ئەڤرۆ نیوز، ئەمیر ئەترووشی:

بەرپرسێ راگەھاندنا بەرەڤانیا باژێری ل پارێزگەھا دھۆکێ راگەھاند، ژ مەھا ئێک یا ئەڤ سالە ھەتا نھا 57 وەلاتیێن پارێزگەھا دھۆکێ د ناڤا ئاڤێ دا خەندقینە.

رائیدێ مافپەروەر بێوار عەبدولعەزیز بۆ ئەڤرۆ نیوز دیار کر کو د سالا 2018 ێ دا، تیمێن نقۆمڤانان یێن رێڤەبەریا بەرەڤانیا باژێری ل گەل ھاریکاریا خەلکێ خەمخور یێ دھۆکێ شیاینە 62 وەلاتیێن پارێزگەھا دھۆکێ ژ خەندقین و مرنێ قورتال بکەن و ل گەل ھندێ ژی ب مخابنیڤە 57 وەلاتی خەندقینە و پتریا وان ژی ئاکنجیێن پارێزگەھا دھۆکێ نە و گۆت: “ل ھەر دو سالێن بۆری پتریا ئەو کەسێن ل دھۆکێ خەندقین ئاوارە و گەشتیار بووینە، لێ ئەڤ سالە زێدەتر خەلکێ دھۆکێ ب خوەنە”.

ئاشکرا ژی کر کو پتریا ئەو کەسێن د ئاڤا دا خەندقین تەرمێن وان ھاتینە دەرخستن و ھەر روودانەکا پەیدا ببیت دەملدەست تیمێن نقومڤانان دگەھن و گۆت: “14 تیمێن نقومڤانان یێن گەرۆک و خوە جھـ ل پارێزگەھا دھۆکێ ھەنە و 24 دەمژمێران د خزمەتا وەلاتیان دانە”.

ئەڤرۆ نیوز، بارزان مزووری:
سەرۆکێ باژێرڤانیا ناحیا رۆڤیا بۆ ئەڤرۆ نیوز دیار کر کو پشتی ل سالا 2013ێ بڕیارا دروستکرنا پرۆژێ جووتسایدێ د ناڤ سەنتەرێ رۆڤیا دا ھاتیە دەرکرن و 20% کار د پرۆژەیی دا ھاتیە کرن، بۆ دەمێ پێنج سالانە کار د چێکرنا ڤی پرۆژەی دا ھاتیە راوەستاندن.
ئەندازیار ئەمین عەلی، سەرۆکێ باژێرڤانیا ناحیا رۆڤیا ئاشکرا کر کو ل سالا 2013ێ بڕیارا دروستکرنا پرۆژێ جووتسایدێ د ناڤ سەنتەرێ رۆڤیا دا ب درێژاھیا ھزار و 900 مەترێن دوجا ب کوژمێ 10 ملیۆن و249ھزار دۆلاران ھاتە دەرکرن، لێ پشتی 20% کار د چێکرنا پرۆژەیی دا ھاتیەکرن ل سالا 2014ێ کار د چێکرنا ڤی پرۆژەی دا ھاتە راوەستاندن.
ناڤھاتی ئاماژە دا وێ چەندێ کو ژ بەر نەمەزاختنا پارێ بەلێندەری ئەڤ پرۆژە ھاتیە راوەستاندن و گۆت: “ھەتا نوکە ئەو وەلاتیێن دکانێن وان کەفتینە بەر ڤی پرۆژەیی قەرەبوویا وان ب تمامی پێ نەھاتیەدان”.
ل دووماھیێ ئەندازیار ئەمین عەلی خویا کر کو ئەو داخوازێ ژ پارێزگەرێ دھۆکێ دکەن کۆژمەکێ پارەی بۆ بەلێندەری ب مەزێخیت داکو دووبارە دەست ب کارێ خوە بکەت و ڤی پرۆژەی تمام بکەت، چونکی رۆژانە قەرەبالغەکا مەزن دکەڤیتە د ناڤ سەنتەرێ ناحیا رۆژڤیا دا.

ئه‌ڤرۆ نیوز:

وه‌زاره‌تا خواندنا بلند، ئه‌ڤرۆ د راگه‌هاندنه‌كێ دا، داخوازێ ژ هه‌لگرێن باوه‌رنامێن ماسته‌ر و دكتورایێ دكه‌ت كو ب رێیا وه‌زاره‌تا وان داخوازیێن خوه‌ بۆ دامه‌زراندنێ ل زانكۆ و په‌یمانگه‌هێن تایبه‌ت پێشكێش بكه‌ن.
بۆ زانینا مه‌رجان لینكێ ل خوارێ ڤه‌كه‌.

لينك