گشتى عيراقێ دا ههكه سهرژمێريا گشتى يا ئاكنجيێن عيراقێ نههێته ئهنجامدان يان ژى زڤرين بۆ رێژا 17%.
دانا محهمهد، ئهندامێ پهرلهمانێ عيراقێ ژ فراكسيۆنا پارتى ديموكراتى كوردستان گۆت” ههلويستێ لايهنێن كوردستانى ژ رێژا ههرێما كوردستانێ ژ بودجا گشتى يا عيراقێ يێ دياره، ئهوژى كو مه ب رۆهنى رێژا 12.67% يا رهتكرى كو ژلايێ حوكمهتا ناڤهندى هاتيه دياركرن كو ئهڤ رێژه پشت بهستنێ ب چو بهلگهنامێن فهرمى يان سهرژمێريهكێ نههاتيه كرن تاكو رازيبوون ل سهر بهێته كرن”.
داناى گۆت ژى” دو رێ يێن ههين بۆ چارهكرنا ڤێ كێشێ، يا ئێكێ زڤرين بۆ رێككهفتنا بهرێ كو ل دهمێ حوكمهتا ئهياد عهلاوى هاتيه كرن ئهوژى دياركرنا رێژا 17% يه يان ژى ئهنجامدانا سهرژمێريا گشتى يا ئاكنجيبوونێ عيراقێ يه وئهو رێژه بهێته دياركرن يا كو ل دووڤ ئاكنجيێن ههرێما كوردستانێ بيت”.
ئاماژه كر” ههكه رازيبوون ل سهر رێككهفتنا بۆرى ئهوا ل سهردهمێ حوكمهتا عهلاوى كو 17% يان ژى دشيان دا نهبوو سهرژمێريا گشتى ل عيراقێ بهێته ئهنجامدان، ل وى دهمى بهلگهنامهكا فهرمى يا ههى كو ژلايێ وهزارهتا پلاندانانێ ل عيراقێ هاتيه دهركرن وتێدا ئاماژه ددهت كو رێژا ئاكنجيێن ههرێما كوردستانێ ل عيراقێ 9.13% وب ڤێ چهندێ رێژا ههرێما كوردستانێ دبودجێ گشتى يێ عيراقێ دا دبيته 14% ودشيان دايه ئهو رێژه بۆ بودجا ههرێمێ بهێته دياركرن تاكو ئهنجامدانا سهرژمێريا گشتى ل عيراقێ”.
پشتی ئەڤرۆ نیوز بەلاڤ کری دو پەرلەمانتارێن زاخۆ خوەلێکرە خودان
ئەڤرۆ نیوز ، عەلی حاجی :
پشتی پەیامێ نەخوش کەفتنا ئیبراھیم عەزیز یێ بەرنیاس ( ئیبێ ترتێ ) ل ئەڤرۆ نیوز بەلاڤ بوی دو پەرلەمانتارێن زاخۆ ل پەرلەمانێ عێراقێ ب ناڤێ وەسفیا محەمەد و ریحان حنە خوە ل وی کەسێ خودان.
ل دۆر ڤێ چەندێ شڤان عەبدی کەسەکێ نێزیکی ھەردو پەرلەمانتاران بۆ ئەڤرۆ نیوز گۆت : پشتی بابەتی ڤی کەسێ خودان پێدڤیێ تایبەت ل ئەڤرۆ نیوز بەلاڤ بوی وەکو کارەکێ ئەخلاقی و مروڤایەتی ھەردو پەرلەمانتارێن زاخۆ ریحان حنە و وەسفیا محەمەد خوە ل ئیبراھیمی کرنە خودان سەرجەم پێدڤیێن ئیبراھیمی ب ستویێ خوەڤە گرتن و ھەر دەرمانەکێ پێدڤی بیت دێ بۆ ھێتە دابین کرن و ئەگەر پشکنینەکا وی ژی پێدڤی بوو دێ بۆ دەرڤەی وەلاتی ژی ھێتە رەوانە کرن .
ناڤبری دیار کر ژی : ل نوکە دا کەسەک ھاتیە ئامادە کرن کو ل نەخوشخانێ دا ژ نێزیک چاڤدێریا ئیبراھیمی بکەت و بەردەوام خزمەتا وی بکەت ، ھەر دیسان دی َ دو کەسێن دی ژی ھێنە دەست نیشان کرن ل ماوێ ٢٤ دەمژمێران دا چاڤدێریا ئیبراھیمی بکەن و ل نوکە دا ئیبراھیم دێ مینیتە نەخوشخانا زاخۆ ڤە ھەتا رەوشا وی باشتر ببیت.
پرۆگرامێ چارەسەریا ساخلەمیێ بۆ قوتابیان دەستپێکر
ئەڤرۆ نیوز، لەزگین جوقی:
بەرپرسێ راگەھاندنێ ل بۆردی کاروبارێن مرۆڤایەتی ل پارێزگەھا دھۆکێ بۆ ئەڤرۆ نیوز دیار کر کو پرۆگرامێ چارەسەریا ساخلەمیی بۆ قوتابین ئاوارە ل کەمپا باجد کەندالا ھاتە دانان و دێ بۆ دەمێ سێ ھەیڤان یێ بەردەوام بیت.
سالم سەعید، بەرپرسێ راگەھاندنێ ل بۆردی کاروبارێن مرۆڤایەتی ل پارێزگەھا دھۆکێ بۆ ئەڤرو نیوز دیار کر کو پرۆگرامێ چارەسەریا ساخلیمیێ بۆ قوتابیێن د ناڤ قوتابخانێن کەمپا باجد کەندالا دەستپێکر و گۆت: “دێ ب رێیا ڤی پرۆگرامی چەندین جۆرێن نەخۆشان ھێنە چارەسەرکرن ل دەف زارۆیان وەکو نەخۆشێن پیستی یێن زارۆیان و دابینکرنا دەرمانان و چارەسەریا ددانان و پشکنینا چاڤا و چێکرنا بەرچاڤکا دێ ھەتا ١٦٠٠ قوتابیان مفای ژ ڤی پرۆگرامی وەرگرن”.
زێدەتر گۆت: “پرۆگرام ب ھەڤکاری دگەل کارگیریا کەمپا باجد کەندالا و رێکخراوا pwj ھاتیە ئەنجامدان و دێ بۆ دەمێ سێ ھەیڤان یێ بەردەوام بیت ژ پێخەمەت پاراستنا ساخلەمیا قوتابیان د ناڤ کەمپێ دا”.
چهكێ بهنكى يێ كارمهندێن سهرسندوقێن دهنگدانێ گههشته دهۆكێ
ئهڤرۆ نيوز، نيوار محهمهد سهليم:
بهرپرسێ پهيوهنديێ ب جهماوهرى ل كۆمسيۆنا بلندا سهربهخۆيا ههلبژارتنان ل عيراقێ راگههاند چهكێ بهنكى يێ پارێ كارمهندێن سهر سندوقێن ههلبژارتنان ل رۆژانێن دهنگدانێ گههشته دهۆكێ و پشتى رێكارێن قانوونى دێ ل سهر وان كهسان هێنه بهلاڤكرن.
سهگڤان حهسهن، بهرپرسێ پهيوهنديێ ب جهماوهرى ل كۆمسيۆنا بلندا سهربهخۆيا ههلبژارتنان ل عيراقێ بۆ ئهڤرۆ نيوز گۆت: “چهكێ بهنكى يێ پارێ كارمهندێن سهر سندوقێن ههلبژارتنان ل رۆژانێن دهنگدانێ گههشته دهۆكێ”.
زێدهتر گۆت: “دێ بزاڤێ كهين ب زووترين دهم رێكارێن قانوونى ئهنجام دهين و پاشان ژى دێ پارێ وان كارمهندان بهلاڤ كهين”.
بهرپرسێ پهيوهنديێ ب جهماوهرى ل كۆمسيۆنا بلندا سهربهخۆيا ههلبژارتنان ل عيراقێ ئاماژه ب وێ چهندێ ژى كر كو ههر دهمێ رێكارێن قانوونى ب دووماهى هاتن دێ ژڤانێ بهلاڤكرنێ ئاشكهرا كهن و جهێن دێ لێ هێته بهلاڤكرن.
دەمێ کارکرنێ ب ناسناما بارێ شارستانی و رەگەزناما عیراقی ھاتە راگەھاندن
ئەڤرۆ نیوز:
بەرپرسەکێ وەزارەتا ناڤخۆ یا عیراقێ دەمێ کارکرنێ ب ناسناما بارێ شارستانی و رەگەزناما عیراقی راگەھاند.
لیوا نەشئەت ئیبراھیم، رێڤەبەرێ کاروبارێن کارتا نشتیمانی ل وەزارەتا ناڤخۆ یا عیراقێ بۆ دەزگەھێن راگەھاندنێ یێن عیراقێ دیار کر کو پشتی ئەو شیاین ل ھەموو پارێزگەھێن عیراقێ فەرمانگەھێن بارێ شارستانی بۆ دەرخستنا کارتا نشتیمانی ب گوھۆڕن، رێڤەبەریێن وان ل سالا 2020 دێ کارکرنێ ب ناسناما بارێ شارستانی و رەگەزناما عیراقی ڕاگرن.
رێڤەبەرێ کاروبارێن کارتا نشتیمانی ل وەزارەتا ناڤخۆ یا عیراقێ ئاماژە دا وێ چەندێ کو د دەمێ دەست ب کاربوونێ دا و ھەتا نوکە ئەو شیاینە 9 ملیۆن کارتێن نشتیمانی ل سەرانسەری عیراقێ بدەنە وەلاتیان.
نيشاندان
WP Facebook Auto Publish Powered By : XYZScripts.com