فوئاد حسێن: دێ سياسه‌ته‌كا نوو يا دارايى ل عيراقێ په‌يره‌و كه‌ين
ئه‌ڤرۆ نيوز:
فوئاد حسێن، وه‌كو وه‌زيرێ نوو يێ دارايى ل عيراقێ ده‌ست ب كار بوو و ئه‌ڤرۆ ئه‌ركێن خوه ب فه‌رمى وه‌رگرتن.
فوئاد حسێن، كانديدێ پارتى بۆ وى پۆستى ب ئاماده‌بوونا بريكارێ وه‌زاره‌تێ و پشكينه‌ر و رێڤه‌به‌رێن گشتى ل به‌غدا، ئه‌ركێن خوه وه‌كو وه‌زيرێ نوو يێ عيراقێ يێ دارايى وه‌رگرتن.
ب گۆره‌يى راگه‌هاندنه‌كا نڤيسينگه‌ها وه‌زاره‌تا دارايى، وه‌زيرێ نوو يێ دارايى راگه‌هانديه كو دێ شێوازه‌كێ نوو په‌يره‌و كه‌ن بۆ وێ چه‌ندێ پتر گرنگيێ ب سياسه‌تا ئابوورى بده‌ن و رۆل د قووناغا ئاڤاكرنێ و دژاتيا گه‌نده‌ليێ دا هه‌بيت.
ب گۆره‌يى راگه‌هاندنێ، ته‌كست ل سه‌ر وێ چه‌ندێ هاتيه كرن كو پێدڤيه ئه‌و سياسه‌تا نوو ل گه‌ل پلانا گه‌شه‌پێدانا نشتيمانى ئێك بگريت و سه‌رنجێ بێخيته سه‌ر سه‌رمايێ مرۆڤى ب هه‌موو پشكێن په‌يوه‌نديدار ڤه، هه‌ر د نه‌هێلانا هه‌ژاريێ و كێمكرنا رێژا بێكاريێ هه‌تا ئاڤاكرنا باژاران.
وه‌كو د راگه‌هاندنێ دا ئاماژه ب وێ چه‌ندێ كرى، پێدڤيه چاڤ ب رێژا قانوونى يا بوودجێ فيدرالى دا بكێشيت، بۆ وێ چه‌ندێ ل گه‌ل وى ئاراسته‌يى بگۆنجيت.