عه‌بادى دگه‌هيته توركيا
ئه‌ڤرۆ نيوز:
سه‌رۆك وه‌زيرێن عيراقێ د سه‌ردانه‌كا چاڤه‌رێكرى دێ گه‌هيته وه‌لاتێ توركيا و بڕياره ل گه‌ل هه‌ر ئێك ژ سه‌رۆك وه‌زيرێن وى وه‌لاتى و سه‌رۆك كۆمارێ توركيا ل سه‌ر سێ ته‌وه‌ران كۆم ببيت.
ئه‌ڤرۆ 25\12\2014 حه‌يده‌ر عه‌بادى، سه‌رۆك وه‌زيرێن عيراقێ، بۆ دانوستاندنێ ل سه‌ر سێ ته‌وه‌ران دێ گه‌هيته توركيا و بڕياره ژى ل گه‌ل ئه‌حمه‌د داود ئوغلۆ سه‌رۆك وه‌زيرێن توركيا و ره‌جه‌ب ته‌يب ئه‌ردوگان سه‌رۆك كۆمارێ توركيا كۆم ببيت.
ته‌ورێن كۆمبوونا وان دێ ل دۆر په‌يوه‌نديێن د ناڤبه‌را توركيا و عيراقێ دا بن، ديسا روو ب رووى بوونا تيرۆرێ، خالا سيێ ژى دێ دانوستاندن بيت ل سه‌ر په‌يوه‌نديێن ئابوورى.
ئه‌ڤ سه‌ره‌دانا حه‌يده‌ر عه‌بادى د ده‌مه‌كى دا هات كو ل رۆژا 20\11\2014 سه‌رۆك وه‌زيرێن توركيا ئه‌حمه‌د داود ئۆغلۆ سه‌ره‌دانا عيراقێ كرى و پاشان ژى هه‌ر د وێ رۆژێ دا هاتيه هه‌رێما كوردستانێ و رۆژا ب دووڤ دا ژى جودا ل گه‌ل سه‌رۆكێ هه‌رێما كوردستانێ، مه‌سعود بارزانى و سه‌رۆكێ حوكمه‌تا هه‌رێما كوردستانێ نێچيرڤان بارزانى كۆمبوويى.
