ب وێنه: پێشمه‌رگێن سلێمانيێ ل دژى ره‌تكرنا ده‌نگێن خوه خرڤه‌بوونه‌ك كر
ئه‌ڤرۆ نيوز:
ل سلێمانيێ ب هزاران پێشمه‌رگان ل دژى ره‌تكرنا ده‌نگێن وان ژ لايێ جڤاتا نوونه‌رێن عيراقێ خوه‌نيشاندان ئه‌نجام دا.
هێزێن پێشمه‌رگه و ناڤخۆ، ياداشنامه‌ك ئاماده‌كربوو دا كو د رێيا جڤاتا پارێزگه‌ها سلێمانيێ دا ئاراسته‌ى سه‌رۆكاتيا كۆمار و دادگه‌ها فيدرال بكه‌ن، به‌لێ ل دووماهيێ ياداشت دا ده‌ست چه‌ند په‌رله‌مانتاره‌كێن عيراقێ دا كو د رێيا وان بگه‌هيته سه‌رۆكاتيا كۆمار و دادگه‌ها فيدرال.
د خۆنيشاندانێ دا، چه‌ندين درويشم ل دژى بڕيارا جڤاتا نوونه‌رێن عيراقێ بلندكربوون. پێشمه‌رگه‌ى وێنێ دكتور به‌رهه‌م سالح، سه‌رۆكێ هه‌ڤپه‌يمانى بۆ ديموكراستى و دادپه‌روه‌ريێ بلندكربوو و ل سه‌ر نڤيسيبوو “خائين و كه‌ركووكفرۆش”.
