مێژوویا دروستكرنا مۆبایلێ
ئەڤرۆ نیوز:
مۆبایل ب گشتی ئێکە ژ ئامیڕێن گەرۆک یێن پەیوەندی کرنێ کو پشت ب پەیوەندی کرنا بێتەلی دبەستیت ب رێیا تاوەرێن پەخشی د چارچۆڤەکێ دیار کریدا.
ل دەستپێکێ ئەڤ ئامیرە ب تنێ بۆ پەیوەندی کرنێ ب کار دھات ب جۆرەکێ کو بکارھێنەر ب تنێ دشیا پەیوەندیا تەلەفۆنی پێ ئەنجام بدەت و پاشی بەرەف پێشچوونا وێ شیا ب رێیا وێ نامان ئاسایی لێک ب گوهۆرن.
پاشی بەرە بەرە ئەڤ ئامیرە بەرەف زیرەکیەکا زێدەتر ڤەچوون ب شێوەکێ وەسا کو چەند ئامێرێن مەزن و زەبەلاح دناڤا ئێک ئامیرێ ھۆشمەندێ بچووک کۆم کر و وەکو کۆمپیوتەری و ئامیرێ پەیوەندیێ بێتەل و حاسیبە و چەندین ئامیرێن دیتر، کو قەبارێ وان یێ مەزن بوو.
مێژوویا سەرھلدانا ئامیرێ مۆبایلێ ڤەدگەریت بۆ سالا ١٩٤٧ کو کۆمپانیا لۆستی تەکنۆلۆژی دەست پێکر ب تاقیکرنێ، بەلێ ئەڤ کۆمپانیە نەشیا ببیتە خودانا بەرھەم ئینانا ئێکەم مۆبایل.
مارتن کۆپەرێ ئەمریکی کو توێژەر بوو ل کۆمپانیا مۆتۆرۆلا بۆ پەیوەندیان ل شیکاگۆ، شیا وێ داھێنانێ بکەت و ل ٤/٣/ ١٩٧٣ ئێکەم پەیوەندیا تەلەفۆنی ئەنجام دا، ئەو بۆ ئێکەم کەس کو مۆبایلا بێتەل داھێنای.