ب درێژاھیا ٣ کێلومەتران جاددەیا ئیبراھیم خەلیل یا دھێتە سەخبیری کرن
ئەڤرۆ نیوز، عەلی حاجی :
پشتی جادەیا نیڤدەولەتیا ئیبراھیم تێک چووی و بێ سەربەر بوی، ل نوکە دا دەست ب سەخبێریکرنا وێ جاددەیێ ھاتیە کرن و ئەو پشکا ژ کارکەڤتی یا وێ جاددەیا نیڤدەولەتی ژ لایێ باژێرڤانیا زاخۆ ڤە دھێتە چێکرن و سەخبێری کرن.
ل دور ڤێ چەندێ جەوزەت سالح بەرپرسێ ھوبا تەکنیکی ل باژێرڤانیا زاخۆ بۆ ئەڤرۆ نیوز گۆت: ھەر چەندە جاددەیا نیڤدەولەتیا ئیبراھیم خەلیل نە د سنورێ باژێرڤانیا زاخۆ دایە لێ ل دووڤ بریارا سەروکێ باژێرڤانیا زاخۆ ژ بەر تێکچوونا سایدێ ژ ئیبراھیم خەلیل بۆ زاخۆ دێ ئەو جاددەیە ھێتە سەخبیری کرن وەکو رێیەکا دەمکی ھەتا ئەو رێک ب تەمامی ھاتیە دروست کرن ، ل نوکە دا مە دەست ب سەخبێریکرنا وێ رێێ کری یە ئەو جھێن تێک چووین تیمێت مە دێ دوبارە چێکەن.
ناڤبری زێدەتر گۆت : ب درێژاھیا ٣ کێلومەتران دێ قیرێ دانین وان جھێن تێک چووی یان ژی جاددە ژناڤ چووی داکو ل ماوێ زڤستانێ دا شوفێر و ھاولاتی تووشی چو نەخوشیا نەبن و ئەڤە ماوێ سێ روژایە تیمێن مە ل سەر وێ جاددەیا نیڤدەولەتی کار دکەن و ل دەمەکێ نێزیک دا دێ ئەو کار ب دوماھی ھێت.
