پارێزگه‌رێ به‌سرا: رێڤه‌به‌رێ پۆليسێن به‌سرا دزيكه‌ره
ئه‌ڤرۆنيوز:
پارێزگه‌رێ به‌سرا دكۆمبوونا ئه‌ڤرۆ يا په‌رله‌مانێ عيراقێ كو هاتبوو ته‌رخانكرن بۆ كێشێن به‌سرا راگه‌هاند رێڤه‌به‌رێ پۆليسێن پارێزگه‌ها به‌سرا دزيكه‌ره.
ئه‌سعه‌د عيدانى، پارێزگه‌رێ به‌سرا دكۆمبوونا ئه‌ڤرۆ يا په‌رله‌مانێ عيراقێ كو يا تايبه‌ت بۆ ب كێشێن به‌سرا ڤه گۆت” رێڤه‌به‌رێ پۆليسێن به‌سرا دزيكه‌ره وبه‌رتيلان وه‌ردگريت”.
گۆت ژى” ده‌مێ ئه‌ڤ كه‌سه هاتيه ده‌ستنيشانكرن بۆ پۆستێ رێڤه‌به‌رێ پۆليسێن به‌سرا، ئه‌ز ل سه‌ر رازى نه‌بووم، به‌لێ ب فشاران ل سه‌ر من هاته سه‌پاندن كو رازى ببم”.
ژلايه‌كى دى ڤه، ئه‌ندامه‌كێ په‌رله‌مانێ عيراقێ دروونشتنا ئه‌ڤرۆ دا، كو ل شاشا كه‌نالێ العراقيه يێ حكومى هاتيه به‌خشكرن، گۆت” داخواز دكه‌م فه‌رماندێ ئۆپه‌راسيۆنێن به‌سرا ئێكسه‌ر بهێته لادان ژبه‌ركو بازرگانه وهه‌ڤپشكێ كۆمپانيه‌كا ئه‌مريكى يه وپه‌يوه‌ندى يێن ل گه‌ل كونسۆلێ ئه‌مريكى ل به‌سرا هه‌ين”.
