سه‌لاحه‌دين ده‌ميرتاش دێ په‌يامه‌كێ ل كه‌نالێ فه‌رمى يێ توريا به‌لاڤ كه‌ت

ئه‌ڤرۆ نيوز، فاتما مزوورى:

كۆمسیۆنا هه‌لبژارتنێن توركیا رازیبونا خوه‌ نیشان دا كو سه‌لاحه‌دین ده‌میرتاش به‌ربژارێ هه‌ده‌پێ ژبۆ پۆستا سه‌رۆكاتی یا كۆمارا توركیا ل گرتیگه‌هێ ب رێیا په‌یاما ڤیدیویی بانگه‌شه‌یا هه‌لبژارتنان بۆ خوه‌ بكه‌ و په‌یاما وی ژی ل كه‌نالا فه‌رمی یا هكوومه‌تێ ته‌ره‌تێ بێ به‌لاڤ كرن.

بریاره‌ رۆژا بیست و چارێ ڤێ مه‌هێ هه‌لبژارتنێن سه‌رۆكاتیا كۆمارا توركیا بێ ئه‌نجام دان و سه‌لاحه‌ددین ده‌میرتاش ژی هه‌ڤسه‌رۆكێ به‌رێ یێ هه‌ده‌پێ یه‌ك ژ به‌ربژارانه‌ كو هه‌ده‌پێ بربژارتیه‌ ژبۆ سه‌رۆكاتیا كۆمارا توركیا‌. ته‌ڤی كو هه‌تا نه‌ها د زیندانێ دایه‌ و بریارا ئازادكرنا وی ژبۆ بانگه‌شه‌یا هه‌لبژارتنان نه‌هاتیه‌ دایین.

د چارچۆڤه‌یا هه‌لمه‌تا هه‌لبژارتنێن سه‌رۆكاتیا توركیا، رێ ب به‌ربژاران تێ دایین كو دوو جاران و هه‌ر جاره‌كی كو ژ ده‌هـ خوله‌كان زێده‌تر نه‌به‌ و ژ دوو خوله‌كان كێمتر نه‌به‌ ل كه‌نالا فه‌رمی یا ده‌وله‌تێ بانگه‌شه‌یێ بۆ خوه‌ بكه‌. هه‌تا نه‌ها جهێ تۆماركرنا په‌یاما ڤیدیۆیی یا ده‌میرتاش نه‌هاتیه‌ دیاری كرن. به‌شه‌ك ژ مه‌دیایێ توركیا به‌هسا وێ یه‌كێ دكه‌ن كو په‌یام د زیندانێ دا تێ تۆمار كرن و به‌شه‌ك دن ژی دبێژن كو ده‌میرتاش دێ په‌یاما خوه‌ ل ستۆدیۆیه‌كی تۆمار بكه‌.

کۆمێنتا تە