رێكکه‌فتنا ئه‌مریكا و توركیا ل سه‌ر مەنبەج دێ هێتە ئێکلا کرن
ئەڤرۆ نیوز ، زنار تۆڤی :
راوێژكارەکێ بلند یێ وه‌زاره‌تا ده‌رڤە یا توركیا ب مەرەما گه‌هشتن ب رێكکه‌فتنەکی ل گه‌ل ئه‌مریكا بۆ ده‌ركرنا هێزێن یه‌په‌گێ ل مه‌نبه‌ج،دێ چیته ئه‌مریكا.
ئومێد یالچن راوێژكارێ بلند یێ وه‌زاره‌تا ده‌رڤە یا توركیا،سوبەهی ب مەرەما رێكکه‌فتنێ ل گه‌ل ئه‌مریكا دا بۆ ده‌ركرنا یه‌په‌گێ ل مه‌نبه‌ج دێ چیته واشنتۆن و ل وێرێ دێ ل گه‌ل جێگرێ وه‌زیرێ ده‌رڤە یێ ئه‌مریكا كۆم بیت.
وه‌زاره‌تا ده‌رڤە یا توركیا دیارکریە،کو 30 ڤێ هەیڤێ دێ كۆمبوونه‌کا گرنگ دناڤبەرا هه‌ردو وه‌زاره‌تێن ده‌رڤە یێن توركیا و ئه‌مریكا هێتە ئەنجامدان و دێ ده‌ر‌كه‌ڤیت کا ئه‌مریكا نیەت هه‌یه یه‌په‌گێ ل مەنبەج دەربێخیت یان نە!.
مالپەرێ (T24) یێ توركی ئاشكرا کریە،ژ‌به‌ر هندێ کو ئەڤ كۆمبوونه ل سه‌ر ئاستێ بلند یێ هه‌ردو وەلاتان نینه،یا ب زه‌حمه‌ته ل سه‌ر مه‌نبه‌ج بگهه‌نه رێكه‌فتنێ.