پارێزگاری دهۆكێ: ده‌ڤه‌را پیشه‌سازی پرۆژه‌یه‌كێ ستراتیژیه دێ كارتێكرنا خوه هه‌بیت
ئه‌ڤرۆ نیوز:
پارێزگارێ دهۆكێ دیاركر پرۆژه‌یێ ده‌ڤه‌را پیشه‌سازیا خوراكی ستراتیژیه ل هه‌رێما كوردستانێ.
عه‌لی ته‌ته‌ر پارێزگارێ دهۆكێ راگه‌هاند دڤان 10 رۆژان دا سێ پرۆژه‌یێن گرنگ ل سه‌ر ئاستێ هه‌رێما كوردستانێ هاتنه دامه‌زراندن، ب وێ هیڤیێ كۆ پرۆژه دێ به‌رده‌وام بن كارتێكرنا خوه هه‌بیت ل سه‌ر ژیانا خه‌لكی و ده‌ستخوشیێ ل ئه‌وان كه‌سان دكه‌ین یێن كۆ پرۆژه‌یێ بجهـ و دادمه‌زرینن.
پارێزگاری دهۆكێ ئه‌و چه‌نده ژی راگه‌هاند پرۆژه‌یێ ده‌ڤه‌را پیشه‌سازیا خوراكی ل دهۆكێ ل سه‌ر 1423 دونه‌مێن عه‌ردی كۆ زیده‌تره ژ 275 كارگه‌هێن جودا جودایێن پیشه‌سازیا خوراكی دناڤ دا دهێنه دامه‌زراندن،
ته‌ته‌ر پارێزگارێ دهۆكێ ئه‌و چه‌نده دا زاینن كۆ پرۆژه‌یێ ده‌ڤه‌را پیشه‌سازیێ پرۆژه‌یه‌كێ ستراتیژی یه و ل ده‌مه‌كێ نێزیك دا دێ كارتێكرنا خوه هه‌بیت ل سه‌ر پیشه‌سازیا خوراكی.
