نوشداره‌ك: پتر ژ نيڤا خه‌لكێ دهۆكێ پێدڤى ب سه‌ماعێن گوهانه
ئه‌ڤرۆنيوز:
سه‌ماعێن گوهان ل دهوكێ به‌رى چه‌ند سالان دهاتنه دانان و نها ئه‌و كاره ناهێته ئه‌نجامدان و نوشداره‌ك دیار دكه‌ت كو خه‌لكێ دهۆكێ به‌رده‌وام پێتڤى ب سه‌ماعێن گوهان يا هه‌ى.
زێرین محه‌مه‌د ته‌یب، نوشدارا شاره‌زا د پشكا دانانا سه‌ماعێن گوهان ل نه‌خوه‌شخانا ئازادى بۆ نوش نیوز گۆت” ئه‌ڤ پشكه سه‌ر ب نه‌خوه‌شخانا ئازادى ڤه‌یه و دبێژنێ پشكا (پلاندانانێ) و گه‌له‌ك كه‌س قه‌ستا ڤێ پشكێ دكه‌ن و هند ژ وان پێدڤى ب دانانا سه‌ماعێن گوهانه و هند كه‌س قه‌ستا مه دكه‌ن بۆ پلاندانانێ و رۆژانه نێزیكى (15) كه‌سان سه‌ره‌دانا مه دكه‌ن”.
گوت ژى” رۆژانه (5) كه‌س ئه‌وێن سه‌ره‌دانا مه دكه‌ن پێدڤى ب دانانا سه‌ماعێن گوهانه و به‌رى چه‌ند سالان هنده‌ك بۆمه هاتبوون، لێ پشتى هنگى راوه‌ستیانه و مه گه‌له‌ك جاران داخواز كریه بۆمه بهێن، چونكى خه‌لكى گه‌له‌ك پێدڤى يا پێ هه‌ى”.
خوياكر ژى” نێزیكى (60%) خه‌لكێ دهوكێ ژ زارۆ و مه‌زنان پێدڤى ب سه‌ماعێن گوهان يا هه‌ى و مه هه‌تا (100) سه‌ماعێن گوهان بۆ خه‌لكى داناينه و هیڤی خوازین زێده‌تر هاریكارى بۆ پشكا مه بهێته كرن و سه‌ماعێن گوهان بۆمه بهێنه ره‌وانه‌كرن تاكو ئه‌م بشێن خزمه‌تا خه‌لكێ دهۆكێ بكه‌ین”.
