بۆ 10 رۆژێن دووماهیێ ژ رەمەزانێ ئەوقافێ چەندین رێنما دەركرن
ئه‌ڤرۆنيوز:
رێڤەبەریا گشتی یا ئەوقاف و كارۆبارێن ئاینی ل پارێزگەها دهۆكێ چەندین رێنما بۆ دەهكێن هەیڤا رەمەزانا پیرۆز دەركرن.
سەمیان عەبدوالخالق سەعدی، رێڤەبەرێ گشتیێ ئەوقاف و كارۆبارێن ئاینی ل پارێزگەها دهۆكێ بۆ رۆژناما ئەڤرۆ گۆت: هەر 10رۆژێن دووماهیێ ژ هەیڤا رەمەزانا پیرۆز دەرگەهێن مزگەڤتان هەر شەڤ ژ دەمژمێر 12 شەڤ هەتا نڤێژا سپێدێ دێ دڤەكری بن ب مەرجەكی فەرمانبەرەكێ مزگەفتێ یێ بەرهەف بیت، ب چو رەنگا نابیت وەعز یان وانە بهێنە پێشكێشكرن، ب تنێ مامۆستایێ مزگەفتێ یان ئەو مامۆستایێ هاتیە دانان ژلایێ ئەوقافێ ڤه ل دووڤ بەرنامێ هەیڤا رەمەزان پیرۆز ماف هەیە وانەكێ پێشكێش بكەت، نابیت رێ بهێتەدان مزگەڤت ببیتە جهێ دانا خوارنان، و پاقژیا ڤی جهێ پیرۆز بهێتە تێكدان و بتنێ خوارنا قەسپێ دروسته، بۆ راگەهاندنێ ب چو رەنگان رێ ناهێـتەدان هەتا دەستیردانێ ژ رێڤەبەریا گشتی یا ئەوقافێ وەربگریت.