دبيت د گه‌را ئێكێ دا سه‌رۆكێ په‌رله‌مانى نه‌هێته هه‌لبژارتن
ئه‌ڤرۆنيوز:
په‌رله‌مانتاره‌كێ عيراقى بۆ ئه‌ڤرۆنيوز دياركر كو هه‌كه چو ژ چار به‌ربژاران 166 ده‌نگان ب ده‌ستڤه‌نه‌ئينن، دێ هه‌لبژارتن دووباره دناڤبه‌را هه‌ردو به‌ربژارێن پتر ده‌نگ ئيناين هيته كرن.
هيشام ئه‌لسهێل، په‌رله‌مانتارێ سه‌ربخوه ل په‌رله‌مانێ عيراقێ بۆ ئه‌ڤرۆنيوز گۆت” هه‌كه چ ژ هه‌ر چار به‌ربژاران 166 ئانكو ( 165 +1)ده‌نگ بده‌ستڤه نه‌ئينان كو دبيته پتر ژنيڤا ده‌نگان، دێ ده‌نگدان دووباره هێته كرن”.
هيشامى زێده‌تر گۆت” هه‌ڤركى يا توندبوو دناڤبه‌را به‌ربژاران دا وهه‌كه كه‌سێ ژوان 166 ده‌نگ نه‌ئينان، دێ گه‌ره‌كا دى يا هه‌لبژارتنان دناڤبه‌را هه‌ردو به‌ربژارێن پتريا ده‌نگان ئيناين هێته كرن”.
خوياكر ژى” ئه‌ڤه بۆ جارا ئێكێ يه پشتى سالا 2003 سه‌رۆكێ په‌رله‌مانێ عيراقێ دهێته دياركرن بێ ته‌وافوق وب ديتنا من ئه‌ڤه حاله‌ته‌كه ساخله‌مه “.
