خه‌رجى 20 مليۆن دۆلاره.. سوبه‌هى تره‌مپ و كيم دێ كۆم بن
ئەڤرۆ نیوز:
سوبەھی کۆمبوونا لوتکێ د ناڤبەرا دونالد ترەمپ و کیم جون ئۆن ل سنگافۆر دێ ب رێڤەچیت و دێ ب نێزیکی 20 ملیۆن دۆلاران دێ ل سەر وی وەلاتی کەڤیت.
ب گۆرەی نووچەکێ رۆژناما Strait Times، لی ھسیان لوونگ، سەرۆک وەزیرێن سنگافۆر راگەھاندیە کو دێ مەزاختیێ کۆمبوونا لوتکێ یا د ناڤبەرا دونالد ترەمپ، سەرۆکێ وەلاتێن ئێکگرتی یێن ئەمریکا و کیم جونگ ئۆن، سەرۆکێ کۆریا باکوور کو بڕیارە سوبەھی ل سەنگافۆر ب رێڤەبچیت گرتیە ستوویێ خوە کو 20 ملیۆن دۆلارانن.
سەرۆک وەزیرێن سەنگافۆر ئاماژە ب وێ چەندێ ژی کریە کو ئەو د ئامادەنە کو وی کۆژمێ پارەی بۆ بەرقراربوونا ئاشتیێ ب مەزێخن.
لی ھسیان لوونگ گۆتژی: “ئەنجامدانا وێ کۆمبوونێ گەلەک یا گرنگە، د وێ باوەرێ داینە ئەڤ کۆمبوونە دەرگەھێ دەستەبەرکرنا ئاشتی و سەقامگێریێ یە ل دەڤەرێ”.
ئاماژە ب وێ چەندێ ژی کر کو ھەلبژارتنا وەلاتێ وان بۆ ئەنجامدانا کۆمبوونا لوتکێ نیشانا رێزگرتنا سەنگافۆرە ل پەیوەندیێن نێڤدەولەتی، “مە ئەڤ داخوازیە پێشکێش نەکریە، بەلێ ئەوان ئەو بەرپرسیاری خستیە د ستوویێ مە دا و مە ژی قەبوول کریە”.
پێشتر وه‌لاتێ كۆريا باكوور راگه‌هاند بوو كو ئه‌وان مه‌زاختيێ سه‌ره‌دانا سه‌رۆكێ خوه بۆ وه‌لاتێ سه‌نگافۆر نينه، ژ به‌ر كو تێچوويه‌كێ مه‌زن دێ چيت بۆ كۆمبوون ل گه‌ل سه‌رۆكێ ئه‌مريكا، ژ لايێ خوه ڤه ئه‌مريكا ئاماده‌يا خوه بۆ دانا ڤى كۆژمێ پاره‌ى ده‌ربڕى بوو، به‌لێ ترسا وێ د وێ چه‌ندێ دا بوو كو كۆريا باكوور بۆ مه‌ره‌مێن سفكاتيپێكرن ب ئه‌مريكا ڤى كارى بكه‌ت، ژ به‌ر هندێ ژ سه‌رۆكێ وه‌لاتێ سه‌نگافۆر خواست كو وه‌لاتێ وى وى مه‌زاختى ب ستوويێ خوه ڤه بگريت.