ئەڤرۆ نیوز:
ئەڤرۆ سپێدێ ٢١-١-٢٠١٩ محەمەد حاجی مەحمود سکرتێرێ حزبا سۆسیالیست و ئێک ژ فەرماندەیێن ھێزێن پێشمەرگەیا کوردستانێ سەرەدانا سەرۆک مەسعود بارزانی کر ل پیرمام.
د ڤێ ھەڤدیتنێ دا بەحس ل گوھۆرینێن سیاسیێن ھەرێما کوردستانێ و عیراقێ و دەڤەرێ ھاتە کرن، زێدەباری بەحسا پەیوەندیێن دبلوماسی و سەرەدانا ھەر ئێک ژ وەزیرێن دەرڤە یێن ئەمریکا و فرەنسا و ئیرانێ ھاتە کرن.
د لایەکێ دی یێ ڤێ ھەڤدیتنێ دا سەروک مەسعود بارزانی و محەمەد حاجی مەحمود گفتوگۆ ل سەر رەوشا عیراق و سووریا ژ روویێ سیاسی و سەربازی ھاتە کرن تەکەست ل سەر رێکخستنا ناف مالا کوردی د ڤێ قوناغێ دا ب گرنگ زانی.
ئەڤرۆ نیوز:
ئەڤرۆ رۆژا دوشەمبی ٢١-١-٢٠١٩ مەسرور بارزانی شیرەتکارێ جڤاتا ئاسایشا ھەرێما کوردستانێ پێشوازی ل جنرال ئوستن رێنفورت، بەرپرسێ ژوورا ئوپەراسیونێن ھەڤپەیمانان ل بەغدا و شاندێ دگەل دا کر.
د دیدارەکێ دا بەحس ل سەر پێشڤەچوونێن دەڤەرێ و پێشخستنا میکانزما ھەڤکاریێ ناڤبەرا ھێزێن پەیوەندیدار پێخەمەت بەرھنگاریا گەفێن تیرورێ ھاتە کرن.
ژلایێ خوە ڤە مەسرور بارزانی دوپاتی ل سەر ھەڤکاریا ھێزێن پێشمەرگەی بۆ رێگریگرتن ل سەر لڤینێن تیرورستان ل دەڤەرێ و ناوچەیێن دەرڤەی ئیدارەیا حوکمەتا ھەرێما کوردستانێ کر، دیسان ب پێدڤی زانی رەوشا وان دەڤەرێن کوردستانی زوو بھێنە ئاسایکرن و چارەسەریا کێشەیێن سیاسی و ئیداری و دەستوری بھێتە کرن دیسان ئەگەرێن سەرھلدانا توندوتیژیێ بھێتە بنبرکرن.
ژلایێ خوە ڤە شاندێ ھەڤپەیمانان پشتەڤانیا خوە بۆ ھەڤکاریا ھێزێن پێشمەرگەی دیارکر و خواست ئەڤ ھەڤکاریە زێدەتر بھێتە پێشخستن ل ھەموو دەڤەران دیسان ئەو دێ بەردەوام بن ل سەر ھاریکاری و راھێنانان بۆ ھێزێن پێشمەرگەی.
ئهڤرۆ نيوز، نيوار محهمهد سهليم:
ئهندامهكێ جڤاتا نوونهرێن عيراقێ راگههاند كو ئهڤرۆ دێ تێبينيێن لژنێ ل سهر پرۆژێ قانوونا بودجا عيراقێ ب دووماهى هێن و سوبههى ژى هندهك بهند دێ كهڤنه بهر دهنگدانێ.
د. ديار تهيب، ئهندامێ جڤاتا نوونهرێن عيراقێ ل سهر فراكسيۆنا پارتى ديموكراتى كوردستان بۆ ئهڤرۆ نيوز گۆت: “بزاڤ دهێنه كرن كو ئهڤرۆ تێبينيێن لژنێ ل سهر پرۆژێ قانوونا بودجێ ب دووماهى بهێن و سوبههى هندهك بهند ژ وێ قانوونێ بكهڤنه بهر دهنگدانێ”.
ئاشكهرا ژى كر كو كارهكێ باش هاتيه كرن داخوازيێن كوردان و ب تايبهت ژى مووچێ پێشمهرگهى و فهرمانبهران بكهڤنه د ناڤ بودجهى دا و نها نوونهرێن كوردستانى كار ژ بۆ وێ چهندێ دكهن بشێن لايهنێن دژى رازى بكهن، “ل دهمێ هاتنا پرۆژهى بۆ ناڤ جڤاتا نوونهران دا بشێين دهنگێن بهلێ ب دهست خوه ڤه بينين و وان خالان پهسهند بكهين”.
د. ديار گهشبينيا خوه ب ئێك ههلويستيا لايهنێن سياسى ل بهغدا ل دۆر خالێن گرێداى كوردان دهربڕى و ئاشكهرا كر كو پهسهندكرنا ڤان خالان پێدڤى ب كارهكێ زێده ههيه.
ئەڤرۆ نیوز، قائید میرۆ:
پێشنیار ھاتیەکرن محەمەد بازیانی وەک کەسایەتیەکێ دیارێ کەرکووکێ پۆستێ پارێزگارێ کەرکووکێ وەربگریت و نافھاتی ژی بۆ ئەڤرۆ نیۆز دیارکر، یێ بەرھەڤە بۆ وەرگرتنا ئەڤی پۆستی.
دکتۆر محەمەد بازیانی، سەرۆکێ پارتا چاکسازی گەشە بۆ ئەڤرۆ نیۆز گۆت” من ژ خەلکێ کەرکووکێ گوە لێ بویە پێدڤیە پارێزگارەک بۆ کەرکووکێ بھێتە دانان و دڤی چوارچوڤەی دا پارێزگارەکێ بێلایەنێ کوردبیت، ھندەک لایەنێن سیاسی پێشنیارکریە ئەز وەک کەسەکێ کەرکووکی و کورد ئەڤی پۆستی وەربگرن، دگەل ڤێ چەندێ ناڤێ چەند کەسێن دیژی دھێت، دەربارەی من پێشنیارھاتیەکرن کو من ئەزموونەکا ئیداری ھەیە پۆستێ پارێزگارێ کەرکووکێ رێڤەببەم، چونکە د کابینا سیێ یا حوکمەتا ھەرێما کوردستانێ من پۆستێ وەزارەتەکێ ھەبو بەری سەرھەلدانێ ژی ئەز رێڤەبەرێ چاندنا قەزا حەویجەبووم کو مەزنترین قەزا کەرکووکێ یە.
بازیانی ئاشکراکر” ژبلی کوردان تورکومانێن کەرکووکێ ژی رازیبوونا خۆ دیارکریە، ھەروەسا ھژمارەکا زۆرا بەرپرس و کادرێن لایەنێن کوردی پەیوەندی بمن کریە و رازیبوونا خۆ دیارکریە لدۆر بەربژێرکرنامن بۆ پۆستێ پارێزگارێ کەرکووکێ، چونکە ئەم ھەموو ئاگەھدار نوکە کەرکووک یا چ رەوشەکێ دا دەربازبیت و رۆژانە کوشتن و روویدانێن نەخۆش تێنە تۆمارکرن.
دکتۆر محەمەد بازیانی دیارکر” وەک فەرمیی ھەتا نوکە ئەز بەربژێر نینم، بەلێ تنێ لایەنەکێ سیاسی پەیوەندی کریە کو ھەڤدیتن دناڤبەرا مەدا ھەبیت لسەر بابەتێ وەرگرتنا پۆستێ پارێزگارێ کەرکووکێ، ھەگەر تشتەک د بەرژەوەندیا خەلکێ کەرکووکێ دابیت ئەز یێ بەرھەڤم گیانێ پێخم مەترسیێ دا و پۆستێ پارێزگاری وەربگرم.
ئهڤرۆ نیوز:
وهزارهتا پهترۆلا عیراقێ راگههاند، د ماوهكێ نێزیك دا بهرههمئینانا پانزینێ ل پارزینگهها بێجی دێ دهست پێكهت.
وهزارهتا پهترۆلا عیراقێ د راگههاندنهكێ دا، ئاشكرا كر كو د پاشهرۆژهكا نێزیك دا پارزینگهها بێجی بۆ بهرههمئینانا پانزین و سۆتهمهنیێ دێ كهڤیته كاری، كو نێزیكی دو سالانه تیمێن وان مژوولی نووژهنكرنا پارزینگهها بێجی نه یا كو ژ لایێ چهكدارێن داعش ڤه زیانێن مهزن گههشتینێ.
د پشكهكا دی یا راگههاندنا وهزارهتا پهترۆلا عیراقێ دا هاتیه، تیمێن وهزارهتا پهترۆلێ شیاینه ب رێژا 40% كار د پارزینگهها بێجی دا بكهن و ئێدی دێ دهست ب بهرههمئینانا پانزینێ و بهرههمێن دی یێن سۆتهمهنیێ هێته كرن.
ئهڤرۆ نيوز:
د هێرشهكا خوهكوژى دا بۆ سهر بنگهههكێ لهشكرى ل ناڤهراستا ئهڤغانسان ئهڤرۆ رۆژا دوشهمبى بۆ ئهگهرێ كوشتنا 12 كهسان و بريندار بوونا ب دههان لهشكرێن د ناڤا ڤى بنگههێ لهشكرى دا و تهڤگهرا تاليبان بهرپرساتيا خوه ژ ڤێ كريارێ راگههاند.
ئاژانسا “ئاريانا” يا ئهڤغانى ژ زار دهڤێ ژێدهرهكێ ناڤخۆى ژ ويلايهتا وهردهك ب ناڤێ عهبدولرهحمان مهنجل راگههاند كو كهسهكێ خوهكوژ هێرش كريه سهر بنگهههكێ لهشكرى يێ هێزێن نشتيمانى ل باژێرێ مهيدان شههر و گۆت: “پشتى بنگههێ لهشكرى هاتيه تهقاندن، ژمارهكا كهسان هێرش كره سهر بنگههى و شهر و پێكدادان روودا”.
ئاشكهرا ژى كر كو چو راپۆرتێن تايبهت ب ژمارا قوربانيان نهبوون، بهلێ كهنالێ “طلوع نيوز” كوشتنا سێ ژ هێرشكهران راگههاند پشتى ژ زاردهڤێ بهرپرسێن وى وهلاتى راگههاندى و ئاماژه ب وێ چهندێ ژى كرى كو هێزێن ئهمنى ژى قوربانى ههبوون.
ئەڤرۆ نیوز، لەزگین جوقی:
سەرۆکێ جڤاتا قەزا شنگالێ دیارکرکو بۆ ئێکلایکرنا کیشەیا ئیدارا شنگالێ دێ ئەڤرۆ ٢١/١/٢٠١٩ پەنایێ بەینە دادگەھا قەزا شنگالێ و دێ سکالایێ تۆمارکەین.
وەیس نایف، سەرۆکێ جڤاتا قەزا شنگال بۆ ئەڤرۆ دیارکرکو ئەو وەکو جڤاتا شنگالێ دێ سکالا خوە تۆمارکەن بۆ ئێکلایکرنا ئاریشا ئیدارا شنگالێ، چونکو کێشە یا قەزا شنگالێ یە، لەورا ل دادگەە شنگالێ دێ سکالا تۆمارکەن و دێ چاڤەرێ بریارا دادگەھێ کەن بۆ ئێکلایکرنا کێشەیا ئێدارا شنگالێ و گۆت: “نابیت دو ئیدارە ل شنگالێ ھەبن پێدڤیە بریار ل سەر ئێک ئێدارێ بھێتە دان، ئەم وەکو جڤاتا شنگالێ خوە ب ئیدارا شەرعی دزانین، چونکو ئەم ب دەنگی وەلاتیان یێن ھاتینە دانان”.
ناڤھاتی ئەوژی ئاشکەرا کرکو ل بەغدا ژی دوو کەسێن سەر ب عەبادی ڤە دوسەیا شنگالێ ئێخستبوونە بن دەستێ خوە دا وان ھەر دوو کەسان رەوشا شنگال تێکدان ھەر دوو ژی عەرەبن و خەلکێ بەغدا نە پشتی ئەڤە بۆ مە ئاشکرا بووی مە بابەت گەھاندیە حکومەتا عیراقێ ئەو کەس ئێدی مایتێکرنێ د کەیسا شنگالێ دا ل بەغدا نەکەن.
ئهڤرۆ نيوز:
بڕياره ئهڤرۆ شاندێ دانوستاندكارێ پارتى ديموكراتى كوردستان ب مهرهما رێكهفتن و پێكئينانا حوكمهتا نوو يا ههرێما كوردستانێ سهرهدانا پارێزگهها سلێمانيێ بكهن و ل گهل ئێكهتى نشتيمانى كوردستان ب روونن.
ب گۆرهى ئهو پێزانينێن ل بهر دهست ئهڤرۆ نيوز، ههتا نها سهرۆك و جگێرێ سهرۆكێ پهلهمانى بۆ ههر ئێك ژ ئێكهتى و پارتى ئێكلا بووينه و پۆستێ سكرتێرێ پهرلهمانى ژى هێشتا د ناڤبهرا مهسيحى و توركمانان دا نههاتيه ئێكلاكرن، ههر چهنده پۆستێ سهرۆكا پهرلهمانى بۆ ئێكهتيێ ئێكلا بوويه، بهلێ هێشتا ديار نينه بێگهرد تهلهبانى يان ژى رێواز فايهق دێ وى پۆستى وهرگريت.
بڕياره سوبههى ژى شاندهكێ بزاڤا گۆڕان سهرهدانا پارتى ديموكراتى كوردستان بكهت و ل گهل پارتى ديموكراتى كوردستان كۆم ببيت و پرۆژهك يێ ژ ژمارهكا خالان پێك دهێت بۆ دانوستاندنێ ل گهل پارتى بهرههڤ كريه.
ژێدهرهكى ژ ناڤا پارتى ديموكراتى كوردستان بۆ ئهڤرۆ نيوز ئهڤ چهنده پشت راست كر و ئاماژه ب وێ چهندێ ژى كر كو گۆڕان ژى ههتا رادهكێ باش گههشتيه وێ باوهريێ كو د ناڤا سهرۆكاتيا پهرلهمانى دا ئهوان چو پۆست نابن و دبيت پۆستێ جێگرێ سهرۆكێ ههرێمێ وهربگرن.
ئهڤرۆ نيوز ،رهمهزان ههرنى:
ب بزاڤێن جێگرێ سهروكێ جڤاتا نونهرێن عیراقێ ژورا راگههاندن و وهرگێرانێ ب زمانێ كوردى ل ناڤ هولا پهرلهمانێ عیراقێ هێته دانان.
د. بهشیر حهداد جێگرێ سهرۆكێ جڤاتا نونهرێن عیراقێ بۆ ئهڤرۆ گۆت : مه فهرمان ب فهرمانگهها راگههاندنێ كریه ل ناڤ جڤاتا نوونهران كو ل ناڤ هولا پهرلهمانى وهرگێران بۆ زمانێ كوردى بهێته دانان و رێ هاتیه دان ئهندامێن پهرلهمانى ب زمانێ كوردى باخڤن مهژى ئهو بزاڤكرن.
حهداد گوتژى : بریار هاتیه دان ب تنێ كارێن هونهرى ماینه ل كهل دابینكرنا ئامێرێن ئهلیكترونى، ههروهسا ژورا راگههاندنێ ل ناڤ هولا پهرلهمانى دێ هێته دانان و چهند كهس ژى وهك وهرگێر هاتینه تاقیكرن.
نيشاندان