په‌رله‌مانێ عيراقێ ئه‌ڤرۆ دێ كۆم بيت و ماوێ خوه درێژ كه‌ت
ئه‌ڤرۆ نيوز:
جڤاتا نوونه‌رێن عيراقێ راگه‌هاند كو ئه‌و دێ ئه‌ڤرۆ كۆمبوونه‌كا نه‌ئاسايى ل 4:00ى ئێڤارى ئه‌نجام ده‌ت و تێدا پرۆژه‌ك بۆ به‌رده‌وامبوونا خولا خوه به‌رهه‌ڤ كريه.
ل دووڤ به‌رنامێ كارى دێ خواندنا ئێكێ بۆ پرۆژێ به‌رده‌وامبوونا كارێ خوه كه‌ت و ب به‌هانه‌يا وێ چه‌ندێ كو دا بۆشاييا قانوونى دروست نه‌بيت پرۆژه‌ك ب ناڤێ به‌رده‌وامبوون نه‌ك درێژكرن به‌رهه‌ڤكريه و دێ بزاڤێ كه‌ن به‌رى سه‌رێ هه‌يڤێ په‌سه‌ند بكه‌ن ژ به‌ر كو ژ 30ى ڤێ هه‌يڤێ وێڤه وان ماف نينه وێ چه‌ندێ بكه‌ن.
ئه‌وان دڤێت هه‌تا ده‌نگ ب ده‌ستى دهێنه هه‌ژمارتن كو دبيت زێده‌تر ژ هه‌يڤه‌كێ بكێشيت، به‌رده‌واميێ بده‌نه كارێ خوه ب تايبه‌ت پشتى دادگه‌ها بلندا فيدرال ل عيراقێ دستوورى بوون دايه كارێ وان و ل سه‌ر داخوازا وان بڕيار داى كو ده‌نگ ب ده‌ستى بهێنه هژمارتن.