محه‌مه‌د حاجى مه‌حمود: حوكمه‌تا پرانيێ بۆ كوردستانێ نه‌يا باشه
ئه‌ڤرۆ نيوز:
سكرتێرێ گشتى يێ حزبا سوسياليست ديموكراتى كوردستان هه‌لويستێ خوه د ده‌رباره‌يى شێوازێ حوكمه‌تا داهاتى يا هه‌رێما كوردستانێ دا راگه‌هاند.
ئه‌ڤرۆ رۆژا سێشه‌مبى 6ى چريا دويێ 2018 محه‌مه‌دێ حاجى مه‌حمود سكرتێرێ گشتى يێ حزبا سوسياليست ديموكراتى كوردستان د كۆنگره‌كێ رۆژنامه‌ڤانى دا ل سلێمانيێ هيڤى خواست د خولا پێنجێ يا په‌رله‌مانێ كوردستانێ دا، كارێ ئۆپۆزسيۆنێ ببيته قانوونى، “هيڤيدارم قانوونه‌ك بۆ ئۆپۆزسيۆنێ بهێته دانان”.
محه‌مه‌دێ حاجى مه‌حمود ئاماژه ب وێ چه‌ندێ ژى كر كو ئه‌و ل گه‌ل وێ ئێكێ نينه حوكمه‌ته‌كا به‌رفره‌هـ بۆ هه‌رێما كوردستانێ بهێته دانان، هه‌ر لايه‌كێ بڤێت بلا ببيته ئۆپۆزسيۆن.