ئێكه‌تى هه‌شت به‌رپرسێن حزبى ژ رێزێن خوه ده‌ردكه‌ت
ئه‌ڤرۆنيوز:
ئێكه‌تى نيشتمانى كوردستان دبرياره‌كێ دا هژماره‌كا به‌رپرسێن خوه يێن حزبى ژ ريزێن خوه ده‌رخستن كو كارى بۆ ليستێن دى ژده‌رڤه‌ى ئێكه‌تيێ دكه‌ن.
مه‌كته‌با رێكخستنا ئێكه‌تى نيشتمانى كوردستان، ل رۆژا 8/4/2018 برياره‌ك ده‌ركريه وتێدا هاتيه” ل دووڤ بريارێن مه‌كته‌با سياسى، بريار هاته دان ب ده‌ركرنا چه‌ند كه‌سان ژ رێزێن ئێكه‌تيێ ژبه‌ر وێ چه‌ندێ كو دژى سياسه‌تێن ئێكه‌تيێ په‌يوه‌ندى ب لايه‌نه‌كێ دى كريه وكار بۆ ليسته‌كا دى دكه‌ن”.
ئه‌و كه‌سێن هاتينه ده‌ركرن ئه‌ڤه‌نه:
- عه‌لى مسته‌فا سالح جێگرێ به‌رپرسێ مه‌لبه‌ندێ 4 رێكخستنا دهۆك
- نايف سه‌عيد عمان جێگرێ به‌رپرسێ مه‌لبه‌ندێ 4 رێكخستنا دهۆك
- عبدالله عمر بدالله جێگرێ به‌رپرسێ مه‌لبه‌ندێ 4 رێكخستنا دهۆك
- هسن عمر عبو كارگێرێ مه‌لبه‌ندێ 4 رێكخستنا دهۆك
- خالد حسن محمد جێگرێ به‌رپرسێ مه‌لبه‌ندێ 2 رێكخستنا كه‌ركووكێ
- لقمان احمد عباس جێگرێ به‌رپرسێ مه‌لبه‌ندێ 2 رێكخستنا كه‌ركووكێ
- علي كريم علي قادر ئه‌ندامێ كۆميتا رێكخستنا زانكۆ وپه‌يمانگه‌هێن مه‌لبه‌ندێ 11 گه‌رميان
- حسين حسن حسين جێگرێ به‌رپرسێ مه‌لبه‌ندێ 6 رێكخستنا سۆران
