لژنا ئولومپی یا کوردستانێ ئاگەھداریا ئێکەتێن وەرزشی دکەت
ئەڤرۆ نیوز:
لژنا ئولومپی یا کوردستانێ ب رێیا نڤیسەرەکا فەرمی یا ژمارە ۷۹٤ ل رێکەڤتی ۱۹/۱۲/۲۰۱۸ دەرکریە تێدا ئاگەھداریا سەرجەم ئێکەتیێن ناڤەندی یێن وەرزشی کریە یێن سەر ب لژنا وان ڤە ب مەبەستا دارشتنا پلانا کارێ داھاتیێ یێ ئێکەتێن وەرزشی ل زووترین دەم پلانا کارێ خوە یێن سالا ۲۰۱۹ ب شێوەیەکێ زانستی بەرھەڤ بکەن دیسان ب نڤیسینەکا فەرمی ئاراستەی مە بکەن.
ھەر ل د وێ نڤیسینارێ ژی دا ھاتیە پێدڤیە ئێکەتیێن وەرزشی ڤان ٥ خالێن دیار کری بەرچاڤ وەربگرن تاکو بشێن کارێ پێدڤی بکەین
۱ـ ئەو چالاکی سەرتاسەری ھەرێما کوردستانێ بن .
۲ـ ھژمارە و جورێت یانەیێن پشکدار بووی دەست نیشان بکەن.
۳ـ ئاماژە پێکرن ژبو جھێ چالاکیێ بەلێ ب شێوەیەکێ ھەڤسەنگ بیت بو سەرجەم باژێر و باژێرکێن کوردستانێ
٤ـ نابیت چالاکیێن ھەرێما کوردستانێ دگەل چالاکیێن عێراقێ بھێنە تێکەل کرن.
۵ـ ھەمی پلان ب رێکا کومبونا فەرمی یا ئێکەتیان بیت و سەرجەم ئەندامێن ئێکەتیێ ژی ب کونوسەکا فەرمی بھێنە ئاگەھدارکرن
