داخوازا ئازادکرنا چار ھزار زیندانیێن ھەرێما کوردستانێ دھێتەکرن
ئەڤرۆ نیۆز، قائید میرۆ:
تۆرا رێکخراوێن مەدەنی ل ھەولێرێ دو پێشنیار داینە حوکمەتێ و ئێک ژوان پێشنیاران ئازادکرنا زیندانیێن ناڤا چاکسازیێن ھەرێما کوردستانێ یە.
رێباز یوسف، سەرۆکێ تۆڕا رێکخراوێن مەدەنی بۆ ئەڤرۆ نیۆز دیارکر” داخوازێ ل سەرۆکێ حوکمەتا ھەرێما کوردستانێ دکەین بۆ بەرچاف گرتنا رەوشا نوکەیا ھەرێما کوردستانێ میکانزمەکی ڤەبینیت بۆ ئازادکرنا چوار ھزار زیندانیێن ھەرێما کوردستانێ، کو نوکە دناڤا چاکسازیێن ھەولێر و دھۆک و سلێمانیێ نە.
رێباز یوسف گۆتژی” بلا ئەف لێبۆرین مادێن تیرۆرێ نەگریت و تنێ کەسێن دی بشێوەیەکێ وەختی بھێنە ئازادکرن، چونکە زۆر ولاتێن دیژی ئەف بڕیار دەرکریە و کەسێن ناڤا چاکسازیان ھاتینە ئازادکرن ژبەر مەترسیێن ڤایرۆسا کۆرۆنا، ژلایەکێ دیڤە دێ پارەیەکێ زۆر بۆ حوکمەتێ ڤەگەڕیت و بۆ ھەوا بەرھنگاربوونا کۆرۆنایێ ھێتە مەزاختن.
