هەلبەستێن 15 هەلبەستڤانان د پرتووکەکێ دا هاتنە بەلاڤکرن
ئەڤرۆ نیوز، رێوار مزیری:
د رێورەسمەکی دا ئەڤرۆ رۆژا 24/12/2018 پرتووکا (وتريات جبلية) یا نڤیسەر و وەرگێر (نزار بامەرنی) ل پرتووکخانا بەدرخانیان ل دهۆکێ هاتە بەلاڤکرن.
ئیسماعیل تاهر جانگیر، رێڤەبەرێ پرتووکخانا بەدرخانیان ل دهۆکێ بۆ ئەڤرۆ نیوز دیار کر کو نڤیسەر و وەرگێر (نزار بامەرنی) هەلبەستێن 15هەلبەستڤانێن کورد یێن دەڤەرا بەهدینان وەرگێراینە زمانێ عەرەبی و د ڤێ پرتووکێ دا بەلاڤکرینە و گۆت: “ئەڤ هەلبەستە یێن هەلبەستڤانان (ئامينا زكرى، ئەحمەد هەسنی، تیرۆژ ئامێدی، جولە حاجی، تریفە دوسکی، عارف حیتو، عەبدولرەحمان بامەرنی، عسمەت العسمانی، فەیسەل مستەفا، موحسن قوچان، مستەفا سەلیم، دەیکا دالیایێ، هزرڤان عەبدوللا، هەلز عەلی سەلیم، هشیار محەمەد حەسەن) بوون و زێدەباری ڤێ چەندێ وەرگێرێ ڤێ پرتووکێ ژی دو هەلبەستێن خوە د ڤێ پرتووکێ دا بەلاڤکربوون”.
