وێستگەھەکا سۆتەمەنیێ دێ ل کەمپا دۆمیز ھێتە دانان
ئەڤرۆ نیۆز، ئەمیر ئەترووشی:
د سەرەدانەکێ دا بۆ کەمپا دۆمیز ئێک ئیسماعیل محەمەد ئەحمەد ھاریکارێ پارێزگارێ دھۆکێ بۆ کاروبارێن ئاواران و پەنابەران سەرەدانا چەندین پرۆژەیێن خزمەتگوزاری کر ئەوێن دھێنە ئەنجام دان ل ناڤ کەمپا دۆمیز ئێک و ژ وان ژی دانانا وێستگەھا سۆتەمەنیێ دناڤ کەمپێ دا ژ بۆ ئاوارەیان.
سالم سەعید، بەرپرسێ راگەھاندنا بۆردێ کارۆبارێن مرۆڤایەتی ل پارێزگەھا دھۆکێ بۆ ئەڤرۆ نیۆز دیار کر، چەندین پرۆژە ل کەمپا دۆمیز دھێنە جێ بەجێ کرن ژ وان پرۆژان سەخبیریکرنا کەھرەبا کەمپێ و دانانا ٦٥٠ یەکێن رۆناھیا سۆلەری، ھەروەسا دانا وێستگەھا سۆتەمەنیی، سەخبیریکرنا بارەگایێ بەرگری شارستانی، سەخبیریکرن و قێرکرنا ژمارەکا جادان، ئەڤ پرۆژە ب سەرپەرشتیا راستەوخۆ یا بۆردێ کاروبارێن مرۆڤایەتی ڤە دھێنە جێ بەجێ کرن و پشتەڤانیا مادی یا رێکخراوێن UNHCR و PWJ.
دیار کر ژی، ئەو دێ بەردەوام بن ل سەر پشتەڤانیکرن و ئەنجامدانا پرۆژان ل ناڤ کەمپێ و داخواز کر دەستەکا کارگێری پتر کار بکەن پێخەمەت خزمەتکرنا پەنابەران.
