راهێنه‌رێ هه‌لبژارتيێ ئه‌لمانيا دێ هێته ريال مه‌دريد؟
ئه‌ڤرۆنيوز:
پۆستێ راهێنه‌رێ ريال مه‌دريد بوويه جهێ پێته‌پێدانا جه‌ماوه‌رێ يانا ريال مه‌دريد پشتى لادانا جولين لوبيتيجى وئينانا يانتياگۆ سولارى ب شێوه‌كێ به‌روه‌خت، پشتى دوراندنا مه‌زن ل سه‌ر ده‌ستێ به‌رشه‌لونا دكلاسيكۆيا ئيسپانيا دا ب ئه‌نجامێ 1-5.
مالپه‌رێ le10 sport يێ فه‌ره‌نسى به‌لاڤكر كو سه‌رۆكێ يانا ريال مه‌دريد بيرێز هزر دئينانا يواكيم لوف راهينه‌رێ هه‌لبژارتيێ ئه‌لمانيا دا دكه‌ت بۆ وه‌رگرتنا ئه‌ركێ راهێنه‌ريا ريال.
وى مالپه‌رێ دياركر كو بيرێز دێ خوه ل هيڤيا لادانا لوفى ژ راهێنه‌ريا هه‌لبژارتيێ ئه‌لمانيا گريت تاكو ب شێوه‌كێ فه‌رمى گرێبه‌ستێ دگه‌لدا ب گرێده‌ت، ب تايبه‌تى پشتى ئاستێ نه‌باش يێ هه‌لبژارتيێ ئه‌لمانيا تێدا دبۆريت ب سه‌ركێشيا لوفى.
يواكيم لوف شيابوو ل مونديالا 2014 ل به‌رازيل جاما جيهانى ل گه‌ل هه‌لبژارتيێ ئه‌لمانيا ب ده‌ستڤه‌بينيت، به‌لێ ئه‌لمانيا ب سه‌ركێشيا لوفى ژ قۆناغا كۆمان ژ مونديالا 2018 ل روسيا ده‌ركه‌فت ودكۆما خوه دا ژ خۆلا نه‌ته‌وێن ئورۆپا دا كو فه‌ره‌نسا وهوله‌ندا دگه‌لدانه هه‌لبژارتيێ ئه‌لمانيا ل رێزا دووماهيێ دهێت بێ كو چو سه‌ركه‌فتنه‌ك هه‌تا نوكه تۆماركر بيت.
