“ل ده‌مێ شه‌رێ داعش هنده‌ك لايه‌ن ل جهێ به‌ره‌ڤانيێ، مژوولى وه‌رگرتنا پۆستان بوون”
ئه‌ڤرۆ نيوز:
محه‌مه‌دێ حاجى مه‌حمود سكرتێرێ حزبا سوسياليست ديموكراتى كوردستان راگه‌هاند، پرۆسا هه‌لبژارتنا ڤێ جارێ گرنگيا خوه هه‌يه، ب تايبه‌ت د ده‌مه‌كى دايه كو هه‌رێما كوردستانێ د قووناغه‌كا پشتى روودانێن 16ى ئوكتۆبه‌رێ دا دبۆريت.
سكرتێرێ سۆسياليست د ئاهه‌نگا هه‌وا ليستا سه‌رده‌م ل باژێركێ سۆران داخواز ژى ژ ئه‌ندام و لايه‌نگر و پشته‌ڤانێن حزبا خوه كر، د پرۆسا هه‌لبژارتنان دا پشكداريه‌كا كارايانه بكه‌ن و ده‌نگ بۆ ليستا وان بده‌ن.
هه‌روه‌سان گۆتژى: “زێده‌تر ژ 42 سالايه حزبا سۆسياليست خه‌باتێ بۆ وه‌لاتێ خوه دكه‌ت و هێشتا خوينا شه‌هيدێن وان ل شه‌ر دژى داعش هشك نه‌بوويه. ئه‌و ده‌مێ كوڕێن سۆسياليست ل به‌رامبه‌ر داعش سه‌نگه‌ر پارڤه‌دكرن، هنده‌ك لايه‌ن ل هه‌ولێر مژوولى پارڤه‌كرنا پۆستان بوون.
بڕياره رۆژا 30ى ئيلۆنا ئه‌ڤ ساله پرۆسا هه‌لبژارتنێن گشتى ل هه‌رێما كوردستانێ برێڤه‌چيت.
