پێنج سالە باژێرڤانیا دھۆکێ پارچێن ئەردی د فرۆشیت
ئەڤرۆ نيوز:
سەرۆکێ جڤاتا باژێرڤانیێ ل سەرۆکاتیا باژێرڤانیا دھۆک ئاشکراکر کو ئەو پارچێن ئەردی یێن باژێرڤانی دفرۆشیت ل تاخێن (نزارکێ، شندوخا، گەڤەرکێ، ھەر دو مالتا و ئێتیتێ) ئەو پارچە ھەموو نایابن، بتنێ پارچێن عەردی ل ئەڤان دەڤەران باژێرڤانی دفرۆشیت.
عسمەت عەبدولرەحمان بۆتی، سەرۆکێ جڤاتا باژێرڤانیا دھۆکێ بۆ رۆژناما ئەڤرۆ گۆت: پارچە عەردێن دھێتە فرۆتن ژلایێ باژێرڤانیا دھۆکێ ڤە وەختەکی خودانێن عەردی ئەڤ عەردە ب کەیفا خوە دەست کاری تێدا کرینە، ل دووڤ رێنما سەردەری ل گەل ئەڤان دەڤەران دھێـتەکرن ول دووڤ رێنما ئەو پارچە زەڤیێن ھەرە باش باژێرڤانی دھێنە فرۆتن وی پارەی رێژەک بۆ وەزارەتێ و رێژەک بۆ باژێرڤانیێ، ل دووڤ ماستەرپلانا باژێرێ دھۆکێ ئەو پارچە زەڤی ھەموو نێشتەجێ نە و ھەموو ب سەرئێک زێدەکرنەکا ئاشکرا دھێنە فرۆتن.
بۆتی ئەو ژی گۆت: ماوێ شەش ھەیڤێن بوری دا ب رێکا سەرئێک زێدەکرنەکا ئاشکرا 25 پارچە زەڤی ھاتینە فرۆتن و ئەنجوومەنێ باژێرڤانیێ بریار پێ دایە، بەری ماستەرپلانێ ژی مە پلان ھەبوو پارچە زەڤی دھاتنە فرۆتن.
ھێشتا گۆت: ل دووڤ ماستەرپلانا وەزارەتێ رێژەک ژ وی پارە بۆ باژێرڤانیێ یە، ھەر خزمەت گوزاریێن باژێری ئەوان تاخان پێ دھێنە دروستکرن.
سەرۆکێ جڤاتێ خواست ژی ئەو رێژە بھێتە زێدەکرن دیارکر کو نوکە 20% ژ وی پارەی بۆ باژێرڤانیێ دمینت خواست ئەو رێژە بۆ 50% بھێتە بلندکرن دا پتر خزمەتا خەلکی ھێتەکرن.
سەرۆکێ جڤاتا باژێرڤانیێ ئەو ژی ئاشکراکر کو ھەموو خەلکێ ئەو پارچە زەڤی کرین خەلکێ پارێزگەھا دھۆکێ نە، دەمێ دبیتە سەرئێک زێدەکرنا ئاشکرا چەندین رێنما ھەنە بۆ کەسێ بۆ دکەڤیت و بەری ھەر تشتەکی خەلکێ عیراقێ بیت
سەرۆکێ جڤاتێ گۆت ژی : پارچە زەڤیێن بازرگانی و خزمەت گوزاری باژێرڤانی نافرۆشیت، بتنێ ئەوێن دکەڤنە نەخشێ نێشتەجێبوون دا ل دووڤ ماستەر پلانا دھۆکێ دھێنە فرۆتن و ھەر پارچەکا زەڤیێ یا دھێتە فرۆتن لژنەک ھەیە سەردانا جھی دکەت و تەخمینا وێ پارچە زەڤیێ دکەت ل دووڤ سەنگا دەڤەرێ کا دێ چەند بۆ ھێـتە دەست نیشانکرن، سەردەری ل گەل دھێتەکرن.