عيراقێ 45 به‌رپرسێن داعش كوشتن
ئه‌ڤرۆ نيوز، فاتما مزوورى:
فرۆكێن شه‌ری یێن عيراقێ د هێرشه‌كا ئه‌سمانی دا كۆمبوونه‌كا سه‌ركردێن رێكخراوا داعش كرنه ئارمانج و ب ڤێ سه‌ده‌مێ ژی 45 چه‌كدارێن ڤێ رێكخراوێ هاتنه كوشتن كو د ناڤ وان ده سه‌ركردێن پایه بلند هه‌نه.
د ڤێ ده‌ربارێ دا سوپایێ عيراقێ د به‌یاننامه‌یه‌كێ دا راگه‌هاند كو فرۆكێن شه‌ری یێن وان سێ بنگه‌هێن چه‌كدارێن داعش ل ده‌ڤه‌را هه‌جین یا رۆژهه‌ڵاتێ سوریا كرینه ئارمانج و ل گوری ڤێ به‌یاننامێ ئه‌ڤ بوردوومانه ئارمانجا خوه ب ته‌ڤاهی پێك ئانیه و ب ڤێ سه‌ده‌مێ ژی 45 چه‌كدارێن داعشێ هاتینه كوشتن كو د ناڤ وان دا سه‌رپه‌رشتیارێ دۆسیا وه‌زاره‌تا شه‌ڕ و جێگرێ وه‌زیرێ شه‌رێ داعشێ هه‌یه.
هه‌روه‌سا د ڤێ به‌یاننامێ دا هاتیه راگه‌هاندن كو ب سه‌ده‌ما ڤێ بۆردومانێ ئێك ژ به‌رپرسێن بلندێن راگه‌هاندنا داعشێ د ناڤ دا‌یه كو به‌رپرسێ ڤه‌گوهاستنا نڤیسینێن ئه‌بوبه‌كر به‌غدادی و سه‌ركرده‌یێ پۆلیسێن داعش بوویه.