بۆ روو ب رووبوونا تیرۆرێ عێراقێ داخوازا هاریکاریێ ژ هێزێن پێشمەرگەی کریە
ئەڤرۆ نیوز ، زنار تۆڤی :
پەرلەمانتارەکێ کورد ئاشکرا د کەت کو حوکمەتا عێراقێ داخوازا هارکاریا سەربازی ژ لەپێشمەرگەی کریە بۆ روو ب رووبوونا تیرۆرێ.
هەروەسا حەیدەر عەبادی سەرۆک وەزیرێن عێراقێ د کۆنگرەکێ رۆژنامەڤانیدا، هەماهەنگی دناڤبەرا هێزێن ئەمنی یێن بەغدا و هەرێما کوردستانی بۆ روو ب روووبونا تیرۆری ب پێدڤی زانیە.
شاخەوان عەبدوللا ئەندامێ لیژنا ئاسایش و بەرەڤانیێ ل پەرلەمانێ عێراقێ گوتیە،سەرۆکێ لیژنا بەرەڤانی و ئاسایشێ بناڤێ حوکمەتا عێراقێ ب فەرمی داخواز ژێ کریە ،کو وەکو هەرێما کوردستانێ ب رێیا هێزێن پێشمەرگەی هاریکار وان بکەن بۆ روو ب رووبوونا چەکدارێن رێکخراوا داعش.
هەروەسا دیارکریە حوکمەتا عێراقێ دانپێدان کریە کو بێی هیزێن پێشمەرگەی شیانێن کۆنترۆلکرنا ڤێ دەڤەرێ نینەو هەروەسا داخواز ژ کوردستان کریه بۆ ڤەگەراندنا تەرمێن سەربازێن عێراقی ل سنورێ خورماتوو هاریکاریا وان بکەین.
شاخەوانی گوتیە ژی،مە بۆ بەغدا دیارکریە کو بێی دروستکرنا ژوورا هەماهەنگیا هەڤبەش ئامادەنین وەکو هێزا پێشمەرگەی ب تنی بۆ ئۆپەراسیۆنێ بهێینە وان دەڤەران و پاشی ژی ڤەکێشین.