حوكمه‌تا هه‌رێمێ دێ كه‌ناله‌كێ ته‌له‌ڤزيۆنى دائێخيت
ئه‌ڤرۆنيوز:
رێڤه‌به‌رێ گشتيێ راگه‌هاندنێ وچاپ وبه‌لاڤكرنێ ب وه‌كاله‌ت ل هه‌رێما كوردستانێ، محه‌مه‌د گه‌ردى، ئاشكراكر، بريارا داخستنا كه‌نالێ (سروشت) يێ لوكالى هاتيه دان كو مه‌لا مه‌زهه‌ر خودانێ وى يه.
ل چه‌ند رۆژێن بۆرى دا، مه‌لا مه‌زهه‌ر، ئێك ژ زانايێن ئايينى يێن باژێرێ هه‌ولێرێ، ل كه‌نالێ لوكالى (سروشت) ژنا كورد ب (دايناسوور) ناڤكر، ڤێ چه‌ندێ ژى نيگه‌رانيه‌كا مه‌زن ل ده‌ف پشكه‌كا مه‌زن ژ بكارئينه‌رێن تۆرێن جڤاكى دروستكر.
محه‌مه‌د گه‌ردى، رێڤه‌به‌رێ گشتيێ راگه‌هاندنێ وچاپ وبه‌لاڤكرنێ ب وه‌كاله‌ت راگه‌هاند” سوباهى ئێكشه‌مبى 10/6/2018 وب گۆره‌ى رێنمايا هژمار 1 يا سالا 2014، وه‌زاره‌تا ره‌وشه‌نبيرى دێ وى كه‌نالى دائێخيت”.
گۆت ژى” به‌لگێن ل سه‌ر كه‌نالێ ناڤبرى يێن ل به‌رده‌ست كو لادايه ژ رێنمايێن وه‌زاره‌تێ”.