ل سالرۆژا كوشتنا بەغدادی دا پۆمپیۆ پەیامەك بەلاڤ كر
ئه‌ڤرۆ نیوز:
ب هەلكەفتا بۆرینا سالەكێ ل سەر كوشتنا ئەبوبەكر بەغدادی سەرۆكێ رێكخراوا تیرۆرستى یا داعشێ، مایك پۆمپیۆ وەزیرێ دەرڤە یێ ئەمریكا د توویته‌كێ دا دبێژیت: داعش هێشتا گەفە و دێ بەردەوام بین ل سەر ژناڤبرنا وێ رێكخراوا تیرۆرستى.
د توویتەكێ دا مایك پۆمپێیۆى گۆتیه: سالەك ل سەر كوشتنا بەغدادی ده‌ربازبوو، سەرباری ڤێ سەركەفتنا مەزن، هێشتا داعش گەفە و دێ ل گەل هەڤپەیمانیا نێڤدەولەتی بەردەوام بین ل سەر ژ ناڤبرنا وێ گرۆپا تیرۆرستى.
ئه‌بۆبه‌كر بەغدادی ل رۆژا 27 ئۆكتۆبەرا 2019 د هێرشەكا فرۆكێن ئەمریكی دا ل گوندێ باریشا ل پارێزگەها ئیدلب هاتبوو كوشتن، هێزێن سوریا دیمۆكرات ژی هاریكاریا ئەمریكا كربوو د كوشتنا بەغدادی دا، لێ پۆمپێیۆ بەحسێ وێ هاریكاریێ نەكر.
لدووڤ زانیاریان هەشت فرۆكێن هەلیكۆپتەر د ماوێ دو ده‌مژمێران دا جهێ بەغدادی بومبەباران كربوو و د ئەنجامدا بەغدادی و هژمارەكا هاریكارێن وی هاتبوونە كوشتن.
