NO IORG
Twitter

ئه‌ڤرۆ نيوز:

خالد عوبه‌يدى، وه‌زيرێ به‌ره‌ڤانيا عيراقێ گه‌هشته‌ فه‌لۆجه‌ بۆ سه‌رپه‌رشتيكرنا ئۆپه‌راسيۆنێن كۆنترۆلكرنا ده‌ڤه‌رێن فه‌لاحات و سه‌بيحات ل رۆژئاڤايێ فه‌لۆجه‌ و كۆنترۆلكرنا وان دو ده‌ڤه‌ران راگه‌هاند.

سپێده‌هيا ئه‌ڤرۆ رۆژا شه‌مبى رێكه‌فتى 11ى تيرمه‌ها 2016ێ ئۆپه‌راسيۆنێن كۆنترۆلكرنا فه‌لاحات و سه‌بيحاتى ل رۆژئاڤايێ فه‌لۆجه‌ ده‌سپێكرن.

ليوا روكن ئيسماعيل مه‌حلاوى، فه‌رماندێ ئۆپه‌راسيۆنێن ئه‌نبار راگه‌هاند: “ب پشكداريا فرقا 8 يا سۆپايێ عيراقێ و ب پشته‌ڤانيا فرۆكێن هه‌ڤپه‌يمانان و هێزێن ئه‌سمانى يێن عيراقى، سپێده‌هيا ئه‌ڤرۆ رۆژا شه‌مبى پرۆسه‌كا به‌رفره‌هـ يا كۆنترۆلكرنا ده‌ڤه‌رێن فه‌لاحات و سه‌بيحات ل رۆژئاڤايێ فه‌لۆجه‌ ده‌سپێكرينه‌”.

هه‌ر وه‌سا عه‌بدولوه‌هاب ساعدى، فه‌رماندێ ئۆپه‌راسيۆنێن كۆنترۆلكرنا فه‌لۆجه‌ گۆت: “مه‌ره‌م ژ ئۆپه‌راسيۆنێ رێگرتنه‌ ل گه‌هاندنا هاريكاريان ل رۆژئاڤايێ فه‌لۆجى و رووبارێ فوران بۆ چه‌كدارێن ئابلۆقه‌داى يێن داعش ل ناڤ فه‌لۆجه‌”.

ليوا روكن دا زانين ژى كو د ڤێ ئۆپه‌راسيۆنێ دا هێزێن چه‌كدارێن حه‌شه‌د شه‌عبى و هۆزان د پشكدارن و ئه‌وان پێشره‌وى يێن كرين.

5244

ئه‌ڤرۆ نيوز:

پشكه‌ك ژ وان گه‌نجێن گه‌هشتينه‌ يونان و دڤێت ژ وێرێ به‌ر ب وه‌لاتێن دى يێن ئورۆپى بچن، بۆ دابينكرنا پێدڤيێن خوه‌ يێن ژيانێ له‌شفرۆشێ دكه‌ن، هنده‌ك ژ وان په‌شيتمانيا خوه‌ ژى نيشان دده‌ن.

د دووڤچوونه‌كا كه‌نالێ بى بى سى يێ بريتانى دا، ئاشكه‌را كريه‌ كو ئه‌وان چاڤ ب كۆمه‌كا گه‌نجان كه‌فتيه‌ كو وى كارى دكه‌ن و د هه‌مان ده‌م دا ئه‌وان گه‌نجان په‌شيمانيا خوه‌ ژى بۆ ئه‌نجامدانا وى كارى ده‌ربڕيه‌.

ب گۆره‌ى راپۆرتا بى بى سى، ئه‌و گه‌نجێن به‌ر ب وه‌لاتێ يونان ڤه‌ چووين يێن رۆژهه‌لاتا ناڤه‌راست كو هێشتا نه‌گه‌هشتينه‌ 30 ساليێ، به‌لێ د ئاماده‌ نه‌ سكسى ل گه‌ل زه‌لام و ژنێن د سه‌ر 50 ساليێ دا بكه‌ن.

ب گۆره‌ى راپۆرتێن چه‌ندين ده‌زگه‌هێن راگه‌هاندنێ يێن جيهانى گه‌نجێن ئيران سوريا و ئه‌ڤغانسان ل يونان كارێ له‌شفرۆشيێ دكه‌ن.

چه‌ندين جاران ده‌سته‌لاتێن يونانى راگه‌هانديه‌ كو ژ به‌ر هه‌بوونا ژمارا زۆرا په‌نابه‌ران كو دگه‌هيته‌ 60 هزار كه‌سان ئه‌و نه‌شێن وه‌كو پێدڤيى، پێدڤيێن ژيانێ بۆ وان په‌نابه‌ران دابين بكه‌ن و ئه‌ڤه‌ ژى بوويه‌ ئه‌گه‌رێ په‌يدابوونا چه‌ندين كێشان.

506

ئه‌ڤرۆ نيوز:

کەلەمی ئێک ژ وان زەرزەواتانە یێن مفایێن مەزن تێدا.
کەلەمیا سپی و مۆر، دەولەمەندترین جۆرێ زەرزەواتانە ب کەرستێن خورانێ یێن ب مفا بۆ لەشی.
شارەزا شیرەتان دکەن حەفتیێ دو جاران بخۆن.
ئەڤە ژی مفایێن کەلەمیێ نە:
کوئەندامێ بەرھنگاریێ ب ھێز دئێخیت: چونکو قەبارەکێ مەزن یێ ڤیتامین C یێ د ناڤ دا ھەی، ئەو کار بۆ ب ھێزکرنا کوئەندامێ بەرھنگاریێ دکەت، لەورا خوارنا کەلەمیێ ساخلەمیا مرۆڤی باش دکەت.
ھەرەسانێ باش دکەت و کولبوونا مەعیدەی چارە دکەت: چونکو رێژەیەکا مەزن یا ریشالان تێدا ھەنە لەورا یا ھاریکارە بۆ ب ھێزکرنا ھەرەسانێ و قەبزبوونێ کێم دکەت، ھەروەسا باشترین دەرمانێ خوەرستیێ کولبوونا مەعیدەیە.
ساخلەمیا دلی باش دکەت: کەلەمیا مۆر یا دەولەمەند ب کەرستێ “ئەنتوسیانین” کو دژی گیرھەبوونێ یە و بەرھنگاریا ھەودانان دکەت، ھەروەسا مرۆڤی ژ وان نەخۆشیێن گرێدایی دلی و دەمارێن خوینێ دپارێزیت، فشارا خوینێ ژی کێم دکەت.
مرۆڤی ژ پەنجەشێرێ دپارێزیت: کەلەمی یا دەولەمەند ب کەرستێن دژی پەنجەشێرێ و ناھێلیت پەنجەشێر د لەشێ مرۆڤی دا بەلاڤ بیت، خورانا کەلەمیێ دژی پەنجەشێرێن (قرکێ و بەنکریاسێ وپرۆستات و پیستی) یە.
بیناھیا چاڤان ب ھێز دئێخیت ناھێلیت چاڤ تاری ببن: رێژەیەکا مەزن یا کەرستێ “بیتا کاروتین” د ناڤ دا ھەنە، کو ئەو بیناھیا چاڤان ب ھێز دئێخیت و ناھێلیت چاڤ ل گەل بۆرینا دەمی تاری ببن.
یا ھاریکارە بۆ کێمکرنا سەنگێ: باشترین خوارنە بۆ وان یێن حەزد کەن سەنگێ خوە کێم بکەن، چونکو یا دەولەمەندە ب ریشالان. ئاڤا کەلەمیێ باشترین رێیە بۆ کێمکرنا سەنگێ.
ساخلەمیا مێشکی باش دکەت و ناھێلیت زھایمەر پەیدا بیت: کەلەمە ساخلەمیا مێشکی باش دکەت و کارکرنا مێشکی باشتر لێدکەت، ھەروەسا کەلەمی مرۆڤی بیرتیژ دکەت چونکو رێژەیەکا باش یا “ئەنتوسیانین” یا د ناڤ دا ھەی.
پیستی جوان دکەت و ناھێلیت بقورمچیت: کەلەمی یا دەولەمەند ب کەرستێن دژی گیرھەبوونێ یێن ھاریکار بۆ پاراستنا پیستی و گیرۆکرنا دیاربوونا قورمێینێ و نیشامێن پیراتیێ.

318

ئه‌ڤرۆ نيوز:

گەلەک کەس شرینیان دخۆن و قەھوێ ڤەدخۆن دا خوە ژ ھەستا وەستیانێ ل سپێدەھیان یان ل دەمێ کارکرنێ قورتال بکەن، بەلێ د راستی ئەڤ چەندە نە یا ساخلەمە و مرۆڤی ژ وەستیانێ قۆرتال ناکەن، شارەزایا خورانێ یا ئەلمانی “زیلکە شفارتاو” دوپات کر کو شرینی دوبارە ھەستا وەستیانێ پەیدا دکەت، چونکو ئاستێ شەکرێ زوو د ناڤ خوینێ دا نزم دبیت پشتی خوارنا شرینیان.
شارەزایا خورانێ یا ئەلمانی ئاشکرا ژی کر، ڤەخوارنا قەھوێ یا ھاریکارە مرۆڤی ژ وەستیانێ و کەرخینێ قۆرتال بکەت، بەلێ بۆ دەمەکێ کورت، ئاماژە ژی دا، نابیت د رۆژێ دا ژ پێنج فنجانێن قەھوێ زێدەتر ڤەخۆن، دیارکر ژی کو چایێ باندۆرەکا درێژتر ژ قەھوێ یا ھەی.
ل گۆری گۆتنێن ناڤھاتیێ، باشترین رێ بۆ نووژەنکرنا چالاکیا لەشی و نەھێلانا وەستیانێ و کەرخینێ، برێڤەچوونە بۆ دەمەکێ کورت یان ژی ل بەر پەنجەرکێ بایێ پاقژ ھلکێشن.

ئەڤرۆ نیوز:
دگەل پێشکەفتنا تەکنەلوژیایێ کوردستان ژی بێ بەھر نەبوویە و ب ئاوایەکێ بلەز تەکنۆلوجیا ھاتە دناڤ مە دا لەوما بکارئینانا ڤان ئامیران بۆ ئەگەرێ درۆستبۆنا ئاریشان دناڤ جڤاکی دا، ژبەرھندێ پێدڤی بۆ بەری ئەڤ ئامیرە بکەڤنە د دەستێ ھاولاتیان دا ھاتبانە ھشیار کرن لسەر چاوانیا بکارئینانێ، لێ ئەڤ چەندە ھاتە پشت گوە ھاڤێتن.
کاژین خوزندە تاھا کارمەندا ئاسایشا فروکخانا نێڤدەولەتی ل ھەولێرێ خۆیا کر، ئەڤ بابەتە زۆر گرنگـ و ھەستیارە، ژبەرکو ھاتنا تەکنەلوژیایێ و پێشکەفتنێ ب شێوەیەکێ بلەز بۆ ناڤ جڤاکێ مە ئەگەرەکێ سەرەکی یە بۆ ب کارئینانا خەلەت دناڤ خەلکێ مە دا و گۆت: ھەبوونا تێستێ پێش ئینانا ڤان ئامێران باشترە ژبەرکو ل ھەموو جیھانێ ھەر ئامێرەک وەک تێست دھێتە بکارئینان، لێ ئەگەرێ سەرەکی یێ ڤێ خەلەت بکارئینانێ لەزاتی بویە و ئەنجامێن نەراست زۆر جاران لێ دروست دبن بتایبەتی لنک توێژا گەنجان ئەڤجا چ رەگەزی َنێر بیت یان ژی مێ، لەوا دڤێت ھشیاری ھەبیت و بێنە ھشیار کرن و چەوانیا بکارئینانا ڤان ئامێران بزانن داکو ل پاشەرۆژێ توشی ئاریشا نەبن .
ئدریس بەشیر ماموستایە دیار کر، راستە ھەبونا ئامیرێن پەیوەندیێ کار ئەڤرۆکە ئاسان کریە بێ کو مرۆڤ خوە ماندی بکەت ئان ژی دەمێ خوە ببەت و گۆت: لێ بدیتنا من ھندەک بەرۆڤاژی د ڤان ئامیران دگەھن و ب خرابی بکار دئینن ئان ژی گەنجێ مە دبیت ژ دو سێ سیمکارتا پتر ھەبن بۆ نەخوشی و ئاریشان، لەوما دخوازین چاڤدێری ل سەر ھەبیت ژلایێ کومپانیا و حکومەتێ و حەتا مالێ ژی و خولێن ھشیارکرنێ بۆ گەنجان و تاکە کەسان بێنە ڤەکرن لسەر چاوانیا بکارئینانا ڤان ئامیرێن پەیوەندیێ ب ئاوایەک دروست و زانستیانە .
پارێزەر سامی سدقی بۆ رۆژناما ئەڤرۆ ئاشکرا کر، نھا تورێن جڤاکی و پەیوەندیان بوینە جھێ مفایەکێ ھەرە مەزن بو ھەموو جڤاکان لێ ھەموو کارا رویەکێ پوزەتیڤ و نێگەتیڤ ھەیە رویێ پوزەتیڤ جھێ دەستخوشیێ یە و رولێ نێگەتیڤ ژی یاسا دانەرێ کوردستانێ د رێکا یاسایەکا تایبەتدا ھەولا رێگریکرنێ ل ڤی رویەی کریە و ھەر خراب ب کارئینانەکا تورێن جڤاکی و پەیوەندیان ب گشتی سزایەک بو دەستنیشان کریە و گۆت: ئەو ژی لبن یاسایا ژمارە 6 یا سالا 2008 کو تێدا ھاتیە ھەر کەسەکێ ئامیرێن پەیوەندی پێ کرنێ ب گشتی و ب شێوەیەکێ خراپ بکار بینیت دێ ھێتە سزا دان کو سزایێ وی ژ سێ ھەیڤا کێمتر نەبیت و ژ پێنج سالا ژی پتر نەبیت یان ب کوژمەکێ پارەی دێ ھێتە سزا دان کو ژ 750 ھزارا کێمتر نەبیت و ژ پێنج ملیونا زێدەتر نەبیت، ئانکو ئێک ژ ڤان سزایانە یان زیندان کرنە یان ژی پارەیە و ئەڤە ژی تایبەتە ب وی کەسی ڤە وی جورێ سیمکارتی و ئەو ھێلێن کو ژلایێ کومپانیاڤە دھێنە بەلاڤکرن.

ئه‌ڤرۆ نيوز:

سپێده‌هيا ئه‌ڤرۆ رۆژا شه‌مبى رێكه‌فتى 11ى تيرمه‌ها 2016ێ ئۆپه‌راسيۆنێن كۆنترۆلكرنا فه‌لاحات و سه‌بيحاتى ل رۆژئاڤايێ فه‌لۆجه‌ ده‌سپێكرن.

ليوا روكن ئيسماعيل مه‌حلاوى، فه‌رماندێ ئۆپه‌راسيۆنێن ئه‌نبار راگه‌هاند: “ب پشكداريا فرقا 8 يا سۆپايێ عيراقێ و ب پشته‌ڤانيا فرۆكێن هه‌ڤپه‌يمانان و هێزێن ئه‌سمانى يێن عيراقى، سپێده‌هيا ئه‌ڤرۆ رۆژا شه‌مبى پرۆسه‌كا به‌رفره‌هـ يا كۆنترۆلكرنا ده‌ڤه‌رێن فه‌لاحات و سه‌بيحات ل رۆژئاڤايێ فه‌لۆجه‌ ده‌سپێكرينه‌”.

هه‌ر وه‌سا عه‌بدولوه‌هاب ساعدى، فه‌رماندێ ئۆپه‌راسيۆنێن كۆنترۆلكرنا فه‌لۆجه‌ گۆت: “مه‌ره‌م ژ ئۆپه‌راسيۆنێ رێگرتنه‌ ل گه‌هاندنا هاريكاريان ل رۆژئاڤايێ فه‌لۆجى و رووبارێ فوران بۆ چه‌كدارێن ئابلۆقه‌داى يێن داعش ل ناڤ فه‌لۆجه‌”.

ليوا روكن دا زانين ژى كو د ڤێ ئۆپه‌راسيۆنێ دا هێزێن چه‌كدارێن حه‌شه‌د شه‌عبى و هۆزان د پشكدارن و ئه‌وان پێشره‌وى يێن كرين.

ئه‌ڤرۆ نيوز:
برێت مه‌كگۆرك، نوونه‌رێ تايبه‌تێ سه‌رۆكێ ئه‌مريكا باراك ئۆباماى بۆ شه‌رێ دژى داعش د كۆنگره‌كێ رۆژنامه‌ڤانى دا ل كوچكا سپى راگه‌هاند: ب گۆره‌ى دووماهى ئامارێن مه‌، د هه‌يڤا بۆرى دا داعش 20% ژ ئه‌ردێ بن ده‌سته‌لاتا خوه‌ ل سوريا و 50% ل عيراقێ ژ ده‌ست دايه‌”.
گۆتژى: “داعش د لاوازبوونێ دايه‌، چونكو ژ هه‌موو لايان ڤه‌ فشارێن مه‌زن ل سه‌رن و سنورێن توركيا ژى ئێدى بۆ وان د ڤه‌كرى نينن، باژێرێن مه‌زنێن عيراقى ژى كو هه‌ڤسنورێن ئه‌وان بوون، نوكه‌ يێن ل بن كۆنترۆلا عيراقيان و ده‌ستێ وان ناگه‌هيتێ، ب تايبه‌ت ل تكريت و رومادى و روتبه‌ و هه‌موو ئه‌و رێيێن په‌يوه‌نديێ د ناڤبه‌را مووسل و ره‌ققه‌ ژى دا هاتينه‌ بڕين”.

ئه‌ڤرۆ نيوز:

د رۆنكرنه‌كێ دا، لژنه‌یا بلندا فه‌توایێ ل هه‌رێما كوردستانێ دا دياركر، ب مه‌ره‌ما دیاركرنا هه‌ر ئێك ژ میكانزما هه‌ر ئێك ژ سه‌رفیتره‌، فیدییه‌و زه‌كاتێ لژنه‌یا بلندا فه‌توایێ ل كوردستانێ دوڤچۆن و لێكۆلین بۆ بهایێ زێر و گه‌نمى كريه‌ و وان بریار دایه‌؛ سه‌رفیتره‌بۆ هه‌ر كه‌سه‌كى سێ هزار دینار بن، فیدیه‌یا ب رۆژى نه‌بوونێ ژى بۆ هه‌ر رۆژه‌كێ سێ هزار دینارن.

سه‌باره‌ت زه‌كاتێ ژى ئاشكراكريه‌ كو بۆ هه‌ر چار ملیۆن و پێنج سه‌د هزار دیناران واجبه‌ زه‌كات بهێته‌دان، هه‌ر كه‌سه‌كێ ئه‌و كوژمێ دراڤى ساله‌ك ب سه‌ر دا ده‌رباز بیت و د مالا وى دا مابن بۆ هه‌ر ملیۆنه‌كێ دێ25 هزار دینارێن ئیراقى ده‌ت.

ئه‌ڤرۆ نيوز:

سه‌رۆك بارزانى د پەیامەکێ دا پشتەڤانیا خوە بۆ پلانا ریفۆرما ھەرێمێ دیارکر و دياركريه‌ كو د ماوەیێ بۆریدا 93 دۆسییێن گەندەلیێ بۆ دەستەیا نەزاھێ و داواکارێ گشتی ھاتینە ئاراستەکرن.

سه‌رۆك بارزانی دڤێ پەیامێ دا گۆتییە: پێدڤییە دامەزراوەیێن ھەرێمێ دوور ژ بەرژوەندیێن کەسی و حزبی و سیاسی پشتەڤانیێ لێ بکە، دایەزانین ئارمانجا ھەرە مەزنا ڤێ پلانێ روخساندنا دەلیڤەیێن کاری یە و کێمکرنا بارێ گرانێ سەر مللێن ھەژارانە و دڤێت حکومەتا ھەرێمێ ب ھووری ل سەر بجھـ ئینانا وێ راوەستیت و قۆناغ بۆ قۆناغێ ئەنجامێن پلانێ بۆ رایا گشتی رابگەھینیت.

بارزانی دبێژیت؛ چ کەسەکی پارێزبەندی د ڤێ پرۆسەیێ دا نابیت و ھەموو سێکتەر و دامەزراوەیان دێ بخوەڤەگریت و بۆ بەرھنگاربوونا گەندەلیێ ژی چ جوگرافیەکا دریارکری نابیت.

website security
WP Facebook Auto Publish Powered By : XYZScripts.com