ئەڤرۆ نیۆز، ئەمیر ئەترووشی:
داھاتێ رێڤەبەریێن ھاتنوچوونێ ل ھەرێما کوردستانێ د سالا بۆری یا ٢٠١٨ دا بەرەڤ زێدەبوونێ چوویە و گەھشتیە ٣٣٠ ملیار دیناران.
لیوا رزگار عەلی، رێڤەبەرێ گشتیێ ھاتنوچوونا ھەرێما کوردستانێ بۆ ئەڤرۆ نیۆز دیار کر کو د سالا بۆری یا ٢٠١٨ داھاتێ رێڤەبەریێن ھاتنوچوونێ ل ھەرێما کوردستانێ ب رێژەیەکا باش بەرەڤ زێدەبوونێ چوویە و گەھشتیە ٣٣٠ ملیار دیناران د ئێک سال دا، ئەڤە د دەمەکی دایە کو داھاتێ رێڤەبەریێن ھاتنوچوونێ ل ھەرێما کوردستانێ د سالا ٢٠١٧ دا ٢٧٠ ملیار دیناربوون.
زاخۆ ، عەلی حاجی :
ھیڤیدار ئەحمەد ئەندام پەرلەمانێ کوردستانێ د دخویانیەکا تایبەت دا بو ئەڤرۆ نیوز گۆت : گەندەلی بوویە کەلتورەک دناڤ پشکەکا بەرپرسێن کوردستانێ دا و دڤێت کار بکەین وی کەلتوری ژناڤ ببەین و ب رێکارێت یاسای ل دژی وان کەسان ب راوەستین.
نافھاتی ئەو چەندە ژی گۆت: گەلەک بەرپرس بناڤێ پارتی دیموکراتی کوردستان گەندەلیێ دکەن لەورا ژی من ب جدی ل سەر ڤی بابەتێ گەندەلیێ کار کری یە و ٣ کەیسێن گەندەلیێ ل زاخۆ من رادەستی لژنا نەزاھێ ل کوردستانێ کرینە و دێ بەردەوام بم ل سەر ئاشکەرا کرنا کەیسێن گەندەلیێ و ل نێزیک ژی دێ ئەنجامان بۆ خەلکی دیار کەین.
ئەڤرۆ نیوز، لەزگین جوقی:
سەرۆکێ باژێرڤانیا باعەدرێ بۆ ئەڤرۆ نیوز دیار کر کو نەخشێن باژێرڤانیێن باعەدرێ و زاویتە و بامەرنێ دگەل شێخان ھاتنە راگەھاندن و بۆ دەمێ ٦٠ رۆژان ھەکە چ نەرازیبوون ل سەر نەبن دێ دێ ژ لایێ وەزارەتا باژێرڤانیێ ڤە ھێنە پەسەندکرن و گۆت: “دێ دەست ب تاپۆکرنا خانیێن وەلاتیێن ناحیا باعەدرێ ھێتە کرن”.
ئەیوب فەرمان، سەرۆکێ باژێرڤانیا باعەدری بۆ ئەڤرۆ نیوز دیار کر کو ژ بەر نەبوونا نەخشەیی ئەو نەدشیان دەست ب تاپۆکرنا خانیێن وەلاتیان بکەن ل دەڤەرا باعەدرێ، چونکی گەلەک خانی یێن ھاتینە ئاڤاکرن و ھەتا نوکە ژی نەھاتینە تاپۆکرن و خەلک نەدشیا ژ قەرێن ئاڤاھیان مفاداربن و گۆت: “نوکە و پشتی کۆمپانیەکا ئیتالیی نەخشە دانایی و ب دووماھی ھاتی و ھاتیە راگەھاندن، پشتی پەسەند دبیت دێ گەلەک ئاریشێن مولکداریێ ل دەڤەرێ ھێنە چارەسەرکرن ب تایبەتی ژی تاپۆکرنا خانیێن وەلاتیان”.
ناڤھاتی ئاماژە دا وێ چەندێ کو نەخشێن باژێرڤانیێن باعەدرێ و زاویتە و بامەرنێ دەڤەرێن دی بۆ دەمێ ٢٥ سالان یێ ھاتیە دانان، لێ وان ھندەک پێشنیار و بووچوون ل سەر نەخشەیی ھەبوون وەکو ھندەک دەڤەر ببوونە کەسکاتی و ئەو ب خوە دەڤەرێن خزمەتگوزاری بوون یان دەڤەرێن خزمەتگوزاری ببوونە کەسکاتی و ئەو خانی بەری ٢٠ سالان لێ ھاتینە ئاڤاکرن و گۆت: “پشتی مە ئەڤ پێشنیار و بووچوونە داینە وان نوکە نەخشە چوو د قووناغا راگەھاندنی دا و پشتی ئەڤ قووناغە ب دووماھی دھێت دێ کار ل سەر ھێتەکرن”.
ئەڤرۆ نيوز، رەمەزان ھەرنی:
ل گور ئامارەکا فدراسیۆنا پەنابەران ل ھەرێما کوردستانێ، ل دەمێ پێنچ سالێن بۆری پتر ژ 60 وەلاتیێن ھەرێما کوردستانێ دا رێیا ئورۆپا دا گیانێ خوە ژ دەست دایە.
ئاری جەلال سەرپەرشتێ فدراسیۆنا پەنابەران ل ھەرێما کوردستانێ ئاشکراکر کو ل سالا 2018ێ نێزیکی 70 ھزار وەلاتیێن ھەرێما کوردستانێ قەستا ژ دەرڤەی کوردستانێ کریە، ل گور ڤەکۆلینەکێ رێژا 35% ژ وان وەلاتیان گەنج بوون قەستا پتر ژ 45 وەلاتێن ئورۆپا کریە.
ناڤبری گۆتژی: ل دەمێ پێنچ سالێن بوری 274 وەلاتیێن عیراقێ ب رێا چوونا دەرڤە گیانێ خوە ل دەست دایە و 144 کەس ژی بێ سەروشوون بووینە و د ناڤ وان دا 64 وەلاتی خەلکێ ھەرێما کوردستانێ بووینە
ئهڤرۆ نيوز، نيوار محهمهد سهليم:
ئهندامهكا جڤاتا نوونهرێن عيراقێ راگههاند كو بڕيار بههرا ههرێما كوردستانێ ژ دهرمانان 17%ێ بيت و وهكو بۆدجهى نههێته كێمكرن.
د. داليا فهرهاد، ئهنداما جڤاتا نوونهرێن عيراقێ ل سهر فراكسيۆنا پارتى ديموكراتى كوردستان د داخۆيانيهكێ دا بۆ ئهڤرۆ نيوز گۆت: “كار بۆ وێ چهندێ هاتيه كرن كو بۆ ئهڤ ساله بۆ بههرا ههرێما كوردستانێ ژ دهرمانان 17% بيت”.
ئاشكهرا ژى كر كو ئهو بزاڤێن گهلهك مهزن دكهن كو بههرا ههرێمێ بهێته زێدهكرن ژ بهر وێ رێژا زێده يا ئاواران ل ههرێما كوردستانێ كو پشكهكا ههرهزۆر ژ دهرمانان بۆ وان دچيت.
ل دۆر وێ چهندێ كو رێژهكا زۆر يا درهمانان ههتا دگههنه ههرێمێ ئێكسپايهر دبن يان دهمێ ئێكسپايهرا وان نێزيك دبيت، د. داليايێ گۆت: “ههتا پێرابوونێن قانوونى و پشكنين بۆ دهرمانان دهێنه كرن و پاشان ژى بۆ كۆگههان دهێنه ڤهگوهاستن و ژنوو بههرا ههرێمێ دهێته دابينكرن، دهمهكێ زۆر پێڤه دچيت و دبيته ئهگهر كو ماوێ ب سهرڤهچوونێ نێزيك بيت”.
ئەڤرۆ نیوز، لەزگین جوقی:
بەرپرسێ لژنا رەوشەنبیری ل دەستەیا بلندا بنگەھێ لالش یێ رەوشەنبیری و جڤاکی دیار کر کو جەژنا بێلندێ ئێکە ژ کەڤنترین جەژنێن ئێزدیان و رەە و ریشالێن وێ دزڤرنە سەر دەمێ میترایا و ئەڤ جەژنە ب پیرۆزیا رۆژێ ڤە یا گرێدایە و چەندێن مللەتێن دی ژی رێورەسمێن جەژنا بێلیندێ دگێرن.
شەمۆ قاسم، بەرپرسێ لژنا رەوشەنبیری ل دەستەیا بلندا بنگەھێ لالش یێ رەوشەنبیری و جڤاکی بۆ ئەڤرۆ نیوز دیار کر کو ئێزدیان دەست ب بەرھەڤیێن گێرانا جەژنا بێلندێ کرینە و ئەڤ جەژنە د ناڤ مالان دا دھێتە گێڕان، ل ئێڤاریا جەژنێ ھەر مالەکا ئێزدی ل بەر دەرگەھێ مالا خوە ئاگرەکی ھەلدکەت و دبێژنێ گورکا گای یان گورە پیتک، خەلک خوە د سەر ڕا دھاڤێژن ب تایبەتی ژی ئەندامێن ھەموو مالان سێ جاران خوە د سەر وی ئاگری دا د ھاڤێژن ب رامانا وێ چەندێ گونەھێن وان بھێنە سووتن، ھەروەسا ژی خوارنەکا تایبەت دھێتە چێکرن دبێژنێ میرە (کەشکین).
ناڤھاتی خویا کر کو ل ڤی جەژنێ ئێزدی سەوکا چێدکەن و نانەکێ تایبەت دھێـتە دروستکرن دبێژنێ (خەولێرە) و مێویژەکێ د ناڤ وی نانی دا بەرزە دکەن و پاشی وی نانی دقەلینن و ل ئێڤاریا رۆژا جەژنێ د رێورەسمەکێ تایبەت دا دھێتە شکاندن و ل سەر ھەموو ئەندامیێن خێزانێ بێ جۆداھیی دھێتە بەلاڤکرن و گۆت: “ھەر کەسەکێ مێویژ دبەھرا وی دا دەرکەڤیت ئەو کەس دھێتە خەلاتکرن و دبێژن رەوشا سالا نوو ل سەر بەختێ وی کەسی یە یێ مێویژ بەھرا وی دا ھاتی”.
ئهڤرۆ نيوز:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ جوداهيا باران بارينا ئهڤ ساله ل گهل سالا بۆرى راگههاند و ئاشكهرا كر كو ئهڤ ساله جوداهيا باران بارينێ ل پارێزگهها دهۆكێ ژ ههموو پارێزگههێن دى زێدهتره.
ب گۆرهى نهخشهيهكى كو رێڤهبهريا گشتى يا سهقاناسى و بيڤهلهرزێ ل ههرێما كوردستانێ بهلاڤكريه ديار دكهت كو ل پارێزگهها دهۆكێ ئهڤ ساله 413ملم بارانێ ژ سالا بۆرى زێدهتر بارينه، ل پارێزگهها ههولێرێ ژى 283ملم بارانێ ژ سالا بۆرى زێدهتر بارينه، ل سلێمانيێ ژى 380ملم ژ سالا بۆرى زێدهتر بارينه، ههلهبچه ژى 356ملم و كهركووكێ ژى 204ملم زێدهتر بارينه.
ب گۆرهى ئهو ئامارێن ل بهر دهستێ ئهڤرۆ نيوز ئهڤ ساله ل پارێزگهها دهۆكێ 492.6ملم بارانێ بارينه، ل ههولێر 363.1ملم، سلێمانيێ 517.4 كو دبيته بلندترين رێژا باران بارينێ ل سهنتهرێ پارێزگههان، ههلهبچه 442.3ملم و كهركووك ژى 492.6ملم بارانێ بارينه.
ئەڤرۆ نیوز ، عەلی حاجی :
رێکخراوا جی ئای زێت یا ئەلمانی دخوازیت ب ئینانا ھندەک ئامیرێن نوو سیستەمەکێ نوو یێ پاقژکرنا ئاڤێ بۆ پرۆژێ ئاڤا قەزا زاخۆ ب دانیت و ئێدی کار ب سیستەمێ کەڤن نەھێتە کرن .
ھاشم ئیبراھیم، رێڤەبەرێ ئاڤا قەزا زاخۆ بۆ ئەڤرۆ نیوز دیار کر کو سیستەمێ ھایپو کلورید سیستەمەکێ نوو یە بۆ پاقژکرنا ئاڤێ و بۆ جارا ئێکێ یە ئەڤ سیستەمە ل سەرانسەری عیراقێ بھێتە ب کارئینان و مەزاختیێن سیستەمێ نوو ژی رێکخراوا جی ئای زێت یا ئەلمانی ب ستوویێ خوەڤە گرتینە و ئامیرێن سیستەمێ نوو ھەموو ل وەلاتێ ئەلمانیا ھاتینە دروستکرن و گۆت: “ئامیرێن سیستەمێ نوو ب رێیا رێکخراوا ناڤھاتی بەری دو ھەیڤان گەھشتینە ھەرێما کوردستانێ و ھەر ھەمان رێکخراو پشکەکا دی یا ئامیرێن گرنگ بۆ رێڤەبەریا مە فرێکرینە و مەزاختیێن ماددێن سیستەمێ نوو گەلەک ژ سیستەمێ کەڤن یێ پرۆژێ ئاڤا زاخۆ کێمترن”.
ناڤھاتی ئاماژە دا وێ چەندێ کو دەمێ پرۆژەی پێنج ھەیڤن و ئەو چاڤەرێنە ئەندازیارەک ژ وەلاتێ ئەلمانیا بھێتە باژێرێ زاخۆ بۆ دانانا سیستەمێ نوو یێ پاقژکرنا پرۆژێ ئاڤا زاخۆ داکو بکەڤیتە دخزمەتا وەلاتیان دا.
ئەڤرۆ نیۆز، قائید میرۆ:
بڕیاربوو د ئەڤ سالە دا مووچێ کەس و کارێن شەھید و زیندانیێن سیاسی بکەڤیتە ب سەر میلاکێ بەغدا ڤە، بەلێ وەکی بەرپرسەکێ وەزارەتا کاروبارێن شەھید و ئەنفالکریان ئاشکرا دکەت، وان پێشنیارێن خوە رادەستی حوکمەتا عیراقێ کرینە و چاڤەڕێی بەرسڤێ دکەن ژ بەغدا.
فوئاد عوسمان، پەیڤدارێ وەزارەتا کاروبارێن شەھید و ئەنفاکریان بۆ ئەڤرۆ نیوز دیار کر کو راستە بڕیارە مووچێ کەس و کارێن شەھید و زیندانیێن سیاسی بکەڤیتە ب سەر میلاکێ بەغدا ڤە و مووچەی ژ بەغدا وەرگرن، بەلێ پشتی وان سەرەدانا بەغدا کری وەکی لیژنا وەزارەتێ ھەموو کاروبارێن وان دیتینە و پێداچوون بۆ ھاتیەکرن، بەلێ نەگەھشتینە قووناغا دووماھیێ، چونکی ھەرێما کوردستانێ ل گورەی قانوونەکا تایبەت مووچە و ئمتیازاتێن کەس و کارێن شەھید و زیندانیان د مەزێخیت و بەغدا ژی قانوونا خوە ھەیە.
ناڤھاتی ئاماژە دا وێ چەندێ کو وان پشتی سەرەدانێ چەندین پێشنیار بەرھەڤکرینە و بۆ سەرۆکاتیا جڤاتا وەزیرێن عیراقێ ھاتینە ھنارتن، بەلێ ھێشتا چو بەرسڤ نەھاتینەدان، ھەر دەمێ بەرسڤێ بدەن دێ بۆ وان دیاربیت گەھشتیە چو قووناغ، لەوڕا ژی دیارنینە مەزاختنا مووچەی ژ لایێ بەغدا ڤە دێ کەڤیتە د کیشک ھەیڤا ئەڤ سالە دا و ژڤانێ ڤەگوھاستنا لیستا ناڤێن شەھید و ئەنفالکریان ژی یێ دیارنینە.
ئهڤرۆ نیوز:
سهرۆكێ فیدراسیۆنا پهنابهران راگههاندیه كو زارۆیهكێ تهمهن دو بۆ سێ سالی ل نێزیك فرۆكخانا ئهرجان یا قوبرس هاتیه دیتن و ناڤێ وی “ئازاد” ه و ب تنێ د زمانێ كوردی دگههیت.
ئاری جهلال سهرۆكێ فیدراسیۆنا پهنابهران ل پهیجێ خوه یێ فهرمی ل تۆرا جڤاكی یا فهیسبووكی بهلاڤكریه كو نوونهراتیا فیدراسیۆنا وان ل قوبرس ل دۆر دیتنا زارۆیهكی هاتیه ئاگههدار كرن و نوكه ئهو زارۆیه ژ ئالیێ بهرپرسێن قوبرس ڤه گههاندیه هێلینا زارۆیان ل وی وهلاتی و كهسوكارێن وی ژی د دیار نینن.
ئاری جهلال ئاشكرا ژی كریه، كو نوونهراتیا وان ل قوبرس سهرهدانا وی زارۆی كریه و گۆت:( ئازاد ژ لایێ میدیا یا وهلاتێ قوبرس ڤه وهكو كوردێ عیراقێ هاتیه دیاركرن، لێ ههتا نوكه نههاتیه زانین كا خهلكێ ههرێما كوردستانێ یه یان ژ پارچهكا دی یا كوردستانێ چوویه).
ئـــــــــــــــــازاد
نيشاندان