گیانەوەره‌كی 150 مریشكێن وه‌لاتيه‌كى كوشتن
شێخان:بارزان مزووری:
گیانەوەرەكێ كیڤی كو حەتا نها نەهاتیە زانين ك چ جۆرێ گیانەوەری یە دده‌مێ حەفتیەكێ دا پتری 150 مریشكێن وەلاتیەكێ ل گوندێ مێرسیدا كوشتينه و بتنێ سەرێ وان خاریە ولاشێ وان دجهدا هێلایە ، ئه‌ڤ چه‌نده بوویە مەترسی ل سه‌ر مریشكێن دەڤەرا ئەترۆش وچەندین وەلاتی ب شەڤێ حەتا سپێدێ ب چەكێ “جفتێ” بەر راوەستیاینە، به‌لێ هه‌تا نوكه ئه‌و گيانه‌وه‌ره نەهاتیە ديتن وكوشتن.
هەلكەفت سلێمان، خودانێ وان مريشكان بۆ ئەڤرۆنيوز گۆت: ئەڤە حەفتیه‌كە هەموو شەڤان زێرەڤانیێ ل جهێ خودانكرنا مریشكان دكەین ب شەڤ و رۆژ، ژ نیشكەكێ ڤە جۆرەكێ گیانەوەری دهێتە دناڤ جهێ مريشكان دا و مریشكان دكوژيت وسەرێ وێ دبەت ولاشێ وێ دجهدا دهێلیت، ئه‌م نزانین چ جۆرە گیانەوەرەكێ كیڤی یە”،
زێدەتر گۆت”د ده‌مێ ئێك حەفتی دا پتری 150 مریشكێن خومالی كوشتينه بتنێ سەرێ مریشكان بریە و مریشكێن باش يێن كوشتين ویێن بێ سەروبەر نه‌كوشتينه” ،
گوت ژی:” م مریشكێن ماین مه بۆ جهەكێ دی يێن ڤەگوهاستین، به‌لێ ل شه‌ڤا بۆرى ئه‌و گيانه‌وه‌ره يێ چویە مريشكێن مالا جیرانێ من وهه‌مان ئەو كریارا دگەل مە بكارئینای دگه‌ل مريشكێن وى ژى ئه‌نجام دابوو”.
