بریتانیا ل دژی ئۆپەراسیۆنا ئدلبێ یە
ئه‌ڤرۆ نيوز:
وەزیرێ دەولەتا بریتانیا بۆ کاروبارێن رۆژھەلاتا ناڤین د داخۆیانیەکی دا ل پەرلەمانی سەرنج راکێشا سەر رەوشا باژێرێ ئدلبێ و راگەھاند کو ل ئدلبێ پتر ژ سێ ملیۆن وەلاتیێن سڤیل دژین و ئۆپەراسیۆنەکا سەربازی دێ ژیانا وان کەتە مەترسیێ و گۆت: (ب راستی سازکرنا ئۆپەراسیۆنەکا سەربازی ژ ئالیێ روسیا و سووریێ ڤە ل ئدلبێ د ڤێ قۆناغێ دا نە کارەکێ باشە و دێ بیتە سەدەمێ مرنا ب ھزاران وەلاتیێن سڤیل و دێ پێلەکا دی یا کۆچبەریێ دەرکەڤیتە ھۆلێ و بۆ ڤێ چەندێ ژی دڤێت روسیا باش ھزر بکەت و ئۆپەراسیۆنەکا سەربازی ئەنجام نەدەت).
د پشکەکا دی یا ئاخاڤتنا خوە دا وەزیرێ بریتانی راگەھاند ژی کو ئەو ل گەل وێ چەندێ نە کو ئاگربەست بھێتە راگەھاندن و پاشی ژی ب دانوستاندنان رەوشا باژێری ئاسایی ببیت و گۆت: (ھەکە کارەساتەکا مرۆڤی ل ئدلبێ دروست ببیت بەرپرسیاریا وێ دکەڤیتە ئستویێ روسیا و بۆ ڤێ چەندێ ئەز داخواز ژ روسیا دکەم کو کار بۆ چارەکا سیاسی بکەت).
د داویا ئاخاڤتنا خوە دا ژی وەزیرێ دەولەتێ بۆ کاروبارێن رۆژھەلاتا ناڤین راگەھاند کو ھەکە ژ ئالیێ رژێما سووریێ ڤە چەکێن قەدەغەکری ل ئدلبێ بھێتە بکارئینان ئەو دێ دەستێوەردانێ کەن و گۆت: (ئەز ھۆشداریێ ددەمە رژێما سووریێ کو ب چو رەنگەکێ چەکێن کیمیاوی بکار نەئینیت).
