كۆمپانیه‌كا ده‌رمانان: چاره‌سه‌ریا توشبوویان بۆ ده‌مێ 3 رۆژان دهێته‌كرن
ئه‌ڤرۆ نیوز:
كۆمپانیه‌كا بیاڤێ به‌رهه‌مئینانا ده‌رمانان راگه‌هاند چاره‌سه‌ریا كورونایێ ب سه‌ركه‌فتی هاتیه تاقیكرن و چاره‌سه‌ریا توشبوویان بتنێ بۆ ده‌مێ 3 رۆژان دهێته‌كرن.
ئاژانسا رویته‌رز به‌لاڤكریه، كۆمپانیا ریلیف سیرابیوتیكس كۆ باره‌گه‌هێ وێ ل جنیفه ب هه‌ڤبه‌شی ل گه‌ل كۆمپانیه‌كا ئه‌مریكی ئیسرائیلی بناڤێ نیوروئارئێكس سه‌ركه‌فتی بوون ژ تاقیكرنا ده‌رمانێ د چاره‌سه‌ركرنا كورونایێ دا راگه‌هاند.
ئه‌و دو كۆمپانی ده‌رمانێ ئار ئێل ئێف 100 یان ئه‌فیبتادیل راگه‌هاند كو دشیێن بتنێ ب سێ رۆژان نیشانێن گرانێن كورونایێ دوماهیێ بینین و توشبوویان چاره‌سه‌ر بكه‌ن.
ده‌سته‌یا ده‌رمانێن ئه‌مریكی ل هه‌یڤا ته‌موزا بوری رێك دا ب كۆمپانیان ئه‌ڤی ده‌رمانی ل سه‌ر ئه‌وان كه‌ستان تاقی بكه‌ن كۆ نیشانێن گرانێن كورونایێ ڤه‌گرتین ل سه‌ر 70 كه‌سان هاتیه تاقیكرن و سه‌ركه‌فتن ب ده‌ستڤه ئینا.
