مه‌سرور بارزانى:بۆمه ئه‌جندێن حوكمه‌تا داهاتى يا گرنگه نه‌كو ئه‌و كه‌سێ دبيته سه‌رۆك وه‌زيران
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ دوشه‌مبى 11/6/2018 پێشوازى ل دۆگلاس سيليمان باليۆزێ ئه‌مريكا ل عيراقێ وكين گرۆس كونسۆلێ ئه‌مريكا ل هه‌ولێرێ وشاندێ دگه‌لدا كر.
دديداره‌كێ دا دووماهى پێشهات دپرۆسا سياسى يا عيراقێ دا وكارڤه‌دانا لايه‌نێن نه‌رازى به‌رامبه‌ر ئه‌نجامێن هه‌لبژارتنان هاته به‌حسكرن ورۆناهى خسته سه‌ر بزاڤێن دروستكرنا فراكسيۆنه‌كا مه‌زن بۆ پێكئينانا حوكمه‌تا نوو وئێكرێزيا لايه‌نێن كوردستانى.
ل دۆر وێ چه‌ندێ، مه‌سرور بارزانى ئاماژه ب بزاڤێن لايه‌نين سياسى يێن كوردستانى دا وراگه‌هاند” بزاڤێن لايه‌نان بۆ دروستكرنا هه‌ڤپه‌يمانيێ ورێككه‌فتن ل سه‌ر پرۆژه‌كێ ئێكگرتى دبه‌رده‌وامن بۆ وێ چه‌ندێ دپێكئينانا حوكمه‌تا داهاتى يا عيراقێ ب ئاراسته‌يا دابينكرنا خواستێن هه‌رێما كوردستانێ رۆله‌كێ كارا وچالاك هه‌بيت، هه‌روه‌سا دووپات ل گرنگيا پرنسيبێن هه‌ڤپشك يێن راسته‌قينه وته‌وافوقێ وهه‌ڤسه‌نگيێ كر”.
مه‌سرور بارزانى گۆت ژى” بۆمه ئه‌جندێن حوكمه‌تا داهاتى يا گرنگه نه‌كو ئه‌و كه‌سێ پۆستێ سه‌رۆك وه‌زيران وه‌ردگريت”.
دپشكه‌كا دى يا وێ ديدارێ دا به‌حس ل گومانێن به‌رامبه‌ر ئه‌نجامێن هه‌لبژارتنان هاته كرن، زێده‌بارى دووپاتكرنێ ل ميكانيزما قانوونا ڤه‌ره‌ڤاندنا وان گومانان، هه‌ڤده‌م بريارا هه‌لوه‌شاندنا ده‌نگدانا تايبه‌ت ل هه‌رێما كوردستانێ ب برياره‌كا نه‌دادپه‌روه‌رانه هاته
باليۆزێ ئه‌مريكا ل عيراقێ دووپاتى ل پێشڤه‌برنا په‌يوه‌نديێن دو قۆلى كر وبه‌رده‌واميا دانوستاندنێ دناڤبه‌را هه‌رێما كوردستانێ و عيراقێ بۆ چاره‌سه‌كرنا كێشان ب به‌رژه‌وه‌نديا هه‌ردو لايه‌نان زانى.
ره‌وشا گشتى وبزاڤێن هه‌بوونا عيراقه‌كا سه‌قامگير وڤه‌ژاندى لايه‌نه‌كێ دى يێ ديدارێ بوو.