ده‌نگێ چار پارتێن كوردستانى بۆ ده‌ميرتاشه
ئه‌ڤرۆ نيوز، فاتما مزوورى:
چار پارتيێن باكوورێ كوردستانێ پشته‌ڤانيا خوه بۆ به‌ربژارێ هه‌ده‌پێ يێ سه‌رۆكاتيا كۆمارا توركيا سه‌لاحه‌دين ده‌ميرتاش راگه‌هاند.
چار پارتيێن ئيتيفاقا كوردستانێ يێن وه‌كو پاك، پسك، پدك و بزاڤا ئازادى د ده‌رباره‌ى هه‌لبژارتنێن توركيا دا راگه‌هاند كو سه‌رۆك كۆمارێ توركيا ره‌جه‌ب ته‌يب ئه‌ردوگان ل سالێن دووماهيێ ل دژى كوردان سياسه‌ته‌كا دوژمانه ب كار ئينايه و دڤێت ئه‌ندام و لايه‌نگرێن وان ده‌نگێن خوه نه‌ده‌نێ.
ڤان چار پارتيان راگه‌هانديه ژى كو نابيت پشته‌ڤان و لايه‌نگرێن ڤان پارتيان ده‌نگێ خوه بده‌نه به‌ربژارێن تورك يێن سه‌رۆك كۆماريێ.
ل گۆر ڤان پارتيێن باكوورێ كوردستانێ دڤێت ئه‌ندام و لايه‌نگرێن وان ل گه‌ل شاشى و كيماسيێن وى ژى، ده‌نگێ خوه بده‌نه به‌ربژارێ هه‌ده‌پێ، سه‌لاحه‌دين ده‌ميرتاش، ژ به‌ر كو ئه‌و يێ گرتيه و غه‌در ل وى هاتيه كرن.