عيراق: راده‌ستكرنا به‌شار ب حوكمه‌تا ئه‌لمانيا سه‌رپێچيا قانوونێ يه
ئه‌ڤرۆ نيوز:
وه‌زاره‌تا ژ ده‌رڤه يا عيراقێ راده‌ستكرنا “بكوژێ” كچا ئه‌لمانى ژ لايێ هه‌رێما كوردستانێ ڤه بۆ حوكمه‌تا ئه‌لمانيا ب سه‌رپێچيا قانوونێ ددانيت.
د راگه‌هاندنه‌كێ دا، ئه‌حمه‌د مه‌حجوب، ئاخفتنكه‌رێ ب ناڤێ وه‌زاره‌تا ژ ده‌رڤه يا عيراقێ راگه‌هاند، ژ به‌ر نه‌بوونا رێكه‌فتنه‌كا هه‌ڤپشك د ناڤبه‌را عيراق و ئه‌لمانيا دا ل دۆر راده‌ستكرنا تۆمه‌تباران، راده‌ستكرنا تۆمه‌تبار عه‌لى به‌شار ژ لايێ ده‌سته‌لاتا هه‌رێما كوردستانێ ڤه ب ده‌سته‌لاتدارێن ئه‌لمانيا “سه‌رپێچيا قانوونێ” دهێته هژمارتنز
مه‌جوب گۆتژى: “به‌غدا ڤێ ب سه‌رپێچى ل سه‌ر ئه‌وى لاىيه‌نێ ده‌ستكرى و ئه‌و لايه‌نێ وه‌ردگريت هژمار دكه‌ت، ب وێ چه‌ندێ كو لێكگوهاڕتنا داخوازكه‌ران ژ ده‌سته‌لاتا سه‌روه‌ريا تايبه‌ته ب وه‌زاره‌تا داد يا فيدرالى. هه‌روه‌سا عيراق ته‌كستێ ل سه‌ر سزادانا تۆمه‌تباران دكه‌ت، به‌لێ د چارچۆڤێ رێكارێن قانوونى و دستوورى دا”.
عه‌لى به‌شار گه‌نجه‌كێ خه‌لكێ زاخۆيه و په‌نابه‌ر بوويه ل ئه‌لمانيا. تۆمه‌تباره ب كوشتنا كچه‌كا 14 سالى يا ئه‌لمانى. پشتى ل گه‌ل خێزانا خوه ئه‌لمانيا ب جهـ هێلايى و ڤه‌گه‌ريايه كوردستانێ، ژ لايێ هێزێن ئه‌منى يێن هه‌رێما كوردستانێ ڤه هاتيه ده‌سته‌سه‌ركرن و راده‌ستى پۆليسێن ئه‌لمانيا هاتيه كرن.
