ستافەکێ نوو بۆ ئێکەتیا ئافرەتان ھاتە دانان
ئەڤرۆ نیوز، زنار زوبێر:
ئەڤرۆ ستافێ نوو بۆ ئەنجومەنێ پارێزگەھا دھوک یێ ئێکەتیا ئافرەتێن کوردستانێ ھاتە دانان و زەری نەوزاد رسول وەک بەرپرسا ئەنجومەنێ پارێزگەھا دھوک ھاتە دەستنیشان کرن و ب فەرمی دەست ب کاربوو.
د ڤی چارچوڤەی دا زەری نەوزاد بەرپرسا ئەنجوومەنێ ئێکەتیا ئافرەتێن پارێزگەھا دھۆکێ د داخویانیەکا تایبەت دا بۆ ئەڤرۆ نیوز گۆت: ئەڤرۆ ب فەرمی دەست بکاربووم وەک بەرپەرسا ئەنجوومەنێ پارێزگەھا دھۆک لەورا ل ماوێ بھێت دێ ب ھەموو شیانێن خوە کارکەم بەردەوامیێ بدەمە درێژە پێدان ب کار و خەباتا ستافێ بەری نوکە یێ ئێکەتیا ئافرەتان ژ بەرکو بەری نوکە کارەکێ باش ھاتیە کرن بۆ ڤی ئەنجوومەنی.
زەریێ ئەو چەندە ژی دیارکر ئەو دگەل ستافێ دگە دا دێ دەست ب قوناغەکا نووی یا خزمەتا ئافرەتان کەن کو دگەل ھەمی چین و تەخێن ئافرەتین کومەلگەھێ بگونجیت داكو زوورترین رێژا ژنان خوە د ڤێ رێکخراوێ دا ببینن و مفاداربن ژ کار و چالاکیێن وێ.
زەری نەوزاد بەحس ل وێ یەکێ ژی کر کو پارتی ھەر ژ دەستپێکا خەباتا خوە دا باوەری ب ژنێ ھەبوویە و بەردەوام حزبا ئێکێ بویە ژنێن خەباتکەر و سەرکردە تێدا رولەکێ گرنگ ھەبوویە و گوت: د ستافێ نوو یێ ئێکەتیا ئافرەتان دا مە گرنگی دایە ھەبونا زوورترین رێژا پێکھاتەیێن پارێزگەھا دھوک ژ ئایین و چینێن جڤاکی پێخەمەت نێزیکی ھەموو ئافرەتان بین.
