سوارێز دخوازيت ل به‌رشه‌لونا نه‌مينيت
ئه‌ڤرۆنيوز:
رۆژنامه‌كا ئيسپانى به‌لاڤكر كو ياريكه‌رێ يانا به‌رشه‌لونا دينيس سوارێز هزر دوێ چه‌ندێ دا دكه‌ت ل ده‌مێ ڤه‌گوهاستنا ياريكه‌ران ل زڤستانێ ل رێزێن به‌رشه‌لونا نه‌مينيت، پشتى كو دگه‌له‌ك ياريێن به‌رشه‌لونا دا راهێنه‌ر فالفێردى پشكداريێ پێ ناكه‌ت دپێكهاتێ سه‌ره‌كيێ به‌رشه‌لونا دا.
رۆژناما(موندۆ ديپۆرتيڤۆ) يا ئيسپانى به‌لاڤكر” فالفيردى پشت به‌ستنێ ب دينيس سوارێزى ناكه‌ت د ياريان دا وهه‌تا دياريا ل گه‌ل ئه‌نتر ميلان دا، فالفێردى داخوازا ياريكه‌ر كارلويس ئه‌لينا ژ تيما دويێ يا به‌رشه‌لونا كر”.
دياركر ژى كو سواريز دخوازيت ژ رێزێن به‌رشه‌لونا بچيته يانه‌كا دى دا پتر ده‌ليڤا ياريێ هه‌بيت.
وێ رۆژنامێ گۆت ژى” سێ يانه گرنگيێ ب ئينانا دينيس سوارێز بۆ ناڤ رێزێن خوه دكه‌ن ئه‌وژى ڤالنسيا يا ئيسپانى وشيلسى يا ئينگليزى وناپۆلى يا ئيتالى نه”.