NO IORG
Twitter

ئەڤرۆ نیوز:
ل ھەردو باژارێن لیل و لێزن ل باکۆرێ فرەنسا، فرۆتنا ھەمی ڤەخوارنێن دی یێن کحولی ل رۆژا سێشه‌مب هه‌تا رۆژا چوارشه‌مب بۆ ده‌مێ بیست و چوار ده‌مژمێران ھاتنە قەدەغەکرن.
ئەڤ بریارە ژی ژ بەر خرڤەبوونا جەماوەرێ ھەلبژارتیێ تەپاپێی یێن رۆسیا و ئینگلتەرایە ل وان باژاران، کو بەری نھا شەر و پەڤچوون دناڤبەرا وان دا پەیدا ببوو و ئالۆزی ل فرەنسا پەیدا کربوون.
ھەر ئەڤرۆ فرەنسا ٤٣ ژ جەماوەرێ رۆسیا کو ئالۆزی بەری یاریێن تەپاپێی پەیدا کربوون، دەستەسەرکرن و بریار دا ژ فرەنسا بدەرێخن، د دەمەکی دا قارەمانییا یۆرۆ ٢٠١٦ ێ ل فرەنسا برێڤە دچیت.

181

ئەڤرۆ،محەمەد عەلی:
چاڤەڕێ دھێـتەکرن ل دوماھییا حەفتییا بھێت سێ یاریزانێن تیما یانا دھۆک یا کیک بۆکسینگێ بەرەڤ باژێرێ فرانکفۆرد یێ ئەلمانی بچن ژبۆ پشکداری کرنێ د قارەمانیا نێڤدەولەتی یا ڤەکری دا، ئەوا دێ ھەڤرکیێن وێ ل ٢٥ ڤێ ھەیڤێ ھێنەکرن ب پشکداریا ھژمارەکا مەزن یا یانێن جیھانی .
ل دۆر ڤی بابەتی مەحفوز ئیبراھیم سەرپەرشتێ تیما کیک بۆکسینگا یانا دھۆک بۆ رۆژنامەیا ئەڤرۆ گۆت: ھەرسێ یاریزانێن یانا مە کوڕێن پارێزگەھا دھۆکێ نە ئەوژی ئەحمەد ئدریس جومعە بۆ کێشا(٨٠کگم)، عەبدولرەزاق سەعید شێخۆ بۆ کێشا(٩٠کگم) و سەیاف سەلاح بۆ کێشا(٥٥کگم) دێ ب ناڤێ یانا دھۆکێ و پارێزگەھێ پشکداریێ د قارەمانیێ دا کەن. زێدەتر ناڤبری ئەوچەندە ژی دا دیارکرن ھەر سێ یاریزان دێ ل سەر کیستێ خوە پشکداریێ د قارەمانیێ دا کەن، لێ کارگێریا یانا دھۆک رێگرنەبوویە د پشکداریا ئەوان دا، ھەکە کاودانێن دارایی یێن یانێ باش بان دا پشتەڤانیەکا بەرچاڤ بۆ ھێتەکرن و یێ ب گەشبینە ھەرسێ یاریزان دێ ب ئەنجامێن باش و شێن ناڤێ کوردستانێ و پارێزگەھێ د وێ قارەمانیێ دا بلندکەن.
ل دۆر بەرھەڤیێن یاریزانان بۆ ڤێ قارەمانیێ سالح کەکۆ راھێنەرێ ھەر سێ یاریزانان گۆت: پشتی پشکداریا ڤان یاریزان بۆ ڤێ قارەمانیێ دوپاتبووی مە راھێنانێن خۆ بەرھەڤتر لێکرینە و گڤاشتن لسەر یاریزانان دھێتە کرن بۆ ھندێ بگەھنە کۆپیتکا بەرھەڤیێن خۆ، یاریزان نوکە د بەرھەڤیێن باش دا نە و من باوەری ب شیانێن وان ھەنە دێ ب ئەنجامێن سەرکەفتی و مەدالیێن زێری ڤەگەرنە کوردستانێ.

142

ئەڤرۆ، ھوگر:
ئێکەتیا کاراتێ ل پارێزگەھا دھوکێ دەست ب تاقیکرنا کەمەران بو یاریزانێن پارێزگەھێ کریە و ماوێ چەند روژان دێ یا بەردەوامبیت.
زێدەتر ل دور ڤێ تاقیکرنێ سەروکێ ئێکەتیا کاراتێ ل پارێزگەھا دھوکێ بو روژناما ئەڤرۆ خویاکر ماوێ چەند روژانە تاقیکرنا کەمەرێن ھەمەرەنگ بو یاریزانێن پارێزگەھا دھوکێ دەستپێکریە و ئەف تاقیکرنە پشتی دەمژمێر ١٠ شەڤ ل ھولا یانا دھوک دھێتە کرن.
زێدەتر گەیلان باپیر ئەحمەد گوت: تاقیکرن یا کەمەرێن سپی و زەر و پرتەقالی یە دھێتە کرن ب یاریزانێن پارێزگەھێ و چەند روژان دێ یا بەردەوامبیت و زێدەتر ژ تاقیکرنا کەمەران ئارامانجا مە ئەوە ئاستێ یاریزانا پێشڤە ببەین و ھەر شەش ھەیڤان جارەکێ ئەف تاقیکرنە دھێنە کرن.
زێدەتر ناڤبری ئەو چەندە ژی خویاکر بەردەوام کار دکەن پێخەمەت پەیداکرنا دەلیڤەیان بو یاریکەرێن پارێزگەھێ.

ئه‌ڤرۆ نيوز:

وه‌زاره‌تا داراى و ئابوورى ل حوكمه‌تا هه‌رێما كوردستانێ راگه‌هاند: رۆژا پێنجشه‌مبى دێ ده‌ست ب به‌لاڤكرنا مووچێ هه‌يڤا پێنج يێ وه‌زاره‌تا پێشمه‌رگه‌ى هێته‌ كرن.

وه‌زاره‌تا داراى و ئابوورى ئه‌ڤرۆ رۆژا سێشه‌مبى د راگه‌هاندنه‌كێ دا كو وێنه‌ك بۆ ئه‌ڤرۆ نيوز هنارتيه‌ تێدا هاتيه‌، رۆژا پێنجشه‌مبى 16ى تيرمه‌ها 2016ێ دێ ده‌ست ب به‌لاڤكرنا مووچێ ديوانا وه‌زاره‌تا پێشمه‌رگه‌ى و ليوايان هێته‌ كرن.

166

ئەڤرۆ:
راھێنەرێ بەرنیاسێ تەپا پێ ل عیراقێ باسم قاسم خویاکر ئەو مەندەھوش نەمایە ژ رەفتارا کارگێریا یانا زەورا بو نوکرنا ھەڤبەستا وی تایبەت پشتی ناسناڤێ خولا عیراقێ یا تەپا پێ بو یانێن پلا نایاب ب دەستخوڤە بری و زێدەتر دیارکریا کارگێری یا راست گوو نەبویە ل گەل دا.
زێدەتر ناڤبری ل دور دەنگو باسێ دان و ستاندنا ل ناڤبەرا کارگێریێ و وی ژبو نووکرنا ھەڤبەستێ دیارکر کو چو راستی بو ڤان داخویانێن کارگێریا یانا زەورا نینن و بەلکو درەوا دکەن و چو نیازێن نیکرنێ نینن سەرەرای وێ چەندێ کو د گەل ھەبونا قەیرانا دەرای و و رەوشا تیما مان تێدا دبوریت ئەو شیان ناسناڤی ب دەستخوەڤە بینن و شیان ژ ھەمی سەرەدەریێن کارگێریێ لگەل وانا دەرباز بکەن.
ژلایەکێ دووڤە د دیدارا خوە دا بو مالپەرێ کورە راھێنەرێ بەرێ یێ یانا دھوک باسم قاسم ئاشکەراکر کارگێریا یانێ ھەتا بەری ناسناڤی ب دەستخوەڤە ببەن و بو ماوێ پێنچ ھەیڤان چو جاران سەرەدانا تیمێ نەکری و باس ل روشا وان نەدکر بەلکو بەروڤاژی کوژمێ پشتەڤانیکرنا تیمێ ژ نەە ملیون دیناران کرنە شەش ملیون و خەلاتیێن یاریزانان یێن سەرکەفتنا ژ ٣٠٠ ھزاران کرنە ٢٢٠ ھزار دینارن و دابرینەکا بەرچاڤ ل ناڤبەرا یاریزانان و دستەیا راھێنەریێ و کارگێریێ دا ھەبوو لەورا ب نە نووکرنا ھەڤبەستا خوە مەندەھوش نەبووم.

ئه‌ڤرۆ نيوز:

عه‌قيد هيشام محه‌مه‌د رێڤه‌به‌رێ پۆليسێن خانه‌قين راگه‌هاند: ئه‌ڤرۆ رۆژا سێشه‌مبى عه‌بدوله‌تيف سه‌له‌فى ل دادگه‌ها خانه‌قين ئاماده‌بوو ژ ئه‌گه‌رێ تۆماركرنا سكالايێ ژ لايێ داواكارێ گشتى يێ هه‌رێمێ ب تۆمه‌تا ماره‌بڕينێ ژ ده‌رڤه‌ى دادگه‌هێ.

879

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 14ى تيرمه‌ها 2016ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 39000
1 گرام زێرێ  (ع) 21 46000
1 گرام زێرێ  (ع) 22 48000
1 گرام زيڤ 3000

 

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 14ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى 1270
1 يۆرۆيێ ئه‌ورۆپى 1430
1 ليرێ توركى 435

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

ئەڤرۆ نیوز، زنار تۆڤی:
ھانز یۆرگ بالیۆزێ ئێکەتیا ئورۆپا ل تورکیا ئەڤرۆ رۆژا سێشەمبی 14.6.2016 دەست ژ کارکێشا و ئەڤ چەندە ھات پشتی کو د ماوێ بوریدا وی رەخنە ل رێکەفتنا ئێکەتیا ئورۆپا و تورکیا گرتبوون،سەبارەت چوونا کوچبەران بۆ وەلاتێن ئورۆپی ھەروەسا پشتی ناکوکیەکا دژۆار دگەل حوکمەتا تورکیا دەست ژکار کێشا،کو ناڤھاتی بەری چەند ھەیڤان ئەڤ پۆستە وەرگرتبوو،د ھەمان دەمدا وەزارەتا دەرڤە یا تورکیا رەخنەیێن تۆند ل ھانز یۆرگی گرتبوون سەرا گۆتنێن وی دەربارەی رێکەفتنا ئورۆپا و تورکیا و ھەلویستێ وی و بەری نوکە بانگھشتی وەزارەتا دەرڤە یا تورکیا ھاتبووکرن،سەبارەت کەیسا پەنابەران.

ئەڤرۆ نیوز،زنار تۆڤی:
ئەڤرۆ رۆژا سێشەمبی 14.6.2016 بزاڤا ئاشتی و نافخۆیی ل باژێرێ ھەولێرێ ھاتە راگەھاندن و ئەڤ بزاڤە ژ چەندین کەسایەتیێن ھەرچار پارچێن کوردستانێ پێک دھێت یێن دناڤ کوردستانێ و دەرڤەی کوردستانێ.

ھەروەسا عومەر نورەدینی ئەندامێ بزاڤا ئاشتی و نافخۆیی دپرێس کونفرانسەکێ دا راگەھاند،بێی رێکخستنا ناڤمالیا کوردی ئەم ناگەھینە ئارمانجێن خوە و دیارکر ئەڤ بزاڤە بزاڤەکا ھەزری و فەلسەفی و دژی توندرەویێ یە و ھەروەسا ئەڤ بزاڤە سەر ب چ پارت و ھێزێن سیاسی یێن کوردستانی ڤە نینە.

ناڤھاتی دیارکر ژی،مەرەما دروستبوونا ڤێ بزاڤێ خزمەتکرن و رێکخستن و ئێکگرتنا کوردستانیانە ل ھەرچار پارچێن کوردستانێ.

website security
WP Facebook Auto Publish Powered By : XYZScripts.com