مه‌زلۆم عه‌بدى: ئه‌ردۆغان ئیسلامێ بۆ خوه بكار دئینیت
ئەڤرۆ نیوز:
فه‌رماندارێ گشتیێ هێزێن سووریا دیمۆكرات راگه‌هاند: سه‌رۆك کۆمارێ توركیا ئایینێ ئیسلامێ بۆ به‌رژه‌وه‌ندیێن خوه بكاردئینیت و سه‌رۆكێ فره‌نسا ژى بوسولمان پاراستینه.
مه‌زلۆم عه‌بدى، فه‌رماندارێ گشتی یێ هه‌سه‌دێ د توویته‌كى ل دۆر گۆتنێن ره‌جه‌ب ته‌یب ئه‌ردۆغان، سه‌رۆك كۆمارێ توركیا و ئێمانۆئێل ماكرۆن، سه‌رۆكێ فره‌نسا راگه‌هاند: ئه‌ردۆغانى پشته‌ڤانیا رێكخستنا تیرۆرستییا داعشێ و ده‌وله‌تا ئیسلامى كرییه، سڤكاتییا ب ماكرۆنى ژى ده‌ربرینێ ژ بۆچوونا بوسولمانان و به‌رژه‌وه‌ندیا جیهانا ئیسلامى ناكه‌ت، به‌لكو ئایینێ ئیسلامێ بۆ به‌رژوه‌ندیا خوه‌یا كه‌سوكى ب كاردئینیت.
مەزلۆمی ئاشكرا كر ژی، ئێمانۆئێل ماكرۆن، سه‌رۆكێ فره‌نسا یێ هاریكار بوو بۆ پاراستنا بوسولمانان ژ ده‌ستێ ده‌وله‌تا ئیسلامى و رۆله‌كێ سه‌ره‌كى د تێكشكاندنا وێ رێكخستنا تیرۆرستیا داعشێ و پاراستنا بهایێن مرۆڤایه‌تیێ دا هه‌بوو.
