دادگەھا فیدرال دشێت بڕیارا دووبارەکرنا ھەلبژارتنان بدەت
ئەڤرۆ نیوز، فاتما مزووری:
سەعد حەدیسی پەیڤدارێ نڤیسینگەھا سەرۆک وەزیرێن عیراقێ بۆ ئاژانسا رویتەرز راگەھاند کو دەستھەلاتا ھەلوەشاندن و دووبارە ئەنجامدانا ھەلبژارتنان ب تنێ د دەستھەلاتا دادگەھا بلند یا فیدرال دایە و نە د دەستھەلاتا سەرۆک وەزیران یان جڤاتا نوونەران.
پشتی بوویەرا ئاگربەردانا دەنگێن رەسافە ل بەغدا نەرازیبوونا لایەنێن سیاسی ل دۆر ئەنجامێن ھەلبژارتنان زێدەتر بوو، ژ لایێ خوە ڤە سەلیم جبوری سەرۆکێ جڤاتا نوونەرێن عیراقێ داخواز کر کو پرۆسەیا ھەلبژارتنان بھێتە دووبارە کرن.
ھەروەسا ئەیاد عەلاوی سەرۆکێ ھەڤپەیمانیا نشتیمانی یا عیراقێ داخواز کر ھەلبژارتن شەش مەھێن دی ل عیراقێ دووبارە ببن و ھەتا وی دەمی حکومەتەکا کار ب رێکەر بھێتە پێکئینان.