چاڤێ ئورۆپا ل هه‌لبژارتنێن ئه‌مریكا یە
ئەڤرۆ نیوز ، زنار تۆڤی:
پێشتر چو جاران ب ڤی شێوێ نوکە گرنگى ب هه‌لبژارتنێن نیڤەیی یێن نووكرنا كۆنگرێسێ ئه‌مریكا نەهاتینەدان، وەلاتێن ئورۆپی گەلەک هیڤی ب وان هه‌لبژارتنان هه‌یه كو ب رێیا ده‌ره‌نجامێن وێ كارەکێ وەسا بكەت کو هه‌لویستێن توند یێن دۆنالد تره‌مپى سه‌رۆكێ وی وەلاتی سنوردار بكەت.
گۆڤارا دێرشبیگل یا ئه‌لمانى پاشكۆیه‌کێ تایبه‌ت ده‌ركریه كو تێدا راپرسیەکا جه‌ماوه‌رى ئه‌نجامدایە سه‌باره‌ت ب هه‌لبژارتنێن نیڤه‌یی یێن نووكرنا كۆنگرێسێ ئه‌مریكا و تێدا ده‌ركه‌فتیه كو رایا گشتى ل ئه‌لمانیا گرنگیێ ب وان هه‌لبژارتنان دایه.
ئورۆپیان چو ژ وان هه‌لبژارتنێن ئه‌مریكا نەڤێت ژ بلی هندێ، ئەرێ دێ دۆنالد تره‌مپ سیاسه‌تا خوە یا ده‌رڤە گوهۆریت، هەکە دیموكراتان سه‌ركه‌فتن ب ده‌ستڤە ئینا، هندەکێن دیتر دڤێت دیموكراتی ببنه زۆرینه ل كۆنگرێسێ ئه‌مریكا كو ئەڤە دێ رێخۆشكه‌ر بیت بۆ ڤەكێشانا متمانێ ژ دۆنالد تره‌مپی.
ل ڤێ سێشه‌مبێ 6 چریا دویێ دێ هه‌لبژارتن بۆ ئه‌ندامێن جڤاتا نوونەرێن ئه‌مریكا هێتە ئه‌نجامدان و كو هەڤدەم دێ هه‌لبژارتنێن نیڤه‌یی بۆ جڤاتا پیران هێتە کرن و ئه‌ڤە ژی د دەمەکێ دایە، کو هەتا نوکە كۆماریان پتریا هه‌ردوو جڤاتان هه‌ژموون كریه.
ئه‌ندرێ بلنكۆڤیچ سه‌رۆكێ لیژنا كاروبارێن ده‌رڤە یێ په‌رله‌مانێ ئورۆپا دبێژیت: هەکە دیموكراتیان د وان هه‌لبژارتنان دا سه‌ركه‌فتن د ئێک ژ وان هەردو جڤاتان ب دە‌ستڤە بینن دێ كارەکێ باش بیت بۆ هەڤسه‌نگیا وان.
پێشتر تره‌مپی هێرشا هندێ ل ئێكەتیا ئورۆپا كریە، کو گرنگیەکا زێدەتر بێخیتە سه‌ر ئۆتۆمبێلان ئه‌ڤە ژی دێ دربەکێ کوژەک گەهینیتە پیشه‌سازیا ترۆمبێلان ل ئورۆپا و ب تایبه‌تی ئه‌لمانیا.