فەتح و سائیرون ل سه‌ر پێكئینانا مه‌زنترین كۆتله‌یا په‌رله‌مانێ عێراقێ رێككه‌فتن
ئەڤرۆ نیوز ، زنار تۆڤی :
هه‌ردو لیستێن فه‌تح و سائیرون ل سه‌ر پێكئینانا مه‌زنترین كۆتله‌یا په‌رله‌مانی رێككه‌فتن و موقتەدا سه‌دری راگه‌هاند ژی : هه‌ڤپه‌یمانیا وی یا سێقۆلی ل گه‌ل به‌ره‌یێ حیكمه و لیستا وه‌ته‌نیه هه‌ر وه‌ك خوه مایه و نه‌هاتیه گۆهارتن.
د پرێسكۆنفرانسه‌كێ هه‌ڤپشك دا ل مالا هادی عامری سه‌رۆكێ هه‌ڤپه‌یمانیا فه‌تح ل باژێرێ نه‌جه‌ف ، موقته‌دا سه‌در سه‌رۆكێ هه‌ڤپه‌یمانیا سائیرون و هادی عامری رێككه‌فتنا خوه ژ بۆ پێكئینانا مه‌زنترین كوتله‌یا په‌رله‌مانێ عێراقێ راگه‌هاند.
سه‌دری گوت ژی : هه‌ڤپه‌یمانیا وان یا سێقۆلی د ناڤبه‌را سائیرون و حیكمه و وه‌ته‌نیه دا ، دێ وه‌ك خوه مینیت و دا دیارکرن ژی : ئه‌وا ب سه‌رێ سندۆقێن ده‌نگدانێ هاتی تاوانه‌كا زیقه و پشتی په‌سه‌ندكرنا ئه‌نجامان دێ وان هه‌لویست هه‌بیت.
ژ لایێ خوه‌ڤه هادی عامری گوتیە : ئه‌وان كێشه ل گه‌ل هژمارتنا ده‌نگان ب دەست نینه ، لێ ب مه‌رجه‌كی ب رێژا 10 -15% نه‌بۆریت.
