ئه‌ڤرۆ نيوز:
سترانبێژا شوخا ده‌نگخوش نازدار جزيرى ل سه‌ر تۆڕا جڤاكيا فه‌يسبۆكى وێنه‌كێ خوه يێ جه‌ژنێ به‌لاڤكريه و ل سه‌ر جه‌ژنا حه‌زژێكه‌رێن خوه ژى پيرۆز كريه.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
دو زارۆ قورتال كرن و ئێك ژى خه‌ندقى
ئه‌ڤرۆ نيوز:
دوهى ئێڤارى ل شێلادزێ ژ ئه‌نجامێ چوونا وان بۆ سه‌ر ئاڤێ و خوه‌خستنا ئاڤێ سێ زارۆ بن ئاڤ بوون و تيمێن به‌ره‌ڤانيا باژێرى ژى شيان دو زارۆيان قورتال بكه‌ن و ئێك ژى خه‌ندقى.
به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ بۆ ئه‌ڤرۆ نيوز راگه‌هاند كو پشتى ئه‌و ل شێلادزێ هاتينه ئاگه‌هداركرن كو سێ زارۆ يێن د ئاڤێ دا خه‌ندقين، ب زووترين ده‌م تيمێن وان يێن نقومڤانان گه‌هشتنه جهێ بوويه‌رێ”.
بێوار عه‌بدولعه‌زيز به‌رپرسێ راگه‌هاندنێ ل رێڤه‌به‌ريا به‌ره‌ڤانيا شارستانى ل دهۆكێ گۆت: “ب گه‌هشتنا تيمێن مه يێن نقوومڤانان بۆ جهێ بوويه‌رێ شيان دو زارۆيان قورتال بكه‌ن و ئێك ژى خه‌ندقى”.
دا زانين ژى كو زارۆيێ د ئاڤێ دا خه‌ندقى ب ناڤێ ديان عارف شوكرى بوو د ژيێ 12 ساليێ دا و تيمێن وان يێن نقومڤانان ل به‌ره‌ڤانيا باژێرى ل شێلادزێ شيان لاشێ وى ژى ژ ئاڤێ بيننه ده‌ر.
فره‌نسا رێژا وه‌رگرتنا په‌نابه‌ران راگه‌هاند
د رووبارێ زێ دا ل دێره‌لۆكێ سنێله‌یه‌ك گیانێ خوه ژ ده‌ست دده‌ت و ئێكێ دن ژى بێ سه‌روشوون دبیت
ئه‌ڤرۆ نیوز، مه‌حمود نهێلى:
د روودانه‌كى دا ل سه‌ر رووبارێ زێ ل ناحیا دێره‌لۆك ل ئێڤاریا ئه‌ڤرۆ پێج شه‌مبى 24/9/2015 سێ كه‌س دكه‌ڤنه د ئاڤێ و دا، پشتى قورتال كرنا ئێك ژ وانا و ئێكێ دى ب خه‌ندقى د ئاڤێ دا دئیننه ده‌ر و ئێكێ دن ژى تا نها یێ بێ سه‌رو شووینه.
ژێده‌ره‌كێ ژ بنگه‌هێ به‌ره‌ڤانیا با ژێرى ل شێلادزێ بۆ ئه‌ڤرۆ نیوز دیاركر، كو ئه‌و روودان ئێڤاریا ئه‌ڤرۆ دروست بوویه و گۆت: ( دده‌مه‌كى دا كو ئه‌ڤان سنێله‌یان ل گه‌ل چه‌ند هه‌ڤاله‌كێن دى ل نێزیك كومه‌لگه‌ها هێتوتێ ل سه‌ر رووبارى زێ ب مه‌به‌ستا مه‌له‌ڤایا یارى دكرن و دیاره یێن مه‌له نه‌بووینه و د ئاڤێ دا چووینه).
ناڤبرى دیاركر، ئێكێ ژ وانا هه‌ر زوو ب سلامه‌تى د ئاڤێ دا ئینایه ده‌ر لى َ ب مخابنى ڤه پشت نێزكى ئێك كیلومه‌تر ئێك ئاڤێ دا چوویى ته‌رمێ وى ژى ئینایه ده‌رێ و ئێكێ دن ژى تا نها یێ بێ سه‌روشوونه.
لسه‌ر روودانا حه‌جێ ئیران كارڤه‌دانه‌كا توره لسه‌ر سعودیه نیشان دده‌ت
ئه‌ڤرۆ نیوز: ڤه‌ده‌ر ره‌شاڤایی:
ناڤێ 43 حه‌جیین ئیرانی كو د روودانا بنپێكه‌ڤتنێ ل حه‌جێ دا هاتینه كوشتن لسه‌ر شاشا كه‌نالێ ده‌وله‌تا ئیرانی هاتنه خاندن، ئیرانێ وه‌لاتێ سعودیه ب شاشیێن پاراستنا سلامه‌تیێ تۆمه‌تباركر.
جیگری وه‌زیرێ ده‌رڤه‌یی ئیرانی گۆت كو شاهنشینا سعودیه به‌رپرسه ژ ڤێ تراجیدیێ و راگه‌هاند كو نوونه‌رێ سعودیه ل ته‌هرانێ دێ بۆ وه‌زاره‌تا ژده‌رڤه هێته گازیكرن.
سه‌رۆكی رێكخراوا حه‌جی یا ئیرانی ژی گۆت كو بۆ هنده‌ك ئه‌گه‌رێن نه‌دیار دو ریێیێن سه‌ره‌كی به‌ره‌ڤ مینایێ دچن هاتبوونه گرتن د ئه‌نجام دا قه‌ره‌بالغه‌ك لدووڤ خوه ئینا كو ئه‌و روودان ژێ په‌یدابوو.
جه‌ژنا هه‌وه پیروز بیت
ئه‌ڤرۆ نیوز:
ب هه‌لكه‌فتا هاتنا جه‌ژنا قوربانا پیرۆز، ئه‌ڤرۆ نیوز پیروزیێ ل هه‌موو خوانده‌ڤانێن خوه دكه‌ت، ب تایبه‌ت جه‌ژنا پێشمه‌رگێن قاره‌مان پیرۆز دكه‌ین كو نوكه د چه‌په‌رێن به‌ره‌ڤانیێ دا نه به‌رامبه‌ر تیرورستان كو بێ گومانه دوژمن دێ هه‌ر شكێت و سه‌ركه‌فتن هه‌ر بۆ ملله‌تێ كورده، دووباره جه‌ژنا هه‌وه پیرۆز، هیڤیخوازین حه‌جیێن مه بسلامه‌تى ڤه‌گه‌رنه‌ڤه و قه‌یرانێن ب سه‌ر ملله‌تێ كورد هاتى ب دووماهى بهێن، هه‌ر ئاڤه‌دان بیت كوردستان
هاتيه نووكرن: ژمارا حه‌جيێن ئه‌ڤرۆ گيان ژ ده‌ستداين ژ 200 كه‌سان بورى
ئەڤڕۆ نیوز، زنار تۆڤی:
رێڤەبەریا بەرگریا شارستانی ل وەلاتێ سعودی راگەھاند، ئەڤرۆ رۆژا پێنجشەمبی ل رۆژا ئێکێ یا جەژنا قۆربانێ ژ ئەگەرێ قەڕەبالغەکا مەزن 220 حەجیان ل مینایێ گیانێ خۆ ژ دەستدا و ھەروەسا 450 حاجیێن دی ب گرانی برینداربووینە،رەوشەکا ھندەکا ژ وان گەلەکا خرابە،لێ؛ ھەتا نوکە نەھاتیە زانین ک ئەو حەجی ھەمی یێن کیژ وەلاتێن جیھانێ نە.
كاروان بێستۆنى د داخۆيانيه‌كا رۆژنامه‌ڤانى دا راگه‌هاند كو چو حه‌جيێن كوردستانێ د ناڤ وان دا نينن يێن بريندار بووين يان گيانێ خوه ژ ده‌ست داين ژ به‌ر كو ئه‌و ل جادا 204 يا مينا وه‌لێ هاتينه و حه‌جيێن كوردستانێ ل وێ جادێ نينن.
ئه‌ڤ ساله سێ هزار و 650 كه‌س ژ هه‌رێما كوردستانێ چووينه فه‌ريزا حه‌جێ ل سعوديێ و هه‌تا نوكه چار كه‌سان گيانێ خوه ژ ده‌ست دايه و ژنه‌كێ ژى زارۆيه‌ك بوويه، ل جيهانێ ژى هه‌موويێ نيزێكى دو مليۆن كه‌سان پشكدارى د فه‌ريزا حه‌جێ دا كريه.
حاجيه‌كێ دى يێ هه‌رێما كوردستانێ گيانێ خوه ژ ده‌ست دا
ئه‌ڤرۆ نيوز:
دوهى رۆژا چارشه‌مبى رێكه‌فتى 23ى ئيلۆنا 2015ێ حاجى نه‌شئه‌ت غه‌فور ناسيار ب مامۆستا نه‌شئه‌ت غه‌فۆر كه‌ساتيێ ديارێ باژێرێ سلێمانيێ و خودان ئه‌زمون د وارێ پرۆژگرامێ په‌روه‌ردا ئيسلامى دا، ل رۆژا عه‌ره‌فێ و ل چيايێ عه‌ره‌فێ چو به‌ر دلۆڤانيا خودێ.
ب گيان ژ ده‌ست دانا ڤى حه‌جيێ هه‌رێما كوردستانێ، حاله‌تێ چارێ يێ گيان ژ ده‌ستدانا حاجيێن هه‌رێما كوردستانێ هاته تۆماركرن و هه‌تا نوكه ژنه‌كێ ژى ژ نوو زارۆ په‌يدا بوويه.
چه‌ند كورد ل هه‌لبژارتنێن نه‌رویج سه‌ركه‌فتن
ئه‌ڤرۆ نیوز: ئاراس ره‌شاڤایى
پشتى هه‌لبژارتنێن باژێرڤانیێن نه‌رویج ل 14 ڤێ مه‌هێ هاتیه كرن، ژماره‌كا كوردان سه‌ركه‌فتن كو ل سه‌ر پارتێن جودا جودا یێن نه‌رویج خوه به‌ربژاركربوون و ل گور ئه‌نجامان ئه‌ڤ كورده سه‌ركه‌فتینه.
على هرورى بۆ باژێرڤانیا بادو ل سه‌ر پارتا كرێكارێن نه‌رویج سه‌ركه‌فتى یه و گولاله ژ روژهه‌لاتا كوردستانێ بۆ باژێرڤانیا ستاڤانگه‌ر ل سه‌ر پارتا كرێكارێن نه‌رویج سه‌ركه‌فت و عه‌لى واتى ل رۆژئاڤا كوردستانێ بۆ باژێرڤانیا بێرگن سه‌ركه‌فت و ڤه‌مان عه‌بدولعه‌زیز بۆ باژێرڤانیا بێرگن سه‌ركه‌فت.
عه‌بادى مووچه‌یێ ئه‌ندامێن په‌رله‌مانى ب نیڤى كرن
ئه‌ڤرۆ نیۆز، سالار دۆسكى:
نه‌جیبا نه‌جیب ئه‌نداما په‌رله‌مانێ عیراقێ ئاشكراكر كو ل دووڤ بریارا سه‌رۆكێ وه‌زیرێن عیراقێ بریار هاتیه‌دان مووچێن ئه‌ندامێن په‌رله‌مانى بهێنه كێمكرن و ئه‌ڤه پشتى داهاتێ عیراقێ كێمبووى.
نه‌جیبایێ گۆت: 12 ملیۆن و 900 هزار دینار بووینه، پێنچ ملیۆن بنه‌ره‌ته ئانكو ئیسمى، پێنچ ملیۆن پاداشتێن پلێ نه، دو ملیۆن و نیڤ پاداشتن، ژڤى مووچه 800 هزار دینار خویك دهاته وه‌رگرتن، 500 هزار دینار بۆ خانه‌نشینیێ دهاتنه برین، 500 هزار ژى پله تایبه‌ت دهاتنه وه‌رگرتن، ئانكو هه‌یڤانه پتر 11 ملیۆنان هه‌ر ئه‌ندام په‌رله‌مانه‌كى وه‌ردگریت.
هێشتا گۆت: پێنچ ملیۆنێن پلێ و 2 ملیۆنێن پاداشتێ نه‌مان، بتنێ مووچێ بنه‌ره‌ت ما، لێ دێ باوه‌رنامه هێته هه‌ژمارتن، دكتورایێ 100% دێ وه‌رگریت، ماسته‌ر 75% و به‌كالوریوس 50% ل گه‌ل زارۆك دێ هێنه هه‌ژمارتن.
نه‌جیبایێ نه‌ڤه‌شارت و گۆت: نوكه بنه‌ره‌ت بوویه چوار ملیۆن و هه‌ر كه‌سه‌كێ بهێته خانه‌نشینكرن ژى ل سه‌ر هه‌مان پاره دێ هێته خانه‌نشینكرن، گۆت ژى : ئه‌ندامێن په‌رله‌مانى بێ گیربوونا هه‌یڤه‌كێ هه‌یڤانه ل ده‌مێ خوه مووچێ خوه وه‌ردگرن.
هه‌ڤده‌م حاكم سه‌رحان سلێڤانه‌یى بۆ ئه‌ڤرۆ نیۆز ئاشكراكر كو مووچێ هه‌یڤانه یێ ئه‌ندامێن په‌رله‌مانێ عیراقێ ل گه‌ل چوون و هاتنێ حه‌فت ملیۆن و نیڤن.
نيشاندان
WP Facebook Auto Publish Powered By : XYZScripts.com