پارێزگەرێ دھۆکێ بۆ مالباتا میر تەحسین بەگ: ھەڤخەمێن خەما ھەوەینە
ئەڤرۆ نیوز:
پارێزگەرێ دھۆکێ بروسکەکا بەھیداریێ ب ھەلکەفتا وەغەرکرنا میر تەحسێن بەگ بەلاڤ دکەت و سەرەخۆشیێن خۆ ئاراستەی مالبات و کەسوکارێن وی و ئێزیدخانێ و ھەموو ئێزدیان دکەت،ئەڤە دەقێ وێ یە:
ئه‌و ل رێ و ئه‌م لپێ و ئه‌م هه‌می دێ ڤه‌گه‌رێین بو خودێ
ب خه‌م و كوڤانه‌كا مه‌زن ڤه خه‌به‌رێ وه‌غه‌را دووماهیێ یا میر تەحسین بەگ، میرێ ئێزدیان گه‌هه‌شته مه ..ب ڤێ هه‌لكه‌فتا بخه‌م و كوڤان ب ناڤێ خو و ناڤێ كارگێریا پارێزگه‌ها دهۆكێ سه‌ره‌خوشیێ ل مالبات و كه‌س كارێن وى و جڤاتا روحانى و هه‌مى خووشك و برایێن ئێزدى ل كوردستانێ و ده‌رڤه‌ى كوردستانێ و هه‌مى ئێزدیخانێ دكه‌ین و هه‌ف خه‌مێن مالبات و ئێزدخانێ ینه ژ خودێ دخوازین جهێ میر تەحسین بەگ به‌هه‌شتا به‌رین بیت و دووماهیا هه‌مى نه‌خوشیا بیت بۆ ئێزدیێن كوردستانێ و جیهانێ , میر تەحسین بەگ نێزیكى حه‌فتێ سالێن بێى راوه‌ستیان میراتیا ئێزدیان كریه و خودان پێگه‌ه و روله‌كێ بهێز بوو، هه‌روه‌سا دته‌ڤگه‌را كوردایه‌تیێ دا خودان هه‌لویست و روله‌كێ به‌رچاڤ بوو، له‌وما به‌رده‌وام خودان رێز بوو ل ناف هه‌مى خه‌لكێ كوردستانێ و به‌رده‌وام بزاڤ كریه كو گیانێ پێكڤه ژیانێ و ئێك دو قه‌بوولكرنێ ل كوردستانێ و عێراقێ بگشتى هه‌بیت.
دوباره سه‌ره‌خوشیێ ل هه‌مى خه‌لكێ پارێزگه‌ها دهوكێ و تایبه‌ت ئێزیان دكه‌ین
خودێ جهێ وى خوش كه‌ت و دووماهیا نه‌خوشیا بیت بۆ مالباتا وى و ئێزدخانێ
فرهاد ئه‌مین ئه‌ترووشى
پارێزگه‌رێ دهوكێ
